Синиша Стојаноски – Kurir.mk

Стојаноски: Потребно е дисперзиран, а не централизиран пристап до здравствените услуги

Дарко Андоновски — Mon, 22 May 2023 17:22:22 +0000

Синиша Стојаноски, доктор на денешната трибина која ја организира ВМРО-ДПМНЕ на тема „Политики за рестартирање на распаднатиот здравствен систем“ укажа дека кадровата екипираснот е најважна и дека таа е на едно незавидно ниво кое доведува до сериозна дилема. -Караванот на ВМРО-ДПМНЕ тргнува низ цела Македонија и тоа е задоволство кога можеме да се обратиме пред целата вака импозантна публика.Можеме во здравствениот систем да ја имаме најскапата инфраструктура, може да ја имаме и најмодерната апаратура која што постои, но ако кадровата екипираност е на незавидно ниво тогаш функционалноста на здравствениот систем се доведува во сериозна дилема. Она што е нефукнционално во здравствениот систем се провлекува повеќе години и акцентот дефинитивно треба да се стави на неколку точки кои што не сме тие ние кои ќе ги измислиме решенијата за овие проблеми, само треба да се угледаме како функционираат здравствените системи во соседството и во модерните европски земји каде едноставно се внимава на секој сегмент, рече тој. Стојаноски посочи дека проблемот кој што постои во Република Македонија е централизираноста на здравствениот систем односно дека нема еднаков пристап кон квалитетот и достапноста на сите три нивоа на здравствена заштита во сите региони во Република Македонија. -Без да имате адекватна кадрова екипираност и адекватна кадрова политика во здравствениот систем нема можност да има континуитет и напредок на здравствената политика. Проблемот кој што постои во Република Македонија е централизираноста на здравствениот систем, нема еднаков пристап кон квалитетот и достапноста на сите три нивоа на здравствена заштита во сите региони во Република Македонија, кажа тој. Стојаноски потенцираше дека треба да се направи мрежа на примарна-секундарна и децентрализација на терциерна здравствена заштита како во однос на инфраструктурните капацитети и опремата така и адекватното кадрово екипирање на сите тие институции. -Решението е многу едноставно, треба да се направи мрежа на примарна-секундарна и децентрализација на терциерна здравствена заштита како во однос на инфраструктурните капацитети и опремата така и адекватното кадрово екипирање на сите тие институции, вели Стојаноски. Тој на крај заклучи кадрите кој ја нудат терциерната здравствена заштита како што се фокусирани во градот Скопје, потребно е да бидат дисперзирани и во останатите региони во Република Македонија. -Клиничкиот центар во Скопје не може да ја опслужи Република Македонија и потребите на граѓаните затоа што тие листи на чекање кои што се креираат се реални. Кадрите кои што овозможуваат пристап односно кој ја нудат терциерната здравствена заштита како што се фокусирани во градот Скопје, потребно е да бидат дисперзирани и во останатите региони во Република Македонија и на тој начин сите граѓани ќе имаат пристап до терциерна квалитетна здравствена заштита, додаде тој.

Стојаноски: Да се држиме до она што е суштината на Резолуцијата, не може некој од страна да ни кажува која е генезата на македонскиот јазик

