силувано девојче – Kurir.mk

Нов случај на силување девојче во Индија

Матеја Петровски — Mon, 07 May 2018 07:59:42 +0000

Индиска тинејџерка се бори за живот откако била силувана, полеана со безнин и запалена, соопшти локалната полиција, додавајќи дека ова е втор ваков случај во последните неколку дена. - Девојчето има изгореници од прв степен на 70 проценти од телото, изјави полициски началник од округот Пакур во државата Џарханд. Инцидентот се случил во петокот, кога во истата држава бил извршен сличен напад кој ја згрози јавноста. (Миа)

УЖАС: Силувана малолетничка од Скопје

Ивана Ефремовски — Sun, 04 Mar 2018 11:28:22 +0000

Вчера во 16:40 часот во Полициската станица Чаир, Д.Љ. пријавила дека истиот ден околу 09:00 била силувана неговата малолетна ќерка. Според пријавата, сторител на грозоморниот чин е 20-годишниот З.А. од населба Шуто Оризари. Тој извршил полов напад врз девојчето, тврди нејзиниот татко. Се преземаат мерки за расчистување на случајот.

„Меѓаши“: За грозоморниот настан од домот „25 Мај“ виновна е и полицијата, обвинителството, министерството за образование и здравство

Ивана Ефремовски — Wed, 28 Feb 2018 15:38:16 +0000

Јавноста се уште е во шок поради случајот со злоставување на малолетници во домот 25 Мај. Дека темата е актуелна покажа и емисијата Несомнено во која гостуваше портпаролот на првата детска амбасада Меѓаши Татјана Гоговска. Таа истакна дека сите факти укажуваат на тоа дека потфрлила целата структура на функционирање на структурите на државата. - Потфрли домот, потфрли центарот за социјални грижи против кој во петокот се покрена постапка и кривични пријави против 11 вработени. Меѓутоа ние се уште чекаме да слушнеме дека е покрената кривична пријава и против директорот и вработените во домот 25 Мај кои директно со години и со децении беа инволвирани и знаеа при нивни проверки во секојдневието што се случува таму. И сето тоа го заташкуваа и не го пријавуваа. Потоа затаи МВР. Значи кога има таков случај веднаш се поднесува кривична пријава. Значи имате девојче најдено на улица во безсознание донесено во болница. Утврдено е дека е сексуално злоупотребувано, утврдено е дека дете од домот за деца 25 Мај. Истрагата веднаш требаше да почне. Истражните органи веднаш требаа да излезат и да почнат да го следат и да го расчистуваат случајот. И она што мораме да го кажеме и што и понатаму ќе се залагаме дека не само за овој случај, истрагата односно обвиненијата треба да се прошират и целосно да се истражат и други случаи да речеме според кривичниот законик како е дали последните пет шест години. Да се утврдат сите оние кои биле вклучени. И не само МВР, обвинителстовот, центарот за социјални работи, министерство за труд и социјала, домот 25 Мај, тука е и министерство за образование бидејќи тие се и школски деца. Министерството за здравство е подеднакво виновно, ако вие имате во болница пациент во таква состојба морате да реагирате. Значи сите институции затаиле во овој случај и во овие децении наназад затајуваа затоа што ги премолчуваа настаните што се случуваа во 25 Мај, рече таа.

Мирческа: МТСП и Царовска ја убедуваат јавноста дека малолетните девојчиња сами се виновни за тоа што им се случи

