сингелиќ – Kurir.mk

Претреси во Сингелиќ и Арачиново, специјалците се на терен

Дарко Андоновски — Wed, 17 May 2023 12:30:44 +0000

Во Сингелиќ и Арачиново од утрово се претресуваат домови на повеќе локации, а во акцијата учествуваат и специјалци, кои вршат пребарувања. „Во тек се претреси во домови на повеќе места и кога ќе завршат во текот на денот, ќе излезат со соопштение“, велат од МВР. Акцијата е во координација со обвинителство за гонење организиран криминал и корупција.

Стефковски покровител на фрлање на крстот во Сингелиќ

Тале Кристо — Mon, 16 Jan 2023 11:19:16 +0000

Градоначалникот на општина Гази Баба Бобан Стефковски со објава на својата официјална страна на фејсбук информираше дека ќе биде покровител на фрлање на светиот крст во базенот во Црквата Св. Георѓи во Сингелиќ. Во објавата, градоначалникот Стефковски напиша: Ги поканувам сите граѓани на фрлањето на светиот крст во базенот во Црквата Св. Георѓи во Сингелиќ. Настанот ќе се оддржи на ден 19.01.2023 година (четврток) со почеток во 10:00 часот. Чест ми е да бидам покровител на овој настан кој од оваа година ќе биде традиција за нашата општина! Најсреќниот верник кој прв ќе стигне до крстот ќе биде награден. Наша должност е да ја негуваме традицијата, бидејќи верата и традицијата го оддржувала македонскиот народ низ вековите. - напиша Стефковски.

Ограбена спортска обложувалница во Сингелиќ

Ивана Ефремовски — Tue, 26 Apr 2022 14:56:15 +0000

На 25.04.2022 во 19:59 часот во СВР Скопје пријавено било дека во спортска обложувалница во с.Сингелиќ, скопско, две лица со закана кон вработениот одзеле пари од дневен промет. Се преземаат мерки за расчистување на случајот.

Приведено лице во Синѓелиќ барано по централна потерница

Тале Кристо — Mon, 11 Oct 2021 16:46:59 +0000

Денеска (11.10.2021) во 14.30 часот полициски службеници од Оперативен тим Потраги и Единица за интервентна полиција во с.Сингелиќ го лишија од слобода Н.Р. (30) од Скопје. За него биле распишани Централна потерница и наредба од Основен Суд Скопје во врска со чл.396 (недозволено изработување, држење и тргување со оружје или распрскувачки материи) и чл.288 (Предизвикување општа опасност) од Кривичниот законик и се бара за издржување на затворска казна од 2 години и 3 месеци. Н.Р. ќе биде спроведен во казнено-поправна установа за издржување на казната.

Арсовска: Санација на ободниот канал, фекална канализација и асфалтирање на сите улици се приоритет за Сингелиќ

Тале Кристо — Sat, 09 Oct 2021 15:04:28 +0000

Независната кандидатка за градоначалник на Град Скопје, Данела Арсовска денеска го посети скопско Сингелиќ во општина Гази Баба, каде се сретна и разговараше со жителите од ова населено место. Санација и покривање на ободниот канал, изградба на градинка и плоштад, трајно решавање на проблемот со фекалната канализација и асфалтирање на сите улици се дел од клучните барања кои ги истакнаа граѓаните пред кандидатката за градоначалник, Арсовска. Арсовска на жителите им порача дека по 17 октомври веќе нема да има заборавени населби во градот и дека таа ќе работи за подобрување на условите за живот на сите скопјани подеднакво. - Водоводна и канализациона мрежа, улици без кал и дупки и зеленило во секое населено место се основни работи кои треба да им бидат овозможени на сите граѓани во секое населено место. Должност на секој градоначалник е да ги обезбеди овие основни потреби и тоа ќе го направам брзо и ефикасно, веднаш по отпочнување на мојот градоначалнички мандат. Затоа што граѓаните немаат време за чекање, особено не за вакви приоритетни работи, истакна Арсовска на средбата со граѓани во Сингелиќ.

