Силвана Карбеска – Kurir.mk

Марија Илиева и Силвана Карбеска ќе го судат финалето во женскиот ракометен Европски Куп

Бошко Тасиќ — Wed, 19 Apr 2023 21:14:39 +0000

Оваа сезона во ЕХФ Европскиот куп во женска конкуренција за титулата во финалето ќе се борат Анталија Коњалти БСК од Турција и Клуб Балонман Атлетико Гуардес од Шпанија. Реванш натпреварот од овој финален двомеч ќе се игра на 7 мај во Анталија кога ќе се дознае победникот во ова клупско натпреварување. Возвратниот дуел кој ќе се игра од 19.00 часот ќе го судат Марија Илиева и Силвана Карбеска од Македонија. Првите 60 минути се закажани за 30 април, а тогаш судии ќе бидат Марина Дуплии и Олена Победрина од Украина. Потсетување дека за екипата на Анталија Коњалти БСК настапуваат двете наши ракометарки Ивана Гакидова и Моника Јанеска.

Карбеска и Илиева ќе судат во осминафиналето на ЛШ

Бошко Тасиќ — Sat, 18 Mar 2023 07:56:31 +0000

Европската ракометна федерација ги делегираше официјалните лица за натпреварите од европските купови во машка и женска конкуренција. Во женската Лига на шампионите, ќе се играат дуелите од осминафиналната фаза, а таму ќе бидат активни и македонски арбитри. Силвана Карбеска и Марија Илиева ќе го судат дуелот меѓу Сторхамар од Норвешка и данскиот Оденсе што ќе се одигра во Хамар на 18 март од 18:00 часот. Делегат на овој натпревар ќе биде Јанка Стасова од Словачка.Покрај Карбеска и Илиева, на европските терени ќе биде активен и Камер Металари, кој ќе биде делегат на четвртфиналниот натпревар од Европскиот куп кај мажите меѓу хрватскиот Сесвете и норвешкиот Нербо што ќе се игра на 19 март од 18:00 часот.

Карбеска и Илиева ќе судат во квалификациите за СП

Бошко Тасиќ — Thu, 27 Oct 2022 05:25:26 +0000

Европската ракометна федерација ги делегираше официјалните лица за натпреварите од првиот бараж за Светското женско првенство во 2023 година. Македонската двојка Силвана Карбеска и Марија Илиева ќе го судар првиот меч меѓу селекциите на Бугарија и Италија.Овој дуел ќе се одигра на 2 ноември во градот Варна, во источниот сосед на Македонија, со почеток од 16:00 часот. Македонија ќе игра само еден бараж, и тоа во април догодина, а ривалот ќе го дознае последниот викенд од ЕП.