Ивана Ефремовски — Wed, 21 Feb 2018 11:26:25 +0000

Министерството за труд и социјална политика, предводено од Мила Царовска освен што покажа дека е целосно неспособно и неодговорно во случајот со штитеничките од домот 25 мај, сега бесрамно се обидува да ја убеди јавноста дека малолетните девојчиња сами се виновни за тоа што им се случило, обвинува Јована Мирческа од ВМРО-ДПМНЕ. -Имено скандалот да биде поголем, вчера, од МТСП изјавија дека во Домот за деца со социјално-воспитни проблеми „25 Мај“, нема злоставување или сексуална експлоатација туку штитеничките своеволно забремениле. Крајно бесрамно и лицемерно. Очигледно Мила Царовска нема намера да преземе одговорност за скандалите кои го тресат домот и министерството што го води. На несреќа на штитеничките, скандалите се множат, а Царовска нема никаква контрола, ниту ја интересира катастрофалната состојба во министерството. Најпрвин се откри дека 13 годишно девојче кое било сексуално злоставувано, останало бремено, а потоа и абортирало, вели таа. Мирческа потсетува дека по неколку дена се обелодени дека во овој дом уште две малолетни девојчиња забремениле. -Царовска не само што не се повлекува заради скандалите што се случуваат во институцијата која е под нејзина надлежност, таа уште се обидува да се оправда со префрлање на одговорноста врз штитеничките за кои државата презела одговорност да се грижи. После изјавата на министерот за здравство Филипче кој што ги обвини бремените жени дека се виновни за смртноста на бебињата, сега и министерката Царовска се правда преку штитениците! Ова е скандал од невидени размери! Царовска треба веднаш да поднесе неотповиклива оставка од морални и политички причини. Се работи за физичкото и психичкото здравје на децата штитеници на установата која презела обврска да се грижи за нивното воспитувањето и здравје, институција во ресорот на Мила Царовска. Ова покажува дека системот за социјална грижа во државата е доведен во прашање како резултат на неодговорноста, негрижата и неработењето на раководните кадри именувани од СДСМ, истакнува таа.

Основното јавно обвинителство се огласи за случајот со силуваното девојче од „25-ти мај“

Ивана Ефремовски — Tue, 20 Feb 2018 14:21:33 +0000

Основното јавно обвинителство Скопје и Основното јавно обвинителство Велес ја известуваат јавноста дека активно преземаат дејствија за утврдување на фактите во врска со случајот на штитеничката од ЈУ Завод за згрижување на деца со воспитно – социјални проблеми и нарушено поведение – Скопје. Нивното соопштение го пренесуваме во целост: Имајќи предвид дека постои јавен интерес за настаните поврзани со девојчето, а по кои постапуваат овие обвинителства, Јавното обвинителство истакнува дека информациите кои можат да се споделат во моментов се само оние кои нема да ја повредат тајноста на постапката согласно член 289 од Законот за кривичната постапка и одредбите од Глава 16 од Законот за правда за децата, која се однесува на заштита на детето како оштетено или сведок во кривичната постапка. Во Основното јавно обвинителство Скопје се оформени предмети по писмени известувања поднесени од Министерството за внатрешни работи по кои обвинителството постапува. Доставена е Наредба за проверка на наводите од пријавите и за организацијата и работењето во установата. Повикани се и се врши сослушување на повеќе лица кои можат да придонесат кон утврдување на фактите и за кривичната одговорност. Во врска со последните информации кои се однесуваат на поголем број штитеници од установата, Обвинителството достави писмено барање до Министерството за труд и социјална политика со цел прибирање на потребни податоци. Во Основното јавно обвинителство Скопје е отворен и предмет по поднесена кривична пријава од страна на родителите на девојчето, преку адвокат, против лица вработени во Јавната установа за згрижување деца со воспитно – социјални проблеми и нарушено поведение – Скопје, а за сторени кривични дела – Злоупотреба на службена положба и овластување и Несовесно работење во службата од Кривичниот законик. Основното јавно обвинителство Велес постапува по предмет за кој веќе во јавноста беа објавени детали. По применото известување, обвинителството веднаш издаде Наредба за телесен преглед до Институтот за судска медицина. Во текот на вчерашниот ден до Обвинителството од страна на Министерството за внатрешни работи е пристигната кривична пријава против конкретен сторител. Постапката интензивно ќе продолжи со расветлување на настанот се до донесување на јавнообвинителска одлука. Ве известуваме дека сериозно и со големо внимание се следат случувањата поврзани со штитениците од воспитно-поправните установи и целосно се придржуваме во напорите за институционално решавање на проблемот во насока за идно превентивно делување и спречување на девијантните појави, особено оние во кои се децата како жртви. Јавното обвинителство од аспект на своите законски надлежности ги презема потребните дејствија сите инволвирани кои евентуално сториле кривично дело да бидат доведени пред лицето на правдата.