симптом – Kurir.mk

(Видео) Млада мајка сподели чудно искуство за време на бременоста, жените пишуваат: „Уф, да, најлошиот симптом што го имав“

Ристе Здравков — Fri, 04 Nov 2022 11:32:58 +0000

Млада мајка сподели необичен симптом кој го доживеала за време на бременоста. Имено, Алекс Џејкобсон тврди дека нејзиниот нос тројно се зголемува кога е бремена. Таа на ТикТок сподели видео во кое објаснува дека тоа ѝ се случило за време на првата бременост, но и за време на втората. „За време на првата бременост не можев да носам бурма веќе во второто тримесечје. Бев отечена. А носот ми беше најлош“, рекла таа, а потоа објавила фотографија што ја направила веднаш штом се породила. „Целото лице буквално ми беше отечено, носот ми беше огромен“, вели таа. Истото ѝ се случило и за време на втората бременост. Таа вели дека до 30-та недела од бременоста нејзиниот нос тројно се зголемил.

@alexjoelenejacobson #stitch with @alexjoelenejacobson ♬ original sound - Alex | Your Mom Friend

Многу нејзини следбеници во коментари ѝ пишуваат дека истото им се случило. „Мислев дека сум единствена“, „Уф, да, најлошиот симптом што го имав“, „Ова ми се случи кога бев бремена со момче“, се дел од коментарите. „Тоа е уште еден начин на кој телото се подготвува за породување. Синусите се отвораат и се шират за подобар проток на воздух за време на активното породување“, се обидел да објасни еден корисник, но оваа теорија не е поткрепена со докази.

Се враќа најдолготрајниот симптом на коронавирус: Сè повеќе заразени го пријавуваат, а за тоа е виновна новата подваријанта

Магдалена Андонова — Wed, 20 Jul 2022 12:46:25 +0000

Главниот симптом на коронавирусот на почетокот на пандемијата беше губење на мирис. Меѓутоа, како што вирусот еволуираше, симптомот стана поредок. Токму кога експертите објавија дека се појавиле нови знаци дека сте заразени со корона и дека треба да заборавите на старите, сега предупредуваат за враќање на главниот симптом - губење мирис. Лекарите велат дека зголемен број на луѓе заразени со вирусот повторно го пријавуваат овој симптом. Иако омикронските подваријанти не често го предизвикуваа овој проблем, новата подваријанта BA.5 го предизвикува. Лесно може да го избегне имунолошкиот одговор на телото и да стане водечка причина за ковид. Валентина Парма, психолог во центарот Монел во Филаделфија, која работи со пациенти со Ковид, рече дека гледа повеќе луѓе со губење мирис отколку на почетокот на годината. - Кога ќе го примените тестот за мирис, гледаме дека околу 25 проценти од луѓето имаат нарушено сетило за мирис, што не е мала бројка, рече таа. Сепак, Парма додава дека бројот на луѓе кои пријавиле губење на мирис е „значително помал“ отколку кај варијантата делта. Не е јасно зошто одредени варијанти предизвикуваат губење на мирис повеќе од другите, меѓутоа, истражувањата сугерираат дека губењето на мирисот се случува кога вирусот ги инфицира нервните клетки во носот. Подваријантата BA.5 е високо пренослива варијанта со над 50 мутации што и даваат предност на раст во однос на претходните соеви на коронавирус. BA.5, заедно со неговата варијанта BA.4, го поттикнува порастот на случаите и хоспитализацијата ширум светот.

Овој симптом кој може да најави деменција е многу очигледен: Обрнете внимание само на една работа

Магдалена Андонова — Wed, 08 Jun 2022 07:35:12 +0000

Студијата на австралиски и американски научници анализирала податоци од 16.855 луѓе на возраст над 65 години и заклучила дека ако постара личност почне да оди побавно од вообичаеното, може да биде изложен на зголемен ризик од развој на деменција, особено ако има нарушена меморија, јави мрежата Јама. Студијата покажа дека луѓето кои го забавуваат одењето секоја година имаат поголема веројатност да развијат деменција. Ризикот бил поголем доколку, покрај побавното одење, имале и постепено послаба меморија. Сличен заклучок дошле и американските истражувачи кои спровеле студија во 2020 година во која учествувале 9.000 луѓе. Присуството на благо когнитивно оштетување не мора да значи дека ќе се појави деменција. Само 10 до 20 проценти од луѓето на возраст над 65 години со благо когнитивно оштетување и оштетување на меморијата на крајот развиваат деменција. Во многу случаи, симптомите остануваат исти со текот на времето, па дури и се подобруваат ако постарото лице води физички и психички активен живот. Загрижувачки бројки Околу 50 милиони луѓе во светот страдаат од деменција, а се предвидува дека до 2050 година тој број ќе се зголеми тројно. Се верува дека повеќето од симптомите кои би можеле да укажуваат на деменција се појавуваат уште 20 до 30 години пред дијагнозата, научниците сметаат дека е многу важно навреме да се идентификуваат факторите на ризик и да се спречи деменцијата што е можно повеќе.

