силувач – Kurir.mk

Објавиле интервју со сериски силувач, протест пред редакција на медиум во Белград

Ивана Ефремовски — Wed, 28 Sep 2022 15:35:05 +0000

Стотици демонстранти, повеќето девојки и жени, се собраа денеска на протест пред редакцијата на провладиниот таблоид „Информер“ во центарот на Белград, барајќи одговорност од сопственикот и од уредникот за објавеното интервју со осудениот сериски силувач. Учесниците протестираа заради објавеното интервју со Игор Милошевиќ, кому таблоидот му ја посветува насловната страница на која тој се фали дека од својата 14 година досега минал само три месеци на слобода. Милошевиќ неодамна беше ослободен по повеќегодишна затворска казна, а бројни женски и граѓански организации во Србија изразија страв дека тој може да ги повтори делата, укажувајќи на опасноста од негово слободно појавување во јавноста. „На сериските силувачи не им е место во јавниот простор, медиумите и емисиите, туку во затвор“, беше порачано од протестот. Новинарските здруженија, бројни опозициски партии и претставници на граѓанското општество во Србија со осудија уредничкиот потег на „Информер“ и неговиот сопственик и главен уредник Драган Ј. Вучичевиќ, предупредувајќи дека со тоа интервју експолицитно е прекршен новинарскиот кодекс и сите морални норми. (МИА)

МОНСТРУМ ОД СКОПЈЕ: Си го силувал своето 12-годишно дете!

Ивана Ефремовски — Tue, 25 Feb 2020 14:16:17 +0000

Јавен обвинител од Основното јавно обвинителство Скопје донесе Наредба за спроведување истражна постапка против лице осомничено дека сторило кривично дело – Полов напад врз дете кое не наполнило 14 години од член 188 став 1 од Кривичниот законик. Осомничениот, на 10 февруари, во напуштен објект позади прифатниот центар за бездомници „Ранка Милановиќ“ во Скопје извршил полови дејствија врз дете на возраст од 12 години. Тој жртвата, инаку негово вонбрачно дете со кое живеел во иста семејна заедница, ја зел во возило со изговор дека ќе ја носи во училиште, но ја однел во напуштениот објект, каде ја принудил на полови дејствија. Надлежниот јавен обвинител до судијата на претходна постапка при Основниот кривичен суд Скопје достави Предлог за определување мерка притвор за осомничениот, поради опасност од бегство, можност за влијание врз сведоци и особени околности кои го оправдуваат стравот дека би можел да го повтори делото.

Јавноста гневна, критики за судијата: Тинејџер направил нешто ужасно, но поштеден е бидејќи „бил од добро семејство“

Ивана Ефремовски — Fri, 05 Jul 2019 18:17:14 +0000

Судијата од Њу Џерси, САД, Џејмс Тројано е под силни критики на јавноста поради олеснителна околност што му ја одредил на 16-годишник обвинет за силување. Момчето, во јавноста познато само под иницијалите Г.М.Ц., се товари за сексуален напад на девојка под дејство на дрога или алкохол, видливо несвесна за своите постапки. Тоа се случило 2017 година, на домашна забава. Тој го снимил чинот и го објавил на интернет, нагласувајќи дека „неговиот прв секс бил со силување“. Еден од сведоците кажал дека на снимката се гледа и како тинејџерот на несвесната девојка постојано ѝ ја удира главата од ѕидот за време на насилниот чин. Според судијата Тројано, сепак, олеснителна околност е тоа што „момчето било од добро семејство“. Toj го отфрлил и аргументот на жртвата, тогаш исто 16-годишна, која тврди дека била премногу несвесна за да се согласи на сексуалниот чин. Поради сѐ тоа, судијата одлучил обвинението воопшто и да не го процесуира. Тоа се случило минатиот јуни, 2018 година. Во меѓувреме, судијата се пензионирал, а сега жртвата бара повторно отворање на случајот. Така светот сега и дозна за оваа контроверзна одлука на Тројано. Повторената тужба е прифатена, а Тројано доби и укор од Апелациониот суд.