Ристе Здравков — Fri, 15 Jul 2022 17:34:43 +0000

„Денес како втор ден од пленарната расправа, пред нас ја имаме владината информација во форма на предлог заклучоци. Она што веројатно веќе и целата јавност го знае е дека оваа информација е нешто кое што од формално правен аспект нема никаква обврзувачка рамка кон никого. Добро е да ја разгледаме и добро е да се знае содржината на овие предлог заклучоци. Но, суштината на целата оваа дискусија ние веќе ја имавме во ова Собрание и тоа во форма на една Резолуција која што сите заедно ја изгласавме. Така што реално овие предлог заклучоци со оглед дека од формално правен аспект нема обврзувачка сила кон никого, нема ни потреба да се разгледуваат од аспектот кој што денеска ги разгледуваме“, истакна Синиша Стојаноски, пратеник од редовите на ВМРО-ДПМНЕ на денешната собраниска седница. Стојаноски додаде Македонија е ставена во една подредена положба, каде што една соседна држава се обидува да диктира кои ќе бидат услови за влез во ЕУ. „За жал, ставени сме во една подредена положба каде што од позиција на сила една соседна држава пробува да диктира кои ќе бидат нашите услови за влез во ЕУ и европското семејство. Да, нашето место е таму. И ние веќе неколку пати ја имаме препораката која што е потврдена дека ги исполнуваме условите за почеток на преговорите. Но, некако на тој трнлив пат постојано се наоѓа некоја пречка која што не враќа многу чекори назад. Дали е потребно да настапува нашата соседна Република Бугарија кон нас вака? Не! Затоа што никогаш не сме покажале никакви претензии кон нив. ние сме мирољубив народ. Кога зборувам за мирољубив народ, зборувам за сите луѓе, за сите граѓани на Република Македонија. И никој од нас на никаков начин не може да наштети на Република Бугарија, како што не можеше да и наштети ни на Република Грција. Да, компромис, меѓутоа компромис кој што ќе биде реален. Компромис кој што ќе биде рамноправен. А, не компромис кој што ќе не стави во подредена положба“, појасни пратеникот. Тој посочи дека не треба некој друг да кажува на Македонците што биле низ историјата, и кои се корените македонски. Не треба друг да кажува која е генезата на македонскиот јазик. „Знаете сите ние сме учеле историја, сите ние сме потомци на нашите предци. И сите многу добро знаат што сме биле низ таа историја. Иако можеби низ историјата не сме ја имале државата во оваа форма во која што ја имаме сега. Затоа би замолил да се држиме до она што беше суштината на Резолуцијата која што сите заедно ја изгласавме во ова Собрание“, порача Стојаноски.

Стојаноски: Приватизацијата на Брзата помош ќе создаде сериозни проблеми во урнисаниот здравствен систем

Дарко Андоновски — Wed, 15 Dec 2021 11:48:29 +0000

Денес, на седница на Комисијата за здравство се наоѓаат спорните измени и дополнувања на Законот за здравствена заштита за кои беше објавено дека ќе бидат повлечени од собраниска процедура, ова денеска преку изјава за медиумите го истакна пратеникот Синиша Стојаноски од ВМРО-ДПМНЕ. -Измените и дополнувањата на овој закон не само што не се повлечени, дополнително тие се ставени по скратена постапка. Имено, се работи за суштински измени во законот кои предвидуваат приватизација или јавно приватно партнерство за дејноста за земање и пресадување на делови на човечкото тело заради лекување и приватизација или јавно приватно партнерство на дејноста за итна медицинска и стоматолошка помош и домашно лекување. Бришењето на овие дејности од Законот за здравствена заштита е скандалозно односно приватицзацијата на овие дејности е на директна штета на граѓаните на Република Македонија. Недостатокот на јавна расправа за вакви суштински измени кои се носат во период додека во Собранието се расправа за Буџетот за 2022 година е јасен сигнал дека власта преку овие измени сака да обезбеди само профит за поединци кои единствено ги интересира бизнисот, а не здравјето на граѓаните. Откако здравствената фела остро се спротистави на овие измени, беше најавено повлекување на законот, но денес гледаме дека сето тоа било само обичен блеф и дека власта се обидува закнот да го истурка на мала врата, вели Стојаноски. Тој додава дека приватизацијата на овие дејности посебно на Брзата помош ќе создаде сериозни проблеми во урнисаниот здравствен систем и квалитетот на здравствените услуги кои и онака едвај функционираат поради пандемијата која не зафати. -Во измените и дополнувањата има доста недоречености кои оставаат простор за различно толкување и не се појаснува дали овие измени ќе допринесат за зголемени трошоци на граѓаните за итна медицинска помош. Пратеничката група на ВМРО-ДПМНЕ и коалицијата „Обнова за Македонија“смета дека итната медицинска помош односно брзата помош служи за спасување на животи, а не за остварување на профит. Апелираме до Владата и до Министерството за здравство да ги повлечат овие измени и дополнувања на Законот за здравствена заштита и барем еднаш да го слушнат гласот на фелата и на граѓанте кои се загрижени за своето здравје. На сите ни е јасно дека Владата на СДСМ и ДУИ ги интересира само профит и лично богатење, но со здравјето на граѓаните нема право да си игра апсолутно никој, истакнува Стојаноски.

