синдикат на полиција – Kurir.mk

Синдикатот на полицијата излегува на протест: Достоинствен живот и повисоки плати

Ивона Петрова — Thu, 24 Mar 2022 11:33:30 +0000

Синдикатот на полицијата за во среда идната недела најавува протест. Оттаму ги повикуваат нивните членови и вработени во Министерството за внатрешни работи масовно да излезат и да дадат свој придонес во остварувањето на правата пред се за достоинствен живот и повисоки плати. Дел од барањата на Синдикатот се зголемување на платите, зголемување на вредноста на бодот (1 евро - 1 бод) и враќање на професионализмот во полицијата. Протестот, според најавите, ќе започне во 15:30 часот од пред Собранието, по што ќе се упатат кон Владата. Од СПМ ги охрабруваат вработените во МВР и им порачуваат да не подлегнуваат на притисоци и закани, но и да се изборат за своите права.

Синдикатите на полицијата и Армијата со протест пред Владата побараа усогласување на платите со минималната

Дарко Андоновски — Sat, 26 Feb 2022 13:39:52 +0000

Синдикатите на полицијата и Армијата денеска преку протест пред Владата побараа итно усогласување на платите со минималната за работниците во Министерствата за внатрешни работи и одбрана. Побараа и распоредување на припадниците на војската низ институциите откако ќе наполнат 45 години како што е предвидено со Законот за служба во АРМ. Тие најавија дека доколку не се исполнуваат нивните барање, по две недели пред Владата ќе постават шатори. Претседателот на Независниот синдикат на полицијата Гоце Делчев истакна дека со овој протест пренесуваат дека оваа состојба веќе е неиздржлива во полицијата и очекуваат брз одговор и од премиерот и од вицепремиерот Фатмир Битиќ, министерот за внатрешни работи. Упати покана до Македонскиот полициски синдикат и Синдикатот на полицијата на Македонија да им се придружат на протести во наредниот период. – Ова кршење на законот, овој начин на пресметка кој е во моментот е во МВР е начин со кој ние денеска излегувајќи на предупредувачки протест пренесуваме и до министерот за внатрешни работи, но и до премиерот дека треба да го застанеме овој начин на изразување на револт и протест, начин кој ќе видиме понатаму како ќе го усогласиме, рече Делчев. Претседателот на независниот синдикат на професионалните војници, Аднан Алити истакна дека овој протест е предупредување до Владата и министерот за внатрешни работи да го одржат ветувањето од 2019 година за дел од припадниците согласно законот кои ги исполнуваат условите да бидат префрлени во Гранична полиција. Тој посочи дека не бараат ништо повеќе, туку само да се испочитува Уставот и законите во нашата држава. – Срамота е во 21 век, демократска држава да ги остави Армијата и полицијата да излезат на улица. Дента кога ја соблековме цивилната облеа и ја облековме униформата и дадовме заклетва дека ќе се бориме за оваа држава, знаевме дека нема да бидеме како другите граѓани и оти за нас нема да има ниту сабота ниту недела, нема да има ниту Нова Година, Божиќ и Бајрам. Ние сме првите тие што секогаш сме на браникот на татковината, ние сме тие што ја чуваат границата, ние сме тие што секогаш сме тука кога има некоја елементарна непогода – поплави, пожари. Веќе неколку години, Независниот синдикат на професионални војници на Македонија континуирано во релација на Владата и Министерството за одбрана работи на решавање околу Законот за служба во АРМ член 40а каде што согласно законот е предвидено припадниците на Армијата после 45 години да бидат распоредени во други институции. Во 2018/2019 процесот почна добро, каде што дел се префрлија во затворска полиција, судска полиција, пожарна, и други институции. Но, две години нема скоро никакви активности за дел од припадниците, рече Алити.

