симон кјаер – Kurir.mk

Кјаер за моментот кој ќе го прогонува: Реагирав инстинктивно, ситуацијата со Ериксен се опишува со два збора

Ристе Здравков — Mon, 27 Dec 2021 16:23:26 +0000

Симон Кјаер на најлош можен начин ја заврши 2021-ва година која беше одлична за него од играчка гледна точка, бидејќи заработи тешка повреда на коленото поради која ќе мора да паузира со месеци. Фудбалерот на Милан го скина предниот вкрстен лигамент и можно е да паузира до крајот на сезоната, а покрај оваа завршна непријатност, 2021-ва година ќе ја памети и по најстрашниот инцидент во својот живот. Данецот буквално помогна да се спаси животот на Кристијан Ериксен со херојската реакција на теренот во Копенхаген, кога прв му пристапи на својот соиграч и му укажа прва помош по срцевиот удар кој го доби на Европското првенство. Шест месеци подоцна, најдобра можна вест е тоа што Ериксен се уште е жив и ги надмина најтешките моменти, а Кјаер кој ќе има сеќавања од лошиот момент до крајот на животот, вели дека несреќата најдобро се опишува со два збора. – Тој момент тешко може да се опише, но најдобро се опишува со зборовите „страшно“ и „неразбирливо“. Сепак, сметам дека зборови не се доволни за да опише целата ситуација. Едноставо немав никакви мисли за своите постапки. Се што направив, направив инстинктивно, сакав само да му помогнам. Направивме се што можевме, тоа беше страшно. За мене, сега најважно е тоа што Кристијан е добро и е меѓу нас, – вели Кјаер во интервјуто за „ТВ2“.

Кјаер испрати порака до фановите по тешката повреда: Ви благодарам…(ФОТО)

Ристе Здравков — Tue, 07 Dec 2021 10:34:39 +0000

Еден од најзначајните играчи во одбраната на Милан, Симон Кјаер долго време ќе биде во аут од фудбалските терени по тешката повреда која ја заработи на дуелот против Џенова во Серија А. Се очекува Данецот да паузира околу шест месеци што секако е голем удар за „росонерите“ кои сезонава се борат на повеќе фронтови. Многу пораки за поддршка и брзо закрепнување стигнаа до стоперот, па Кјаер ги искористи социјалните мрежи да им се заблагодари на сите навивачи за убавите зборови во овој тежок период. -Ви благодарам многу за поддршката и пораките што ги добив. Се радувам на напорната работа која сега е пред мене, -напиша данскиот репрезентативец.

View this post on Instagram

A post shared by Simon Kjær (@simonkjaer.official)

Кјаер го продолжи договорот со Милан

Бошко Тасиќ — Wed, 27 Oct 2021 20:55:27 +0000

Италијанскиот фудбалски вицешампион Милан ја продолжи соработката со еден од најважните играчи во одбраната Симон Кјаер. Данецот пристигна во Милано во јануари 2020 година и веднаш се наметна со своите настапи, посветеност и денеска дефанзивната на „росонерите“ не е иста без него. Двете страни беа задоволни, па според новиот договор Кјаер ќе остане на „Сан Сиро“ до јуни 2024 година. Кјаер досега има одиграно 66 мечеви за калчолигашот и дадено еден гол.

Кјаер сака да остане во Милан

Тале Кристо — Wed, 06 Oct 2021 19:20:29 +0000

Капитенот на данската фудбалска репрезентација Симон Кјаер изјави денеска дека сака да го продолжи договорот со калчолигашот Милан. Кјаер, кој дојде во редовите на Милан минатиот јануари, има договор до јуни 2022 година, но засега нема најави дека соработката ќе биде продолжена. – Не сум блиску до обновување на договорот, но секако сум среќен поради тоа што играм за „росонерите“. Добро се чувствувам тука и уживам да играм и живеам во Милано. Клубот го знае мојот став во врска со договорот. Кога ќе сакаат да го решат тоа прашање, знаат дека можат да ме побараат, изјави Кјаер. Данскиот репрезентативец во Милан заработува 1.2 милиони евра по сезона.

Кјаер: Ериксен знае дека играме за него

Бошко Тасиќ — Sun, 04 Jul 2021 07:55:57 +0000

Фудбалската репрезентација на Данска си обезбеди место во полуфиналето на Европското првенство. Скандинавците останаа и без Кристијан Ериксен кој доживеа срцев удар, но сепак се најдоа меѓу четирите најдобри селекции и ќе се обиде да ја изненади и Данска. – Ова е големо чудо, навистина луд момент. Пред натпреварот си ветивме дека ќе одиграме за да обезбедиме пласман на „Вембли“, а тоа што Ериксен е добар е знак дека можеме да туркаме долго. Кристијан знае дека играме за него, – изјавил капитенот Симон Кјаер за данските медиуми. Данска и Англија ќе го играат второто полуфинале, закажано за 7.јули.