Стојаноски: ВМРО-ДПМНЕ ги поддржа измените со кои се овозможува увоз на вакцини и други медицински средства за справување со коронавирусот

Дарко Андоновски — Tue, 02 Feb 2021 13:15:43 +0000

Член 39 од Уставот на Република Македонија гласи: „На секој граѓанин му се гарантира правото на здравствена заштита. Граѓанинот има право и должност да го чува и унапредува сопственото здравје и здравјето на другите“, ова денеска преку прес-конференција го истакна Синиша Стојаноски од ВМРО-ДПМНЕ. -Водени од Уставот и обврската како народни претставници, пратеничката група на ВМРО - ДПМНЕ и Коалицијата „За обнова на Македонија“, ги поддржува измените со кои се овозможува увоз на вакцини, но и други медицински и имунолошки средства со цел справување со SARS COV 2 т.е. коронавирусот. Во текот на вчерашниот ден се усвоија измените и дополнувањата на Законот за лековите и медицинските средства, а денес на Комисијата за финансирање и буџет се дополни Законот за јавни набавки со кој се овозможува без административни пречки да се склучи договор со фармацевтските компании. Пратеничката група на ВМРО - ДПМНЕ и Коалцијата поднесе амадмани со кои се прецизира дека државата може да даде аванс поголем од 20% во случај кога се набавуваат имунолошки средства за справување со SARS COV 2, како и амандман со кој се прецизира дека само во случаите при набавка на вакцина за SARS COV 2 правно лице надвор од територијата на Република Македонија може да поднесе барање за ставање на лек во промет. Ја поздравуваме одлуката на парламентарното мнозинство да ги прифати нашите забелешки и заеднички да ги донесеме овие исклучително битни законски решенија во интерес на граѓаните на Република Македонија, вели Стојаноски. Тој додава дека потребната законска регулатива добива зелено светло од Собранието на Република Македонија. -Она на што треба заеднички да работиме во периодот кој што следува е промовирање на позитивна клима за вакцинација и информативна кампања во насока кога ќе пристигнат првите вакцини да можеме вакцинацијата да ја започнеме и да ја спроведуваме со динамика која што ветува успешен исход во борбата со КОВИД 19. Почитувани, пандемијата не не дели ниту по политичко-партиска ниту по идеолошка ниту по национална или верска припадност. Подеднакво сме засегнати сите. Затоа, единствен начин да ја ставиме под контрола истата е преку ваков позитивен пример на заедничко делување во законодавниот дом, вели Стојаноски.

Стојаноски: Владата на ВМРО-ДПМНЕ набави 140 болнички возила, а Филипче ниту едно

Магдалена Андонова — Mon, 02 Nov 2020 21:34:42 +0000

„Почитувани, во врска со последниот медиумски настап на министерот Филипче, би сакале да потенцираме неколку факти: 1) За време на раководењето на ВМРО-ДПМНЕ со Министерството за здравство се набавени 140 амбулантни возила. Нека одговори министерот колку се набавени додека е тој на чело на министерството?! 2) Опозицијата има улога да биде коректив на власта и затоа можеби денот го започнува со соопштенија. Власта доколку ја менаџираше КОВИД кризата успешно како што милува да соопштува министерот, немаше според сите релевантни институции, за што впрочем зборуваат и бројките на заразени и за жал починати, да сме рангирани онака како што сме рангирани во моментов. 3) Би било добро министерот да ги преслуша прес конференциите на опозицијата, особено оние пред појавата на првиот случај на КОВИД кај нас, и ќе има можност да ги слушне сите мерки кои што ги предложила опозицијата, и кои што за жал со задоцнување потоа ги спроведуваше. 4) Уште подобро би било да ги преслуша своите ПР настапи, и да се потсети што зборувал тогаш, а што зборува сега. Што изјавил за бројката од 2000 заразени тогаш, а што сега. Што изјавил за тестирањето на пациентите во Ниш, за мерките предложени од комисијата за заразни болести и за препораките од СЗО. Постојат записи за истите изјави, па можеби доколку се одважи за соочување пред медиумите, ќе може да го објасни менувањето на своите ставови. 5) Дали пациентите имаат пристап до термин за тестирање и до болничките капацитети, најдобро би било да поразговара и да се соочи со нив министерот лично. Тогаш можеби ќе почне да ја живее истата реалност со граѓаните на Република Македонија. 6) Заемот од 90 милиони евра, можела да го потпише министерката за финансии Ангеловска, но не го сторила тоа. Нека одговори министерот Филипче зошто? 7) Доколку пред неполни 2 месеци носите одлука за враќање на хронично болните на работните места, а сега повторно ја менувате одлуката за работа од дома, каква порака се праќа кон граѓаните? 8 ) Фрустрацијата е одлика на последните ПР насатапи на владините функционери поради рапидното продлабочување на здравствената и економската криза во Република Македонија, што граѓаните го препознаваат.“ Синиша Стојаноски, Комисија за здравство на ВМРО-ДПМНЕ.

