силување – Kurir.mk

„Ме силуваше онесвестена“: Нови обвинувања за Бил Козби, тој ги нарече “смешни“

Ивана Ефремовски — Mon, 16 Oct 2023 16:00:13 +0000

Во тужбата поднесена во петокот пред Врховниот суд на Њујорк, анонимен тужител изнесе нови наводи против Бил Козби. Имено, жената чиј идентитет не е откриен изјавила дека на сетот на „The Cosby Show“ била поканета во два наврати. Изјавила дека била сексуално злоставувана вториот пат кога го запознала Бил, откако тој и ставил дрога во пијалокот. -Жената изјавила дека се онесвестила по мала количина пијачка, а кога се разбудила веќе било доцна, пренесува Телеграф. Се наведува и дека актерот сето тоа го направил на снимањето, како и дека компаниите знаеле што се случува, но дека никој не му го попречил патот. Козби ги негираше овие наводи и во еден момент ги нарече смешни. „Наводните обвиненија се крајно смешни и наместени, и јас одбивам да одговорам или да дадам значење на кој било од овие наводи“, рече тој.

ГРОЗОМОРНО: Четири малолетници од Демир Капија силувале врсничка, мајката на девојчето пријавила во полиција

Катерина Бојаџиева — Thu, 12 Oct 2023 13:07:51 +0000

Четири малолетници од Демир Капија силувале врсничка, мајката на девојчето пријавила во полиција, за ова денеска информираа од СВР Велес. Оттаму појаснија дека синоќа во 23.30 часот во Полициската станица Неготино, 30-годишна жена од Демир Капија пријавила дека подолг временски период четири малолетници, врсници на нејзината малолетна ќерка, во објект во изградба во двор на основно училиште, ја присилувале нејзината ќерка на сексуални односи со нив. - Запознаен е јавен обвинител од ОЈО Кавадарци и Центарот за социјални работи Неготино. Се преземаат мерки за расчистување на случајот, додадоа од СВР Велес.

Ќерката на познатиот актер откри страшни деталите за злоставувањето: Татко ми ме силуваше кога имав 5 години

Ивана Ефремовски — Thu, 05 Oct 2023 07:40:10 +0000

Најстарата ќерка на актерот Клаус Кински, Пола Кински, тврди дека нејзиниот татко повеќепати ја силувал кога била мала. -Ме допираше и ме бакнуваше со отворени усни кога бев многу мала, околу пет-шест години, рекла еднаш за медиумите откако со години молчела затоа што се плашела дека никој нема да и поверува, а потоа конечно реши да ја прекине нејзината тишина. -Како дете секогаш морав да ја држам устата затворена бидејќи ми се закануваше. И јас зависев од него, од неговата наклонетост. Тој рече дека сите татковци на светот им го прават истото на своите ќерки, раскажа Пола. Во својата книга „Детската уста“, Пола Кински сликовито ги опишува деталите за наводното злоставување од страна на нејзиниот татко, кој починал од срцев удар во 1991 година. Пола опишува како се чувствувала растргната помеѓу тоа што сакала да му угоди и сакала да се спротивстави на неговите нагони. -Ме мачат чувствата на вина. Дека го разочарав, што некогаш му дозволив. Постојано плачам, рече таа и го опиша најтешкиот период од нејзиниот живот. -Секогаш ме допираше премногу, ме држеше толку силно што мислев дека не можам да избегам. Тогаш имав четири или пет години и живеевме во Минхен. Инстинктивно препознав дека тоа не е таткова прегратка, туку повеќе од тоа, рекла таа. Кински исто така истакна дека никогаш не можела да гледа ниту еден од филмовите на нејзиниот татко, во кои тој најчесто глумел криминалци и зли ликови. -Кога гледав, секогаш мислев: „Точно е како дома“, изјавила Пола Кински. Пола никогаш не разговарала за ова со нејзината полусестра, актерката Настасја Кински, бидејќи тие не се во контакт. Најстарата ќерка на актерот изјавила дека прекинала секаков контакт со својот татко кога имала 19 години, а кога тој починал не чувствувајте какви било емоции.

Притвор за младиот монструм: Силувал старица додека таа спиела во својот дом

Ивана Ефремовски — Thu, 14 Sep 2023 16:03:39 +0000

Основното јавно обвинителство Струмица донесе Наредба за спроведување истражна постапка против 25-годишник за кого постои основано сомнение дека сторил кривично дело – Полов напад и силување од член 186 став 3 во врска со став 1 од Кривичниот законик. Осомничениот го сторил делото на 13 септември, во раните утрински часови, кога влегол во домот на оштетена во селото во кое престојувал додека таа спиела и врз неа извршил полов напад. Надлежниот јавен обвинител до судијата на претходна постапка денеска достави предлог за определување мерка притвор, оценувајќи дека се исполнети законските основи. Од полицијата информираа дека дваесет и пет годишниот А.В. од село Косевица, Општина Македонска Каменица извршил обљуба врз 81-годишна старица од Струмичко.

