синѓелиќ – Kurir.mk

НИКОГАШ ДА НЕ СЕ ПОВТОРИ: 7 години од поплавите во Скопје во кои загинаа 22 лица

Ивона Петрова — Sun, 06 Aug 2023 07:30:32 +0000

Скопје денеска одбележува седум години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново. Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови. Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август. Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија. Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри. Да не се заборави, но никогаш да не се повтори!

Малолетник бил нападнат во Синѓелиќ од други малолетни лица

Магдалена Андонова — Wed, 17 Aug 2022 15:03:22 +0000

На 16.08.2022 во 14.15 часот Б.Н.(54) од Скопје пријавил дека на 15.08.2022 околу 18.00 часот пред маркет во с.Синѓелиќ, по претходна расправија, неговиот малолетен син бил физички нападнат од неколку малолетници. Се работи на расчистување на случајот.

ДА НЕ СЕ ЗАБОРАВИ И НИКОГАШ ДА НЕ СЕ ПОВТОРИ: Пет години од поплавите во Скопје во кои загинаа 22 лица

Ивона Петрова — Fri, 06 Aug 2021 06:16:53 +0000

Скопје денеска одбележува пет години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново. Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови. Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август. Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија. Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри. Да не се заборави, но никогаш да не се повтори!

ДЕТАЛИ ЗА АКЦИЈАТА: Уапсено 21 лице, еве што се заплени полицијата

Тале Кристо — Thu, 25 Mar 2021 10:24:42 +0000

Приведени се 21 лице, пронајдена и запленета е дрога, пари, автомобили, мобилни телефони, во денешната полициска акција во Грчец, Гази баба, Чаир и Синѓелиќ. Извори од истрагата посочуваат дека уапсените се веќе во полициска станица по што ќе бидат предадени на надлежен обвинител и изнесени пред суд. Акцијата што ја води Основното јавно обвинителство за гонење организиран криминал и корупција, Скопје во координација со МВР, е за апсење организирана криминална група за трговија со дрога. Од МВР највуваат повеќе детали откако ќе заврши акцијата.

Претреси во Синѓелиќ, пронајден пиштол и хероин – Едно лице е приведено

Магдалена Андонова — Tue, 15 Sep 2020 12:26:04 +0000

На 15.09.2020 околу 06 часот во с.Синѓелиќ- скопско од страна на Единицата за недозволена трговија со дрога при СВР Скопје извршен е претрес во дом на С.А (32) и на уште неколку локации и при тоа пронајдено е огнено оружје „Застава“,со 9 куршуми, хероин и една дигитална вага. Притоа приведен е С.А.. По документирање на случајот, ќе биде поднесена соодветна пријава

Дали Сингелиќ е ново жариште на корона, 13 случаи потврдени во изминатите два дена

Дарко Андоновски — Mon, 11 May 2020 15:09:16 +0000

Дали скопско Сингелиќ станува ново жариште на Ковид 19 во главниот град.? Од 25 новозаболени во Скопје изминатите два дена, повеќе од половината односно 13 се од едно фамилија во населбата. Меѓу дијагностицираните има деца и една трудница, а до ширење на вирусот најверојатно дошло на собирање на семејна вечера. Изворот на заразата е повозраен член од семејството кој според информациите од Центарот за јавно здравје е во лоша состојба и хоспитализиран на Клиниката за инфективни болести, објавува Сител. -Најверојатно се групирале и не ги почитувале мерките и затоа и бројот на заразени е многу голем. Епидемиолозите ги зеле сите контакти со кои биле, според првичните информации не биле со многу луѓе во контакт но да почекаме и да видиме што ќе покажат резултатите од тестирањата, вели др. Арбен Зибери директор на Центар за јавно здравје Скопје. Од Центарот за јавно здравје велат дека освен 61 годишниот член кој е во болница, останатите заразени биле во добра здравствена состојба. Зибери со апел дека од граѓаните и почитувањето на мерките од Комисијата за заразни болести ќе зависи кога животот ќе почне да се враќа во нормала и кога ќе биде укинат полицискиот час. -Пред една недела имавме помалку заболени, сега пак има повеќе бидејќи не се почитуваат мерките. Препорака на епидемиолозите и на надлежните е, и тука не ги делам луѓето по вера дека ако ги почитуваат мерките побрзо ќе излеземе од оваа ситуација, ако не почиотуваат ќе имаме новозаболени и се подолго ќе трае оваа изолација. Да нема групирања оти тоа може да доведе до ширење на вирусот кој е многу вирулентен, вели Зибери. Инаку, бурни реакции во јавноста предизвика собирот на верниците на литијата во Струга но и најавата на Исламската верска заедница дека од утре ќе бидат отворени вратите на џамиите. Здравствените власти остануваат на ставот дека мерките мора да ги почитуваат сите.