Жестока казна за монструмот: Силувал и запалил жена, таа се спаси, а тој умре во најголема болка

Ивана Ефремовски — Fri, 08 Mar 2019 10:48:37 +0000

Индиец кој што најпрвин силувал, а потоа и запалил жена, доживеал морничава смрт откако неговата жртва успеала да му се одмазди. 35-годишната жена се здобила со изгореници на лицето и рацете, но 42-годишниот монструм им подлегнал на повредите во болница. Оваа вдовица раскажала дека напаѓачот ја силувал во нејзиниот дом во Калкута, откако останала сама во нејзиниот дом. -Тој потоа ја полеал со керозин и ја запалил, открил еден полицаец за локалните медиуми. Таа успеала да го повлече кон себе, па пламенот го зафатил и напаѓачот, а од изгорениците тој потоа починал, а таа се опоравила. Во последните неколку години во Индија порасна бројот на силувања и насилство над жените, па дури и убиства, што доведе до бројни протести. Неефикасното правосудство и полиција најмногу ги изневеруваат жртвите, велат експертите.

Фатен дедото силувач од Охрид

Катерина Бојаџиева — Wed, 20 Jun 2018 16:38:59 +0000

Секторот за внатрешни работи Охрид, до Основното јавно обвинителство Охрид, поднесе кривична пријава против Ф.Ш. (71) од Охрид поради постоење основи на сомнение за сторено кривично дело „полов напад врз дете кое не наполнило 14 години“. Вчера во 15.00 часот во Секторот за внатрешни работи Охрид, Р.А. (46) пријавила дека истиот ден околу 14.00 часот на ул. „Гоце Делчев“ нејзината 11 годишна внука била пресретната од пријавениот, кој почнал да ја влече и да ја бакнува. Девојчето успеало да избега, при што го изгребало по лицето. По преземени мерки лицето било пронајдено и лишено од слобода.

Силувал млади фудбалери: Овој тренер е педофилот наречен „олицетворение на ѓаволот“ (ФОТО+ВИДЕО)

Ивана Ефремовски — Tue, 20 Feb 2018 08:48:45 +0000

Поранешниот фудбалски тренер Бери Бенел е осуден на 31 година затвор за сексуално злоставување момчиња. Судијата при изрекување на казната, го нарекол Бенел за „олицетворение на ѓаволот“. Тој е осуден за сексуален напад на 12 момчиња на возраст од 12 до 15 години. Злосторството го правел како тренер од 1979 до 1991 година и ги уценувал децата со нивната фудбалска кариера. Бенел за слични кривични дела во Британија и во САД е веќе осуден на три затворски казни. Во времето кога било тренер , работел со подмладокот на фудбалските тимови Манчестер сити и Стоук.

ВИДЕО: Побара „пет минути насамо“ со силувачот на своите три ќерки, па настана вистински хаос во судницата

Ивона Петрова — Fri, 02 Feb 2018 19:46:48 +0000

Рандал Маргрејвс побара „пет минути насамо“ со сексуалниот злоупотребувач осуден на 175 години затвор. Таткото на три ќерки сексуално злоставувани од страна на Лари Насер се обиде да го нападне поранешниот американски лекар на гимнастичарскиот тим за време на неговото сослушување во судницата во Мичиген. Две ќерки на Рандал Маргрејвс што туку сведочеа кога Маргрејвс од судијката Џенис Канингам побара време насамо со поранешниот лекар. -Ќе побарам од вас како дел од казната да ми дадете пет минути во заклучена соба со овој демон, рече Маргрејвс, кој има трета ќерка, која исто така била злоставувана додека била под грижа на Насер, пренесе Гардијан. Кога судијката одби, Маргрејвс одмавна со главата кон Насер и го нарече „кучкин син“. Додека другите се смееја во судницата, судијката го предупреди Маргрејвс за неговиот говор. Потоа, тој се нафрли врз лекарот. Обезбедувањето на судот брзо го совлада Маргрејвс на земја. Насер истовремено беше изведен од судницата. Насер веќе е осуден на 175 години затвор на посебно сослушување минатата недела и на 60 години за поседување на слики со злоставувани деца во 2017 година. Расправата оваа недела се фокусира на однесувањето на Насер во гимнастичкиот клуб Твистарс во Мичиген.