Синдикат на полицијата: Време е ВИСТИНАТА ЗА КОЛЕКТИВНИОТ ДОГОВОР НА МВР да ја дознае секој вработен

Ивана Ефремовски — Tue, 13 Jul 2021 10:15:10 +0000

Време е ВИСТИНАТА ЗА КОЛЕКТИВНИОТ ДОГОВОР НА МВР да ја дознае секој вработен, порачуваат од Синдикатот на полицијата во Македонија. -Во очај и фрустрација, неколку колеги од истиот тој синдикат, застанале пред некој компјутер и напишале неколку збора и реченици на кој текст во обид да си го одбранат својот претседател кој целосно го приватизира Синдикатот преку нивното пишување уриваат рекорди по број на изнесени лаги, клевети и манипулации како за нас како Синдикат така и манипулираат со сите вработени а сето тоа тие неколкумина (доколку им го видите нивниот Статут и се уверите колку пари земаат за тоа, ќе сватите зошто тоа го прават и го пбранат нивниот лидер (за ова понатаму ) истите неколкумина пишувајќи го текстот за одбрана на нивниот лидер во недостиг на идеи, во недостиг на проекти, во недостиг на поддршка од вработените и во голем очај што не успеа ниту преку неуспешен обид да го презентираат НОВИОТ ЕВРОПСКИ колективен (видно од сликите за неприсуство на нивните состаноци),ниту пак преку ноќ по директива да не срушат нас како Синдикат, веќе месеци наназад заедно со нивниот лидер си продолжуваат да го прават она што единствено го знаат – да шират лажни вести, велат од синдикатот. Следи период во кој на вработените детално ќе им се образложат штетите настанати со потпишувањето на најкатастрофалниот Колективен договор некогаш потпишан во рамките на МВР а на штета на работниците. -Kако вработени запрашајте се зошто не се подобрени правата и методологијата за незаконскитте распоредувања како и работата на комисиите чии членови се од македонскиот полициски синдикат? И зошто овој проблем не е решен односно зошто и од кои причини и постоечките одредби истите тие како Синдикат НЕ ГИ ПОЧИТУВААТ? Знаете дека со „АМИН“ на тој синдикат во една година незаконски не изготвени и поделени илјадници решенија за распоредување, деградирање, надвор од места на живеење на професионалци и неистомисленици! Зар не е така?! Да стане јасно ниту имаме нешто против Вас како Синдикат (ако сакате земајте си ги како плата сите пари на име членарина и тоа нас не не интересира). Она што не интересира е тоа дека потпишавте СРАМЕН Колективен договор И УШТЕ СЕ ФАЛИТЕ ДЕКА БИЛ ЕВРОПСКИ?!!! Со права кои се уназадени..... Во идниот период како Синдикат ќе ги запознаеме сите вработени со сите детали од овој срамен колективен договор и тука место да ни се лутите НЕМА, велат од Синдикатот.

СПМ до Оливер Спасовски: Се ближи денот кога за се што сте сториле во МВР ќе одговарате