Уште еден осомничен за пронајдени дрога и оружје во Сингелиќ

Магдалена Андонова — Wed, 30 Dec 2020 14:06:18 +0000

Основното јавно обвинителство Скопје донесе Наредба за спроведување истражна постапка против 32- годишен жител на с.Синѓелиќ, Скопје, поради постоење на основано сомнение дека во соизвршителство ги сторил кривичните дела „Неовластено производство и пуштање во промет наркотични дроги, психотропни супстанции и прекурсори“ од член 215 став 1 во врска со член 22 и „Неовластено изработување, држење, посредување и тргување со оружје или распрскувачки материи“ од член 396 став 2 во врска со став 1 и во врска со член 22 од Кривичниот законик. Имено, заедно со неговиот брат за кого претходно на 22.12 беше отворена истражна постапка, во помошна просторија – гаража во семејната куќа, во вградени специјални бункери во бетонскиот носач, неовластено држеле вкупно 6370 грама наркотична дрога – хероин, како и 915 грама наркотична дрога – кокаин. Дрогата била спакувана во различни пакувања и полиетиленски ќеси. При претресот, во бункерот било пронајдено и оружје и муниција од поголемо количество и тоа вкупно 235 куршуми во различен калибар, еден пиштол марка HS со една рамка со 16 куршуми, како и еден револвер марка Магнум 357 со рамка со шест куршуми. Бидејќи постојат околности што укажуваат на опасност од бегство, како и особени околности кои го оправдуваат стравот дека осомничениот би можел да влијае врз сведоците или да го повтори кривичното дело, јавниот обвинител од Основното јавно обвинителство Скопје до Основниот кривичен суд Скопје достави предлог за определување на мерката притвор за осомниченото лице.

Во Сингелиќ жители бегале преку прозор за да не ги тестираат за корона вирус, но тоа не е сѐ- еве ги деталите

Дарко Андоновски — Mon, 16 Mar 2020 13:21:59 +0000

Министерот за здравство, Венко Филипче, на прес-конференцијата одговарајќи на новинарско прашање рече дека и до него стигнувале информации како онаа дека граѓани кои се вратиле од Италија и живеат во скопско Сингелиќ, бегале од прозор кога медицински екипи дошле да проверат по пријава од соседите. Новинарката посочи дека медицинарите ги чекале два часа да се вратат, но ги намало, по што, му потенцираше на министерот дека вакви случаи имало и во струшки села, но и скопско Лисиче. „И до мене стигнуваат многу такви информации. Секогаш ги известуваме соодветните служби, прво на локалниот центар на јавно здравје, а доколку е потребно и полицијата. Не можам да коментирам конкретни случаи, за тоа што се случувало. На тоа што посветивме внимание е акцијата на ОВР Струга за добра координација во тој регион. Октиси, Лабуништа и тн. Тоа се места каде што и претходно имало интензивна комуникација со луѓе од Дебар и околината“, рече Филипче.

Утре без вода Свиларе и Кондово, утре и задутре Сингелиќ

Дарко Андоновски — Wed, 09 May 2018 14:05:42 +0000

Корисниците од селото Свиларе и Кондово утре од осум до 15 часот ќе имаат прекин во водоснабдувањето, соопшти РЦУК. Прекинот ќе биде поради поради реконструкција на ф-400мм во Пумпна Станица Свиларе. Мал прекин во водоснабдувањето утре и в петок ќе имаат и жителите на Сингелиќ. Прекинот е поради чистење и хлорирање на левата комора од резервоар Синѓелиќ. Со работа ќе се започне во периодот од 09:00 па се до завршување на работите можно е да има мал прекин на водоснабдување во населбата, додава РЦУК.

Детали за инцидентот во Сингелиќ, приведени околу 15 лица

Ивона Петрова — Thu, 01 Feb 2018 20:01:41 +0000

Околу 15 лица се приведени во инцидентот кој доцна попладнево се случи на последната автобуска постојка на 45 во скопско Сингелиќ. Според првичните информации со кои располага МВР, околу 19:35 часот на улицата „Алија Авдовиќ“ дошло до тепачка меѓу две групи, при што едната група го каменувала автобусот со број 65-б. Од каменување биле искршени четири прозорци на вториот кат од автобусот. Приведени се околу 15 лица од двете групи и однесени се во полициска станица на разговорот. Засега нема информации дали во инцидентот има повредени лица.