Ангелеска: Реконструцијата на Владата е чисто врзана од тесно партиските интереси за опстанување на власт, продолжување на тендерите во четири очи и доокупирање на судството и обвинителството

Ивана Ефремовски — Tue, 28 Feb 2023 16:47:28 +0000

Оваа власт не трпи критика ниту од опозиција, медиуми, новинари, ниту сака да ги чуе синдикатите. Најверојатно таа не трпи ниту критика од сопствените редови. Ете затоа најверојатно претпоставувам дека Рендевски е натеран да си даде оставка, изјави пратеничката од редовите на ВМРО-ДПМНЕ, Силвана Ангелеска на денешната собраниска седница. Таа запраша дачи господинот Рендевски е разрешен односно си дал оставка самиот или пак власта го натерала да си поднесе оставка од заменичката позиција? „Нелегитимниот премиер лаже дека оваа реконструција не е врзано од тесно партиски интереси, таа е чисто врзана од тесно партиски интереси за одржување уште неколку денови, месеци на власт, а зошто? За да можат да си продолжат тендерите во четири очи, да можат да продолжат со именувања на судии, обвинители, уставни судии и да го доокупираат судството и обвинителството“, рече Ангелеска Ангелеска истакна дека заменикот министер Башким Хасани не побарува образложение од премиерот Ковачевски за неговото разрешување туку од Ахмети. „Ова е една Влада која е неспособна, арогантна, самобендисана, криминогена, коруптивна и ништо нема да им помогне со таа промена на министри за да си го променат нивниот начин на размислување и делување, а кога колегите ќе спомнат предвремени избори власта реагира бурно на тоа“, изјави Ангелеска. Таа истакна дека власта не може да сака предвремени парламентарни избори бидејќи нема анкета која не покажува дека се повеќе и повеќе тоне. „Колку сте повеќе агресивни и арогантни обратно пропорцинално оди вашиот рејтинг, колку повеќе сте по агресивни и арогантни уште повеќе ќе пропаѓате. Колку повеќе од вашата уста излегува ЕУ, ЕУ, ЕУ уште повеќе ќе расте евроскептицизмот бидејќи власта нема европски вредности за да ја споменува Европската Унија“, децидна е Ангелеска.

Ангелеска: Официјални информации од власта за бегството на Груевски се уште немаме

Предраг Кукиќ — Fri, 23 Nov 2018 10:12:49 +0000

Информации за бегството на бившиот премиер, Никола Груевски се уште официјално од нашата држава немаме. Добивме информации од сите околни земји каде што наводно премиерот бивши патувал на својата дестинација до Будимпешта. Меѓутоа не добивме официјални информации од нашата влада од нашите органи кои што требаше тоа да го кажат, потенцираше г-ѓа Силвана Ангелеска, пратеник од редовите на ВМРО-ДПМНЕ и Коалицијата „За подобра Македонија“ при гостување на емисијата „Патот кон“. Пратеничката Ангелеска појасни дека од она што граѓаните се запознаени е преку објавувањето на еден ФБ статус односно два ФБ статуси на Никола Груевски од Будимпешта каде што ги кажува причините поради кои што се одлучил на таквиот чекор. Ние како партија уште од поодамна тврдиме дека ова е политички прогон дека навистина делото за кое се товареше Никола Груевски и дел од неговите соработници е еден монтиран политички случај. СЈО ја игра таа игра на политичката намера на СДСМ да ги гони бившите функционери на ВМРО-ДПМНЕ за дела кои што навистина гледате дека и другите земји веќе се изјаснија дека нема ни своја логика ова, за нешто што нема финансиски импликации, нема финансиска штета. Мерцедесот кој што власта ќе го продаваше и ќе купуваше амбулантни возила сега се уште се вози со него, а тоа значи дека нема никаква штета направено иако за тоа се носат казни високи, рече пратеничката Ангелеска.

Силвана Ангелеска – Kurir.mk

Ангелеска: Официјални информации од власта за бегството на Груевски се уште немаме