Дарко Андоновски — Sat, 05 Jun 2021 07:15:27 +0000

Синдикатот на полиција во Македонија преку соопштение до јавноста му се обрати на министерот за внатрешни работи Оливер Спасовски велејќи дека еден ден ќе одговара за се што сторил во изминатите години. Следејќи го примерот на тврдо комунистичка Северна Кореја, поистоветувајќи се со Ким Јонг Ун, министерчето Оливер Спасовски брутално со своите неспособни "ПИАР" менаџери, гази по достоинството на поголемиот дел чесни полициски службеници! Сепак гледано РЕАЛНО, тој немоќно се обидува да го испере мозокот на јавноста со својата "добрина и саможртва" а зад завесите покажува сила и моќ, со што сака да си ја издигне својата мала вредност! Нели ти е срам да пишуваш и потценуваш : "Почитувани членови на Македонскиот полициски синдикат, Да продолжиме заеднички, како вистински партнери, да го издигнеме Министерството за внатрешни работи во силна институција која што претставува заштитник на слободите и правата на граѓаните, на нивната сигурност и безбедност, како и на сигурноста и на безбедноста на општеството во целина." ПАРТНЕРИ‼️ Какви" партнери". Зошто ЗАЕДНО " ги "отепавте" со незаконски решенија неистомислениците и професионалците ⁉️ Што СМЕ НИЕ како Синдикат и како воопшто ГИ ТРЕТИРАТЕ нашите членови⁉️ ИЛИ НИКАКО НЕ НЕ ТРЕТИРАТЕ🥵🤧🤧🤧 Зошто и од кои причини нашиот РОДЕНДЕН пред неколку недели НЕ НИ ГО ЧЕСТИТАВТЕ⁉️‼️‼️‼️🤧 Или НИЕ не сме ти "ПОДОБЕН СОЦИЈАЛЕН ПАРТНЕР" 🤧⛔ Само Вие терајте си и" живејте" си го филмот ДЕКА СОЗДАВАТЕ ЗАДОВОЛНА ПОЛИЦИЈА⛔ СЕ БЛИЖИ ДЕНОТ кога господине Оливер Спасовски, нема да можете никаде на овој свет, во ниедна дупка да се скриете, бидејќи вашата реа ќе ве издаде! СЕ БЛИЖИ ДЕН, КОГА ЗА СЕ ШТО СТЕ СТОРИЛЕ ЌЕ СИ ОДГОВАРАТЕ! Режим!? Што беше тоа РЕЖИМ!? Инаку од синдикатот потсетуваат и на срамното дискриминирачко соопштение на министерот: -Почитувани членови на Македонскиот полициски синдикат, Со посебно задоволство ви го честитам 29 мај – роденденот на Македонскиот полициски синдикат. На овој ден пред 29 години, на одржаното основачко собрание се роди првиот синдикат во историјата на македонскиот синдикализам кој се здоби со статус на репрезентативен синдикат, кој ги опфаќа вработените во Министерството за внатрешни работи, Агенцијата за разузнавање и Управата за финансиска полиција. Низ овие 29 години покажавте дека трудот на полициските службеници може да се организира, синдикалната организација може да обедини, а вработените да ги консолидираат своите сили. Се радувам што во рамки на Сојузот на синдикатите на Македонија, каде што сте примени како рамноправен член, важите за еден од најорганизираните и најголемите гранкови синдикати по однос на процентуалниот износ на бројот на членови во однос на бројот на вработените. А онаму каде синдикатите се најцврсто организирани, таму најмногу се почитуваат правата на вработените. Притоа, не изостанаа ни вашите меѓународни активности, па Македонскиот полициски синдикат е рамноправен член во рамките на Советот на Европските полициски синдикати. Од ден на ден сè повеќе се профилиравте како фактор без кој Министерството за внатрешни работи не може да пристапи во процесот на реформа, кој динамично го започна ова раководство на МВР. Заеднички успеавме да ги зголемиме платите, да ги исплатиме бонус платите за оние кои оствaриле над 150 часа прекувремена работа на годишно ниво, да обезбедиме дополнителни бенефиции за вработените, да ги подобриме условите за работа на полициските службеници, да пристапиме кон креирање на нов, подобар Колективен договор, враќајќи ја правдата и демократијата во МВР. Сосема сум уверен во зборовите на Мартин Лутер Кинг дека историјата е одличен учител и дека работничкото движење не ја намалува силата на една земја, туку ја зголемува. Поаѓајќи од ова, во рамки на МВР, се заложив за севкупно подобрување на професионалните услови за работа и подигање на социјалниот статус на полициските службеници, преку досега реконструираните 55 енергетски ефикасни објекти, набавените униформи и полициска опрема, свесен дека само така создаваме ефикасна, силна и задоволна полиција, мотивирана да работи со полн капацитет и легитимитет и да испорачува резултати во сите сфери на работењето. Впрочем, вработените во Министерството за внатрешни работи сега знаат дека нивниот труд и пожртвуваноста се вреднуваат и наградуваат, а историјата ќе ги запамети овие едноставни вистини. Почитувани членови на Македонскиот полициски синдикат, Да продолжиме заеднички, како вистински партнери, да го издигнеме Министерството за внатрешни работи во силна институција која што претставува заштитник на слободите и правата на граѓаните, на нивната сигурност и безбедност, како и на сигурноста и на безбедноста на општеството во целина, стои во неговиот пост на Фејсбук.