Се појави уште еден необичен симптом на сојот омикрон

Магдалена Андонова — Sat, 02 Apr 2022 14:09:23 +0000

Според последните податоци, бројот на пациенти во Велика Британија е значително зголемен, а се повеќе луѓе се жалат на истото. Имено, Британците кои ја користат апликацијата ZOE за симптоми на коронавирусот се почесто ја пријавуваат болката во увото како нов симптом, а многумина се жалат и на тинитус. Како резултат на тоа, апликацијата го додаде овој симптом во своето неделно рангирање на најчесто пријавени симптоми на коронавирус. Болката во увото била присутна кај оние кои биле инфицирани со омикрон и претходно, но се покажало дека е многу почеста отколку што се мислело. Минатата година, студија на тим експерти од Универзитетот Стенфорд, предводена од д-р Константина Станковиќ, покажа дека омикронот може да предизвика проблеми со слухот. Студијата објави симптоми вклучувајќи силна болка во увото, вкочанетост во увото, па дури и привремено губење на слухот, што исто така може да продолжи дури и откако ќе помине инфекцијата со коронавирус. - Болката често се поврзува со тинитус. Изненадувачки, овие симптоми, иако поретки, може да се појават и кај пациенти кои биле вакцинирани - истакна д-р Станковиќ. Таа ги советуваше сите кои имаат проблем со слухот или зуењето во ушите, како и вртоглавица, да се тестираат.

Откриен нов симптом на омикрон – ќе го откриете на веце школката

Магдалена Андонова — Thu, 13 Jan 2022 10:20:22 +0000

Центарот за контрола и превенција на болести потврди уште еден симптом кој го предизвикува омикронот. Корона вирусот предизвикува многу различни симптоми, што е прилично збунувачки, но научниците секогаш се трудат да ги истакнат симптомите кои се јавуваат најесто, за луѓето да ги препознаат, да се тестираат и лекуваат на време. За омикрон сојот, кој предизвика нов бран на пандемијата во светот, симптомите се поинакви во однос на претходните соеви, а ега Центарот за контрола и превенција на болести и Институтот „Џонс Хопкинс“ соопштил дека и дијареата може да укаже на заразата омикрон, пренесува The Sun. Експертите велат дека дијареата кај околу 20 отсто од заразените се јавува набрзо после инфекцијата. Освен тоа, истакуваат дека овој симптом често се јавува кај заразени кои имаат послаб имунитет. Останатите симптоми кои омикрон ги предизвикува се слични на настинка: течење нос, замор, болка во грлото, главоболка, малаксаност.

СЕ ПОЈАВИЈА НОВИ СИМПТОМИ НА КОВИД-19 Кожата на рацете се лупи како да сте изгорени од сонце

Ристе Здравков — Fri, 15 Oct 2021 09:29:28 +0000

Зголемената телесна температура, сувата кашлица и проблемите со дишењето се најчестите симптоми на коронавирусот, но заразата предизвикува и други симптоми кои се манифестираат на кожата. Имено, една жена од Велика Британија пријавила дека кожата на рацете почнала да ѝ се лупи откако се заразила со ковид-19, а веднаш потоа истиот симптом го пријавиле и повеќе луѓе кои рекле дека се соочуваат со истиот проблем, но дека не ни помислиле дека лупењето на кожата е последица на короната. Главниот британски епидемиолог Тим Спектор за „Вајс“ рекол дека станува збор за необични симптоми и дека се работи за нешто слично како и „ковид-прстите“. – Ковид-прстите најчесто се јавува на ножните прсти, но може да се јави и на прстите на рацете. Изгледаат како смрзнатини, а може да дојде и до лупење на кожата – вели д-р Спектор. Освен тоа, 23-годишната Дајана Пардо на апликацијата каде што луѓето ги пријавуваат симптомите на ковид-19 пријавила дека кожата ѝ станала збрчкана неколку дена пред да ѝ биде потврдена инфекцијата од коронавирусот. – За само неколку минути туширање, кожата на дланките ми стануваше ужасно збрчкана – рекла Пардо. Друга жена, пак, пријавила дека инфекцијата почнала со симптоми слични на грипот, но потоа кожата почнала ужасно да ја чеша, особено на лицето. 31-годишната Ребека Лефевр морала да повика Брза помош откако поради короната ѝ се појавил осип на целото тело, а ѝ отекле и усните. Меѓутоа, додека луѓето ги пријавуваат сите необични симптоми на коронавирусот, една нова студија покажала дека „ковид-прстите“ можеби не се симптом на инфекцијата, туку нуспојава која се појавува како реакција на имунолошкиот систем по заразувањето со коронавирусот.