Стојаноски: Филипче доскорешниот прв КОВИД центар го доведе до финансиски колапс

Магдалена Андонова — Thu, 24 Sep 2020 11:02:27 +0000

Дали неспособноста на ново-стариот министер за здравство Венко Филипче ескалира, и тоа уште на самиот почеток на новиот мандат? Дали во „новата нормалност“ Клиниките и болниците во Република Македонија се наоѓаат пред финансиски колапс? Освен што недостасува медицински кадар по здравствените установи, сега постепено излегува на површина и финансискиот дефицит, изјави на денешната прес конференција Синиша Стојаноски, пратеник од редовите на ВМРО-ДПМНЕ. Имено, јавноста деновиве беше сведок на шокантна вест која што проструи во медиумскиот простор, дека Градската Општа Болница „8-ми Септември“ е пред финансиски колапс. ФЗОМ, според информациите кои се јавно достапни, должи финансиски средства за речиси 13.000 пациенти лекувани од КОВИД-19 во оваа болница. Недозволиво е ова што се случува во македонското здравство. Над 12.000 прегледи на болни со КОВИД-19 и над 2.000 излекувани пациенти, а ниту денар од државата за доскорешниот прв КОВИД центар во Република Македонија. Шест месеци ГОБ „8-ми Септември“ функционирала без префрлени средства од ФЗОМ, па затоа сега има потешкотии да ги набави основите материјали за нормално функционирање, посочи тој. На скандалите им нема крај.По ваков еден невиден скандал, Филипче го нема никаде да одговори зошто оваа елитна болница е доведена до работ на егзистенција?За ова одговорност од надлежните мора да има. ВМРО-ДПМНЕ го повикува ФЗОМ и министерот за здравство Венко Филипче да одговорат на јавноста што е причината за овој скандал? Каде се финансиските средства кои што треба да се исплатат на болницата? Зошто до сега истите не се исплатени и зошто болницата е доведена до раб на егзистенција?, прашува Стојаноски. Филипче не успеа да се справи ниту со првиот бран, кој во Република Македонија е продолжен со неколку пикови. Предвидливо е за жал дека најверојатно нема да може да се справи ниту со вториот. Неспособноста на оваа старо-нова влада досега не чини над 700 човечки животи. Време е да се понесе одговорност за ваквата неспособност, заклучи Стојаноски.

Стојаноски: Кластерот Геријатрија Скопје го демантира Филипче дека епидемијата со корона е под контрола