Синдикат на полиција на Македонија со барања за подобрување на условите за работа на вработените во МВР

Дарко Андоновски — Mon, 22 Mar 2021 11:30:55 +0000

Синдикатот на полиција на Македонија преку статус на Фејсбук бараат подобрување на условите за работа во МВР. -Барања за подобрување на условите за работа на вработените во МВР📌 Господине Министер Oliver Spasovski, почитувани вработени во Министерство за внатрешни работи , 🗣️Анализирајќи ги проблемите со кои се соочуваат вработените во МВР, мораме да констатираме дека истите секојдневно се соочуваат со многубројни проблеми кои секако реално треба да претпоставиме дали истите секојдневно се зголемуваат. Проблемите се комплексни иако во изминатиот период од 2020 година до денес до двајцата Министри за внатрешни работи Синдикат на Полиција во Македонија има испратено десетици писма со барање за подобрување на правата на вработените и условите за работа. Имајќи во предвид дека се работи за релативно краток период од нашето постоење само би навеле дел од проблемите со кои бараме и сметаме дека треба да се решат во наредниот период а притоа да не зависи од некоја гломазна процедура. Од тие причини предлагаме и Бараме❗🎯 🔴Да се провери зошто и кој не дозволува да има унапредување во службата на припадници кои законски ги исполнуваат сите услови за унапредување, зошто не се почитува Правилникот за системот на кариера во МВР, 🔴Донесување на НОВ Колективен договор на вработените во МВР со активно учество на СПМ во истиот и воведување подобри права за вработените од постоечкиот договор, 🔴 Воведување на задолжително исплаќање на трошоци за превоз на сите работници распоредени надвор од местото на живеење без нивно барање, правото на платено отсуство до 7 дена и дополнителна бонус плата над три месеци, 🔴Добивање на решенија на сите помлади полицајци кои работат во Министерството повеќе од 2 години, 🔴Итна и целосна набавка на униформа (а не само делови од униформа) и конечно ставање во употреба „ваучер системот“, 🔴Стоп за секојдневни неосновани дисциплински постапки заради пресметка со неистомислениците и професионалците, да се прекине со мобингот, 🔴Стоп за злоупотреба за распоредот за работа во ПС и ПО, 🔴Решавање на проблемите околу недостигот на возила во орг.единици, 🔴Формирање на комисија која ќе има задача да ја скенира состојбата со полициските станици каде условите за работа се повеќе од лоши, 🔴Да се прекине со незаконското изготвување и давање на писмени наредби на работници повеќе од еден месец согласно Законот за внатрешни работи, 🔴Стоп за гонењето на синдикалните преставници на СПМ, 🔴Да се прекине со издавањето на незаконските решенија односно работниците кои се распоредуваат надвор од местото на живеење без нивно барање основот да биде согласно член 113 од ЗВР.... Списокот со барања и детектирање на проблемите не завршува тука, но време е да започнете проблемите да ги решавате дел по дел....ИТНО❗🎯 Министре❗, време е за обединетост, сплотеност во интерес на нашата професија време е да покажете дека секој вработен има свој живот, своја чест, своја гордост, свое достоинство. Се со една цел: Враќање на ПРОФЕСИОНАЛИЗМОТ на вработените во МВР❗, стои во нивниот пост на Фејсбук.

Барања за подобрување на условите за работа на вработените во МВР📌 Господине Министер Oliver Spasovski, почитувани... Posted by Синдикат на Полиција во Македонија - СПМ on Понеделник, 22 март 2021

Синдикат на полиција на Македонија ги осуди денешните напади врз полицијата: МВР да не го злоупотребуваат настанот

Ивана Ефремовски — Fri, 26 Feb 2021 15:27:37 +0000

Синдикат на полиција на Македонија изразува безрезервна подршка на сите припадници на Министерството за внатрешни работи кои денеска учествуваа во обезбедувањето на јавниот ред и мир на пошироко подрачје на град Скопје, а во врска со одржаните протести за случајот „Монструм”. Истовремено, Синдикатот на Полицијата на Македонија, како што стои во соопштението најостро ги осудува денешните напади врз припадниците на полицијата и ги повикува институциите да ги преземат сите мерки за соодветно кривично правно процесуирање на сторителите. Апелираат кон актуелното раководството на МВР настанот да не го злоупотребуваат во маркетиншка намера и со тоа, стои во соопштението, повредените колеги дополнително да не ги изложуваат на непријатни состојби.