Хоспитализиран пациент со коронавирус имал три часа ерекција, докторите во шок по овој симптом

Ивона Петрова — Tue, 09 Mar 2021 10:56:25 +0000

Неименуван маж од Охајо во САД имал тешка клиничка клика на коронавирус, а потоа истата била проследена со ерекција која лекарите на крај морале да ја прекинат вадејќи крв од пенисот со игла. Мажот на возраст од 69 години, кој во болница бил сместен поради компликации од коронавирус, починал по тричасовна агонија и болки предизвикани од тричасовни ерекција. Овој случај целосно ги шокирал лекарите кои со неверување тврдат дека такви компликации од Ковид-19 не виделе. Тие признаваат дека не знаат ваквата појава со што да ја поврзат. Пациентот бил есента примен во болница. По 10 дневно лекување неговата состојба нагло се влошила и белите дробови почнале да откажуваат. Медицинарите 12 часа го држеле во лежечка положба со лицето надолу, што е техника која му помагала да дојде до воздух. Кога подоцна го свртеле на грб, сестрите ја забележале ерекцијата, Докторите, кои за случајот пишувале во магазинот The American Journal of American Medicine, веруваат дека пациентот кој го лекувале од ковидот добил згрутчувања на крвта во пенисот. Поради тоа на пациентот на пенисот му ставале студени облоги за да го намалат отокот, но вкочанетоста се задржала дури три часа. На крај докторите морале со игла да испуштат крв од пенисот. Пациентот починал биејќи на крај му откажале белите дробови.

Овој симптом е клучен показател за Ковид-19: Се манифестира на три начини

Магдалена Андонова — Sat, 01 Aug 2020 16:47:52 +0000

Многу луѓе кои се заразени со коронавирусот го имале овој симптом, кој што вообичаено се јавува во првата фаза на инфекцијата. Професорот по имунологија и инфективни заболувања во Училиштето за јавно здравје при Универзитетот Харвард, Ендру Чан, со помош на апликацијата Ковид Симптом Стади ги следел пациентите заболени од коронавирусот. Кога приметил дека апликацијата забележува поголем број на случаи со осип и оток на кожата, како и воспаление на прстите и прстите на нозете, американскиот професор почнал да ги следи сите пријавени симптоми. Осипот се манифестира на три начини: Осип во вид на копривница (уртикарија): изненадна појава испакната на кожа, која се појавува и исчезнува брзо, отприлика неколку часа и вообичаено предизвикува чешање. Може да го зафати било кој дел од телото и често започнува со интезивно чешање на дланките или табаните, а може да предизвика и оток на устата. Овие осипи може да се појават на почетокот од инфекцијата, но може да траат подолго време. Осип во вид на везикули на црвена основа ( еритематозен папуларен или везикуларен осип) : Мали, црвени точки кои што предизвикуваат чешање, а може да се појават било каде на телото, посено на лактите и колената, како и на задните делови на раката и ногата. Осипот може да трае со денови или недели. Ковид прсти: црвена и виолетова испакнатост на прстите или на прстите на нозете, кои шо може да бидат болни, но вообичаено не предизвикуваат чешање. Овој вид на осип, најспецифичен за Ковид-19, почесто се појавува кај помлади луѓе кои ја имаат оваа болест и вообичаено се јавуваат во доцната фаза на болеста. Во истражувањето кое е фокусирано само на осип, покриени се околу 336.000 корисници на апликацијата во Велика Британија. За потсетување, поранешната студија за Ковид-19, откри дека 17 осто од 11.546 испитани луѓе имале осип како прв симптом на Ковид-19. Меѓу сите пријавени кои што патат од осип, 21 осто кажале дека тоа им е единствениот симптом. До сега, Центарот за контрола и превенција на болести, осипот не го наведуваат како симптом на корона вирус.