Ивана Ефремовски — Sat, 08 Aug 2020 09:54:53 +0000

Додека владата на СДСМ и нејзините челници прогласуваат успешно справување и т.н. „победа" во борбата против пандемијата со КОВИД 19, во здравствената установа Геријатрија - Скопје, имаме детектирано нов кластер и тоа токму помеѓу најранливата категорија на граѓани, обвини доктор Синиша Стојаноски. -Официјалните одговорни лица велат дека корона вирусот не познава граници кога е во прашање возраста. И да, во право се, а тоа веќе и се покажа на дело. Во здравствената установа Геријатрија - Скопје за неколку дена има околу 17 ново заболени. Од Специјализираната болница „13 Ноември“ во Скопје, позната уште и како Геријатрија - Скопје, во официјалното соопштение велат: „Веднаш е постапено согласно протоколите, за изолирање на болните од останатите пациенти и спроведување на епидемиолошка анкета на вработените за спречување на ширење на инфекцијата како и мерки за дезинфекција“. Прашуваме зошто и како, ако веднаш е постапено според протоколите, имаме случај на интрахоспитална ширење на заразата и зошто бројката за неколку дена достигнува 17 лица заразени со корона вирусот? Ова не смее и во никој случај не може да се третира како обична вест. Исто така, под никакви услови не смее да се оправда со тезата дека корона вирусот не познава граници кога станува збор за возраст, истакна тој. Стојаноски прашува: Дали воопшто е иницирана постапка за откривање на причините за овој нов кластер и дали некој ќе понесе одговорност за овој случај? -Колку за споредба, во соседна Србија, во првиот момент кога се дијагностицираа поголем број на заразени со корона вирусот во Геријатрискиот дом во Ниш, веднаш реагираше владиниот кризен штаб. Министерството за внатрешни работи го повика на одговорност директорот на институцијата поради основан сомнеж за тешко казнено дело против здравјето на луѓето, а во врска со неспречување на пренесување на високо заразна болест. Така реагираат институциите на системот кои што се функционални. Не денес, не утре, туку уште вчера требаше да се поведе постапка за утврдување на причините на овој нов кластер и веќе да имаме резултати од истата. Но, како што можете да посведочите, за жал, такво нешто не се случува. Прашуваме дали надлежните и одговорните неколку дена се обидуваат да го релативизираат случајот? Проценете сами. Со ваквиот начин на делување само се потврдува фактор дека победата прогласена врз корона вирусот е далеку од вистината, порача тој.

Комисија за здравство на ВМРО-ДПМНЕ: Младите лекари, здравство базирано на потребите на пациентите, здравствена инфраструктура и вложување во човечкиот капитал ќе биде фокусот на обновата

Магдалена Андонова — Sat, 11 Jul 2020 16:52:27 +0000

На трибината организирана од страна на Комисијата за здравство на ВМРО-ДПМНЕ на која учествуваа доктор Игор Николов член на Извршниот комитет, доктор Синиша Стојаноски, претседател на Комисијата за здравство на ВМРО-ДПМНЕ и кандидат за пратеник во првата Изборна единица, доктор Петар Марков, претседател на Комисијата за здравство на УМС и со вклучување онлајн доктор Хавиер Хуртадо Мира, претседател на Младинската демократска заедница на Европа – DEMYC. Доктор Хавиер Мира со потекло од Шпанија говореше за вклученоста на здравствените работници и младите лекари во политиката, ги пренесе своите меѓународни искуства во врска со справување со коронавирусот. Тој истакна дека е добро запознаен со ситуацијата во Македонија, како и тоа дека господинот Заев не ја извршувал добро својата работа , бидејќи како мала земја, имаме голем број на смртни случаи и многу голем број на заразени. - Политиката на затворени граници не помага сама по себе, мора да прават масовни тестирања и PCR тестови, инаку нема да се контролира фокусот на заразата. Затоа жалосно е што социјалистите во владата во Македонија не соработуваат доволно со вашата партија. Кога вие ќе ја водите владата ќе докажете дека економијата и добрата дигитална агенда ќе му помогне и на здравствениот систем. Очекувам дека следната недела ќе се промени иднината на Македонија на подобро, порача доктор Хуртадо Мира. Доктор Игор Николов истакна дека по статистиката бројот на медицински работници секојдневно се зголемува и тоа е загрижувачки, спроведените политики или недостатокот од истите не го даваат ветениот резултат, па бројката на млади лекари кои се илевуваат се зголемува. -Она што ние го ветуваме е подобрување на условите за работа на младите лекари, зошто претходните две години 250 млади лекари ги заминале од државата, вели Николов. Николов посочи дека се соочуваме со недостаток на здравствени услуги и лоша координација во здравствениот систем, која ќе биде надмината со обновата во првите 100 дена од новата влада, каде е предвидено формирање на тело за Национален Координатор за здравство и регионални координатори за здравство кои ќе ги елиминираат локалните проблеми и на тој начин ќе се намалат проблемите на пациентите, како и многу важно дигитализација на здравството, односно проект Здравство – без хартија за да ја олесниме работата и на лекарите и да ги скратиме административните процедури за пациентите. Доктор Петар Марков истакна дека инволвирањето на младите во политиката е клучно заради воспоставување на нивна вклученост во креирање на јавните политики особено во здравството. -Kако Комисија за здравство при УМС на ВМРО-ДПМНЕ даден е особен придонес во креирање на програмата за обнова на Македонија, каде се предвидени бројни проекти за младите лекари особено со предвидената Стратегија за млади лекари којашто ќе развие методологија и правци за актикулирање на концептите за да се вратат младите или да останат да работат во Македонија, вели Марков. Доктор Синиша Стојаноски посочи дека процесот на издигнување на здравствениот систем во Македонија е двонасочен процес, затоа политиката треба да биде во дослух со здравствените работници, пациентите, младите лекари, специјализантите и младите специјалисти кои се иднината на здравствениот систем мора да бидат интегрирани, зошто малдите луѓе и студентите знаат и моѓат да дадат особен импут во креирање на добри јавни здравствени политики. -Не смееме да застанеме на едно ниво, со обновата мора да работиме на континуирано инвестирање на знаењата на младите лекари, она што го предвидува проектот е обнова е зајакнување на јавното здравство со рамноремен регионален развој, со изградба на нови и реновирање на постоечки Клинички центри, подигнување на квалитетот на услугите, односно здравство базирано на пациентите, порача доктор Стојаноски.