УЖАС ВО МАКЕДОНИЈА: Малолетничка силувана, приведени шест тинејџери

Ивана Ефремовски — Sun, 10 Sep 2023 14:28:04 +0000

На 09.09.2023 во 19:30 часот во тетовско, полициски службеници од СВР Тетово лишиле од слобода пет малолетници и еден 18-годишник, сите од тетовско. Приведени се постапувајќи по претходна пријава на жител од тетовско според која, тие со закана ја принудиле неговата малолетна ќерка на полови дејства. По целосно документирање на случајот ќе биде поднесена соодветна пријава.

СТРАШНО ЗЛОСТОРСТВО ВО ИНДИЈА: Девојче (14) било групно силувано, па живо запалено

Ивона Петрова — Sun, 10 Sep 2023 13:37:43 +0000

Индија е потресена од случајот со групното силување на четиринаесетгодишно девојче.Имено, во Раџастан неколку мажи силувале го силувале девојчето, а по страшното злосторство ја запалиле. Девојчето исчезнало откако излегло од дома за да ги чува козите, а нејзиното тело го идентификувал нејзиниот брат кој и го открил накитот во рерна. Индиската полиција обвини 11 мажи за нападот во Раџастан. Полицајците за „Тајмс оф Индија“ изјавија дека братот на девојчето видел неколку шпорети со јаглен поставени од луѓе од номадската заедница. Вниманието му го привлекло чадот од еден од шпоретите бидејќи тие не биле активни навечер. Со стап ја претурал печката и ги прегледал јагленисаните предмети, а потоа ја видел нараквицата што ја нашол неколку дена претходно и ѝ ја дал на својата сестра. Полицијата подоцна ги идентификувала деловите од телото и облеката и обувките на жртвата. Било потврдено дека жртвата била сè уште жива кога била запалена.

Актерка откри дека била жртва на инцест во детството: „Ти го правеше тоа 4 години, никој не забележа“

Ивона Петрова — Fri, 08 Sep 2023 11:47:23 +0000

Ѕвездата на филмот „Невозможна мисија“, француската актерка Емануеле Барт, реши да ја сподели со јавноста својата шокантна приказна за тоа дека како девојче била жртва на инцест. 60-годишната актерка изнесе шокантни тврдења во новиот документарен филм „Un silence si bruyant“, кој премиерно ќе биде прикажан во Франција на 24 септември, на каналот М6. Нејзината помошничка режисерка Анастасија Микова за медиумите изјави дека напаѓачот не е нејзиниот татко, пејачот Ги Бер, но дека идентитетот на лицето нема да и биде откриен на јавноста. Во моментов е познато дека злоставувањето започнало кога актерката имала 10 години и продолжило до нејзината 14. Актерката изјавила дека на почетокот не сакала да зборува за себе, туку за другите жртви на инцест. -Но, нивната искреност и храброст ме натераа да проговорам, рече таа. Во еден дел од документарецот се слуша нејзиниот глас упатен до нејзиниот насилник. „Бидејќи татко ми, мајка ми и моите пријатели не забележаа ништо, можеше да го повториш ова, и го правеше, четири години“. Ја спасила нејзината баба, открила актерката. Барт, која се занимава со глума од 1972 година, зад себе има повеќе од 60 филмски и телевизиски улоги и е добитничка на бројни награди. Во првиот филм од франшизата „Невозможна мисија“ од 1996 година, во режија на Брајан Де Палма, таа ја играше улогата на агентката Клер Фелпс.

УЖАС: Скопјанец си ги силувал малолетните ќерки!

Ивана Ефремовски — Fri, 18 Aug 2023 13:59:03 +0000

На 17.08.2023, полициски службеници од Полициската станица Чаир го лишиле од слобода Ф.Х. од Скопје, постапувајќи по пријава добиена истиот ден според која тој, пред повеќе години, извршил обљуба врз неговите, тогаш малолетни ќерки. Во службен разговор во полициска станица тој ги признал делата. По целосно документирање на случајот против него ќе биде поднесена соодветна пријава.

УЖАС ВО СКОПЈЕ: Малолетник ги силувал својот брат и уште едно дете

Ивана Ефремовски — Wed, 16 Aug 2023 15:18:48 +0000

На 15.08.2023, полициски службеници од СВР Скопје извршиле службен разговор со малолетник од Скопје, поради сомнение дека извршил обљуба врз неговиот малолетен брат и врз уште еден малолетник од Скопје. По целосно документирање на случајот ќе биде поднесена соодветна пријава.

Во Иран егзекутирани пет мажи поради силување

Ивана Ефремовски — Wed, 09 Aug 2023 08:44:36 +0000

Иран денеска егзекутираше пет мажи прогласени за виновни за силување жена во мај минатата година. -Петмина мажи кои киднапираа и силуваа жена во мај 2022 година во градот Маранд (северозападен Иран) беа егзекутирани денеска, соопштија властите. Мажите кои беа егзекутирани денеска, беа уапсени четири дена по силувањето. На почетокот на јуни, невладината организација Амнести интернешенел соопшти дека 282 лица биле егзекутирани во Иран во 2023 година. Минатата година Исламската Република егзекутирала 582 лица - повеќе од која било друга земја освен Кина, соопштија неколку групи за права, вклучително и Амнести интернешенел. На почетокот на минатиот месец, иранските власти егзекутираа тројца мажи прогласени за виновни за дрогирање и силување на околу десет жени кон крајот на 2021 година. (МИА)