синдикална кошничка – Kurir.mk

Минималните трошоци за едно семејство во јуни биле 790 евра

Ристе Здравков — Sun, 09 Jul 2023 07:33:26 +0000

На просечно македонско семејство му биле потребни 48.543 денари, или 790 евра за „крпење“ на минималните животни потреби во јуни, покажуваат редовните месечни пресметки што ги прави Сојузот на синдикатите на Македонија. Притоа, забележано е мало намалување на вредноста на синдикалната кошничка во однос на мај, кога изнесуваше 49.025 денари. Сепак, нагласуваат од ССМ, во јуни има раст на трошоците за храна и пијалоци, за што биле потребни минимум 19.805 денари. Понатаму, за покривање на режиските трошоци се пресметани 13.416 денари, додека за превоз најмалку 3.720 денари, а за хигиена 3.252 денари.

„Над 51.000 денари изнесувала минималната синдикална кошница во октомври“

Ристе Здравков — Tue, 08 Nov 2022 09:21:09 +0000

Сојузот на синдикати на Македонија (ССМ) вчера соопшти дека минималната синдикална кошница во октомври изнесувала 51.514 денари, односно за една година пораснала за 16.940 денари. Оттаму додаваат дека синдикалната кошница е зголемена за 1.290 денари од претходниот месец септември кога изнесуваше 50.224 денари. „Сојузот на синдикати на Македонија континуирано ја следи економската состојба во државата, а посебно од аспект на обезбедување на основни егзистенцијални права за достоинствен животен стандард на работниците и граѓаните. Како најголем и репрезентативен синдикат загрижени сме, и сметаме дека работниците и граѓаните ќе бидат доведени до тешка економска социјална положба, со зголемувањето на инфлацијата во државата. Растот на инфлацијата која од месец за месец е се поголема за месец октомври рекордно достигна до 19.8% што влијае врз намалувањето на куповната моќ на работниците и доведува до осиромашување на целокупното население“, велат од ССМ. Според нив, драстично се зголемуваат трошоците за живот на едно четиричлено семејно домаќинство од месец во месец, а платите не го следат истиот раст. Истовремено, од ССМ велат дека истото го покажува и самата пресметка на синдикалната минимална кошница што ССМ ја пресметува секој месец. „Овој процент на инфлацијата за месец септември е нов аларм за синдикатите, затоа што платите не се зголемуваат но цените и натаму растат и покрај маржите. Затоа ССМ со право бара зголемување на платите на сите вработени како во јавниот така и во приватниот сектор“, децидни се од Сојузот на синдикати на Македонија.

На едно четиричлено семејство му се потребни 36.146 денари месечно

Ивона Петрова — Mon, 07 Mar 2022 12:31:55 +0000

Минималната синдикална кошничка за февруари изнесува 36.146 денари и е повисока за 335 денари во споредба со јануари 2022 година. Од нив за исхрана и пијалаци одат 15.440,48 денари или 42,72 отсто, а за домување се неопходни 11.511,6 денари, односно 31,85 отсто. За хигиена на едно четиричлено семејство во февруари годинава според синдикалната кошничка му биле потребни 2.453,63 денари или 6,79 отсто, за превоз 2.766,32, односно 7,65 отсто и за облека и обувки 2.156,61 денар, поточно 5,97 отсто. За култура семејството требало да одвои 1.067,86 денари, односно 2,95 отсто, а за одржување на здравје 749,07 денари или 2,07 отсто од вкупната сума на минималната синдикална кошничка. Минималната синдикална кошничка што ја определува Сојузот на синдикати на Македонија (ССМ) се однесува на задоволување на основните месечни потреби за едно четиричлено семејство.

ССМ: Минималната синдикална кошничка за јануари 35.811 денари

Тале Кристо — Mon, 14 Feb 2022 13:32:33 +0000

Минималната синдикална кошничка за јануари годинава изнесува 35.811 денари и е зголемена за 770 денари во споредба со декември 2021 година, информира Сојузот на синдикати на Македонија (ССМ). Во Синдикалната кошничка најголемо учество од 15.317,93 денари или 42,77 отсто имаат исхраната и пијалаците, со 11.447,24 денари, односно 31,97 отсто учествува домувањето, хигиената е застапена со 6,74 отсто или 2.415,09 денари, превозот со 2.652,27 денари, односно 7,41 отсто, облека и обувки со 2.165,27 денари или 6,05 отсто, култура 1.067,86 или 2,98 отсто и одржување на здравје со 745,34 денари, поточно 2,08 отсто. Овие бројки според ССМ покажуваат дека е оправдано нивното барање за зголемување на минималната плата на 18.000 денари и скалесто на сите останати плати. -Најголем пораст на индексите на трошоците на животот е забележан кај централното греење за домаќинствата за 14 отсто, електричната енергија за домаќинствата за 9,4 отсто,… Исто така, пораст на индексите на трошоците на животот во јануари 2022 година, во споредба со претходниот месец, е забележан кај кафето, чајот, какаото за 4.3 отсто, рибата за 3,5, свежото и разладеното овошје за 3,4, прехранбените производи, неспоменати на друго место за 2,5 отсто,…, велат од ССМ. Синдикалната кошничка ги определува минималните трошоци за живот на едно четиричлено семејство на месечно ниво.

Потребни 34.128 денари за основни месечни потреби за четиричлено семејство, трошоците поголеми од мајската плата за 5.407 денари

Ивона Петрова — Tue, 10 Aug 2021 07:41:09 +0000

На едно четиричлено семејство во јули му биле потребни 34.128 денари за да ги покрие основните месечни потреби, покажуваат податоците на синдикалната кошница што ја изработува Сојузот на синдикати на Македонија. Споредено со официјалните статистички податоци објавени за месечно исплатена плата во мај, трошоците на едно четиричлено семејство се поголеми за 5.407 денари. Најмногу пари или 14.417 денари во јули биле потребни за храна и пијалоци, а 10.826 денари за подмирување на режиските трошоци. За превоз минимум биле потребни 2.528 денари, додека за хигиена 2.381 денар. Остатокот е за обувки, облека, одржување на здравјето и за културни активности.