Муцунски и Стојаноски поразговараа за проблемите на пациентите: Еден доктор и еден правник можат да направат многу за подобрување на здравствените услуги на граѓаните

Дарко Андоновски — Sat, 11 Jul 2020 15:20:55 +0000

Кандидатот за пратеник во Изборната единица 1 Тимчо Муцунски денеска имаше можност да поразговара со доктор Синиша Стојаноски за проблемите кои неговите пациенти му ги пренесуваат секојдневно. -Доктор Синиша Стојаноски , професор и еден од најдобрите доктори по патолошка физиологија, задоволство ми беше да поразговарам со него за проблемите кои неговите пациенти му ги пренесуваат секојдневно. Еден доктор и еден правник можат да направат многу за подобрување на здравствените услуги на граѓаните, со посветеност и прецизност да детектираат решенија за креирање и спроведување на здравство базирано на пациентите ⚖️? 》Потребна ни е Национална здравствена стратегија која ќе ги заштити докторите и здравствените работници да заработуваат достоинствено во согласност со нивниот труд и пожртвуваност, да влееме мотив да останат во Македонија. 》Нула корупција во здравството и стандардизација на квалитетот на здравствените услуги. 》Стратегија за млади лекари која ќе утврди методологија правци и начини за поддршка на младите лекари во Македонија. 》Целосна дигитализација и олееснување за граѓаните во издавањето рецепти, упати, извештаи и резултати, како и интегриран електронски систем Е-медицинско досие за секој пациент. #ОдбериОбнова #здравство #СеОбврзуваме ??, стои во неговиот пост на Фејсбук.

Доктор Синиша Стојаноски , професор и еден од најдобрите доктори по патолошка физиологија, задоволство ми беше да... Posted by Тимчо Муцунски / Timco Mucunski on Saturday, July 11, 2020

Стојаноски: Здравствените работници кои си заминуваат од Македонија заслужуваат многу повеќе- ситуацијата е разочарувачка

Дарко Андоновски — Fri, 03 Jul 2020 15:26:06 +0000

Кандидатот за пратеник во Изборната единица 1 доктор Синиша Стојаноски преку видео на Фејсбук пишува дека лекарите ја бараат иднината надвор од Македонија, а тоа мора да се промени бидејќи здравствените работници заслужуваат повеќе. -Нашата држава продуцира многу стручни лекари, а моменталната ситуација во здравството е разочарувачка. Нашите колеги ја бараат иднината надвор од Македонија, ова мора да го промениме, здравствените работници заслужуваат многу повеќе. Повисоки плати и достоинствена плата за специјализантите, платени дежурства,подобри услови за работа, реконструкција на болниците и многу повеќе е наша обврска, стои во неговиот пост на Фејсбук.

Нашата држава продуцира многу стручни лекари, а моменталната ситуација во здравството е разочарувачка. Нашите колеги ја... Posted by Синиша Стојаноски on Friday, July 3, 2020