СПМ најавува кривични: Хаос во Одделот за управување со човечки ресурси во БЈБ, време е за одговорност

Ивона Петрова — Wed, 27 Jan 2021 07:46:14 +0000

Одделот за заеднички работи и управување со човечки ресурси при БЈБ до сите организациски единици во БЈБ испрати писмо во кое се вели дека во врска со изготвените решенија за бонус плата за 2017 година за работници за кои истите не требало да бидат изготвени поради поведени судски постапки по поведена тужба или започната постапка за медијација а врз основа на кои решенија веќе е исплатена бонус платата се бара вработените да го вратат дадениот износ и да го уплатат на сметката на Министерството, соопштуваат од Синдикатот на полицијата. Од СПМ велат дека повторно се бара раководителите до овој оддел да достават список со број на работници кои треба да ги вратат исплатените пари. -Освен што сте експерти за водење на незаконски постапки при процедура за распоредување, дали за се друго владее хаос во Одделот? Зошто досега Одделот не водел вакви евиденции за покренати судски спорови? Ова покажува и докажува дека никогаш до сега Министерството не водело евиденција по овој основ односно никој во Министерството не водел сметка и евиденција додека МВР односно наведениот Оддел свесно и со умисла го водел Министерството во колапс со губење на тужбите за бонус плата често терајќи ја постапката до крај пред Апелационите судови а со тоа свесно и со, намера се одело на правење на се поголема штета на буџетот на МВР, велат од Синдикатот. Во наредниот период Синдикат на Полиција во Македонија до надлежното јавно обвинителство ќе поднесе соодветни кривични пријави за ваквите злоупотреби.

СПМ до Владата: Ја немате нашата поддршка во пазарењето со виталните вредности на Македонија, ќе се соочите со жесток одговор

Ивона Петрова — Fri, 04 Dec 2020 09:39:26 +0000

Синдикатот на полицијата во Македонија како еден од претставниците на вработените во МВР ги поддржува ставовите на припадниците на АРМ и сите припадници со исти ставови, дадени преку отворено писмо до јавноста изминативе денови. -Согласно наведеното и ние како припадници на безбедносните структури на Македонија застануваме во одбрана на македонските национални интереси, а во контекст на преговорите кои владата ги води со бугарските власти во однос на македонските идентитетски основи (историјата на македонскиот народ, македонскиот јазик и македонскиот етнички идентитет). Ние како припадници на Министерството за внатрешни работи будно ги следиме овие настани и известуваме дека рамо до рамо со припадниците на Армијата на Република Македонија, ќе станеме во одбрана на нашите национални и државни интереси. За тоа имаме дадено ЗАКЛЕТВА. Политичарите ги известуваме дека прифаќањето на било каков компромис во однос на наведените вредности, ќе го сметаме како непријателски акт кон нашата држава, се вели во писмото на СПМ. Оттаму посочуваат дека како припадници во Полицијата сме мултиетнички состав, во нивните единици има Македонци, Албанци, Турци, Роми, Власи, Срби и други, но сметаат дека евентуалниот компромис во однос на наведените прашања ќе претставува компромис против сите нив, против сите граѓани на државата, против заедничката татковина Република Македонија. -Уште еднаш апелираме до Владата и највисоките политички претставници во државата дека ја немате нашата поддршка за пазарење со виталните вредности на нашата држава, немате таков мандат ниту од Уставот на државата ниту од граѓаните на Република Македонија. Доколку посегнете кон некаков компромис во споменатата насока, Ве известуваме дека ќе се соочите со нашиот жесток одговор, кој ќе го искажеме заедно со припадниците на Армијата на Република Македонија и други институции, но и заедно со сите граѓани на нашата држава. Ние Ве избравме не за да владеете со нас, туку за да не претставувате и да ги заштитите нашите, а не вашите лични бизнис и партиски интереси. Нема да Ви дозволиме наместо нашите да застапувате туѓи интереси, ние ве избравме да бидете власт, ние ќе Ве симнеме од позициите на власт. Во оваа битка ги повикуваме и останатите Синдикати во Министерството за внатрешни работи да ни се придружат и да застанат рамо до рамо со нас во одбраната на националните интереси на Македонија. Од тука јавно го повикуваме Министерот за внатрешни работи Оливер Спасовски бидејќи во неколку наврати претходно одби да го одговори поставеното прашање од новинарите на неговата прес конференција пред неколку дена "Дали целосно стои зад интервјуто на премиерот Заев дадено во бугарски медиум и дали ги знае последиците од нашиот Кривичниот законик дека како прв човек во МВР е должен да го почитува законот и Уставот на Македонија" ?, се наведува во соопштението на Синдикатот на полицијата.