Казни од 3.500 до 5.000 евра: Идентификувани 23 прекршители на полицискиот час во Сингелиќ

Ивана Ефремовски — Thu, 23 Apr 2020 10:28:01 +0000

Постапувајќи по поднесена кривична пријава, Основното јавно обвинителство Скопје денеска до Основниот кривичен суд Скопје поднесе Предлог за издавање казнен налог против вкупно 23 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите се идентификувани како лица кои на 13 април околу 22 часот, за време на полицискиот час, биле затекнати групирани надвор од нивните домови во Сингелиќ. Со ова тие постапиле спротивно на Одлуката за забрана и посебен режим за движење на територијата на Република Македонија, донесена со цел спречување на заразната болест COVID-19. Надлежниот јавен обвинител му предложи на судот на секој од обвинетите да им изрече парична казна од 100 дневни глоби, а вредноста на секоја дневна глоба да биде одредена на 35 евра во денарска противвредност. Во врска со настанот во Сингелиќ на 13 април, Основното јавно обвинителство Скопје претходно поднесе Предлог за издавање казнен налог против три лица, со кој побара на лицата обвинети за кривично дело – Непостапување според здравствените прописи за време на епидемија да им бидат изречени парични казни од 100 дневни глоби од по 50 евра. Основниот кривичен суд Скопје, постапувајќи по овој предлoг, веќе изрече првостепена пресуда со која тројцата обвинети ги огласи за виновни и им ја изрече паричната казна од по 5000 евра во денарска противвредност.

МВР активно работи на расчистување на случајот во Синѓелиќ: Идентификувани повеќе лица, санкции за сите прекршители на законот

Ивона Петрова — Fri, 17 Apr 2020 07:53:21 +0000

Министерството за внатрешни работи активно работи на целосно расчистување на случајот во Синѓелиќ и идентификација на сите учесници, вели министерот Наќе Чулев. Според Чулев неселективното пристапување е клучно за соодветно спроведување на законот од страна на полициските службеници. -Имено, до овој момент од страна на СВР Скопје беа поднесени кривични пријави за три лица за што веќе ја информиравме јавноста, а дополнително од нивна страна беше извршено идентификување и беа повикани на разговор 21 лице кое учествувало во настанот и не ја почитувале мерката за забрана на движењето со што сториле кривично дело, напиша министерот на Фејсбук. Во следниот период, а во насока на целосно расчистување на настанот Министерството за внатрешни работи ќе продолжи со обезбедување на доказен материјал за останатите лица и по завршување на постапката за сите лица кои постапиле во спротивност со законот ќе бидат поднесени кривични пријави до Основното јавно обвинителство. Министерот потенцира дека граѓаните треба да бидат уверени дека секој кој што постапува во спротивно со законот ќе биде соодветно санкциониран.

ТВИТ НА ДЕНОТ: Ја симнавте ли новата апликација Синѓелиќ? (ФОТО)

Дарко Андоновски — Wed, 15 Apr 2020 14:32:40 +0000

Дечки ја симнавте новата апликација Синѓелиќ? Многу добро функционира. Те вади од притвор за 15 минути

МВР со детали за инцидентот во Ченто, најавени мерки против сите што не го почитуваа полицискиот час!

Ивона Петрова — Tue, 14 Apr 2020 08:17:14 +0000

На 13.04.2020 во 22.00ч. во Полициска станица Гази Баба од страна на полициски службеници биле лишени од слобода В.М.(19) од Арачиново, С.Р.(21) од с.Синѓелиќ и В.В.(30) од ул.„Алија Авдовиќ“, поради основано сомнение за сторено кривично дело по чл.206 од Кривичниот законик на РСМ, односно непочитување на ограничувањето на движење, информираат од МВР. Од Министерството посочуваат дека по лишувањето од слобода на лицата, поголема група граѓани излегле на ул.„Алија Авдовиќ“, во знак на протест. -По изготвената соодветна документација, лицата се пуштени од полициската станица, а насобраната група граѓани се разотишла. Ќе бидат преземени соодветни мерки и против останатите лица што не го почитуваа ограничувањето на движење, посочуваат од МВР. На потег е обвинителството.