Полицискиот синдикат го обвинија Спасовски за незаконско прераспоредување на нивниот претседател: До работа ќе треба да патува 110 километри

Тале Кристо — Tue, 01 Dec 2020 14:15:26 +0000

Од Синдикатот на полиција во Македонија денеска го обвинија министерот за внатрешни работи Оливер Спасовски дека пред неколку дена надвор од сите процедури во МВР и спротивно на сите правила од законите за работни односи и за внатрешни работи, како и од Колективнито договор на МВР, како што велат тие, претседателот на Синдикатот на полиција во Македонија Орце Коцевски е распореден надвор од местото на живеење, со што секојдневно ќе мора да патува 110 километри до работното место. Целата постапка за негово распоредување и потпишување на незаконското решение за распоредување, велат од Синдикатот, е изготвено и потпишано лично од министерот и активирано. Појаснуваат дека сето тоа се случило во време кога министерот за внатрешни работи Оливер Спасовски користел отсуство од работа поради болест. – Толку ли и Ви смета Синдикатот, кој вистински се бори за подобрување на правата на вработените во МВР. Ние за разлика од другите не се шетаме со вас, затоа ли не сме ви подобни и ја кажуваме вистината дека во МВР не тече мед и млеко, изјавија денеска од Синдикатот на полиција во Македонија. Според нив, не престануваат притисоците врз синдикалното полициско движење во МВР и се демонстрира уште поголема сила и незаконски распоредувања. Од Синдикатот на полиција денеска межу другото истакнаа дека на почетокот покажале високо ниво на толеранција и почит како професионалци кон актуелното раководство во исчекување дека навистина ќе се почувствуваат промените кои биле најавувани.

Синдикатот на Полиција бара поголеми плати за полициските службеници

Ивона Петрова — Thu, 12 Nov 2020 10:11:22 +0000

Синдикатот на Полиција во Македонија бара од Владата и од Собранието во најбрз можен рок да се преиспита нивното барање за покачување на платите на полициските службеници. – Секој вработен во полицијата со нетрпение ја очекуваше веста за буџетот за 2021 година. Овојпат секој се надеваше дека конечно Владата се сети за вработените во полицијата. Посебно знаејќи го фактот како секојдневно полицијата се справува со предизвиците од кризата на терен. Но за жал не е така, се наведува во денешното соопштение од Синдикатот на Полицијата во Македонија. Презентацијата од страна на премиерот Зоран Заев на Буџетот за 2021 година, констатираат од Синдикатот на Полицијата на Македонија, е невреднување на трудот на вработените во Полицијата. – Зошто во Буџет над 4 милијарди евра да нема пари за плати во Полицијата? Со оглед на тоа сметаме дека ваквата одлука на Владата е страмна. Се сеќавате до пред извесно време пред неколку години токму од министерот Спасовски беше измислена паролата „Задоволна полиција – безбедни граѓани“. Да се запрашаме а и запрашајте се Вие господа од Владата сега дали после оваа срамна одлука ќе имаме задоволна полциија, стои во соопштението од Синдикатот. Сметаат дека вработените во МВР заслужуваат многу повеќе од предвидените, како што се посочува во соопштението, нула денари кои ги предлага Владата за покачување на платите. – Барем да предвидевте исто колку и здравствените работници, Можеби се малку но сигурно ќе оставеа трага за задоволство во овие тешки и макотрпни времиња како една награда за секојдневниот ризик кој го преземаат работниците во Министерството за внатрешни работи, се подвлекува во соопштението.