Синофарм – Kurir.mk

Србија месечно ќе произведува три милиони дози Синофарм вакцини

Магдалена Андонова — Sat, 04 Dec 2021 11:57:35 +0000

Почетокот на производството на вакцината „Синофарм“ во Србија се очекува од март, најдоцна во април, со три милиони дози месечно, пишуваат „Вечерње новости“. Директорката на РФЗО Сања Радојевиќ Шкодриќ вели дека планот е производството да се одвива во две фази: - Првата фаза, која опфаќа полнење и пакување на увезената материја, ќе започне во март и април - вели Радојевиќ Шкодриќ. Вакцината на „Синофарм“ прво ќе се произведува за Србија, а потоа ќе се извезува во регионот и другите земји. - Големите производители на вакцини не бираат партнери само така. „Синофарм“ ја препозна Србија како безбедна земја за производство на истата квалитетна, безбедна и ефикасна вакцина како таа што самите ја произведуваат. Многу сме горди на изградбата на фабрика за вакцини во Србија. Фабриката сега ќе произведува антиковид вакцини, но се планираат капацитети и за други вакцини или за проширување на капацитетите - објасни директорот на РЗОМ. Сопственото производство на вакцини, а „Торлак“ веќе прави антиковид вакцина по руска технологија, е голема предност за секоја земја за време на пандемијата. - Кога имате сопствено, домашно производство, сте ја осигурале вашата земја не само на доволни количини вакцини, туку и дека ќе можете брзо да произведувате. Гледаме дека за многу кратки временски периоди се појавуваат нови соеви и затоа е важно да се има домашно производство за да се прилагоди на новите соеви, а не да се чека и да зависи од други производители - вели Сања Радојевиќ Шкодриќ.

СЕ СКРАТИ ПЕРИОДОТ НА ЧЕКАЊЕ: Министерството за здравство објави кога може да се прими трета доза на вакцинираните со Синовак и Синофарм

Дарко Андоновски — Tue, 19 Oct 2021 13:08:13 +0000

Националниот Комитет за имунизација денеска днесе одлука со која препорачува, граѓаните кои се вакцинирани и ревакцинирани со вакцините на производителите Синовак и Синофарм, трета доза вакцина може да примаат после изминати три месеци од ревакцинација. Вакцинацијата со трета доза е со вакцина на производителот Фајзер, а вакцинацијата е без закажан термин на кој било вакцинален пункт во државата. За граѓаните кои примиле друг тип вакцина, Фајзер, Астра Зенека или Спутник В, трета доза вакцина може да примаат после поминати 6 месеци од ревакцинација. Министерството за здравство апелира граѓаните во што поголем број да се вакцинираат. Вакцините освен што се ефикасни, се исто така безбедни, укажуваме на важноста на вакцинација. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2.

Мора да го знаете ова ако сте вакцинирани со Синофарм

Ивана Ефремовски — Fri, 17 Sep 2021 14:57:36 +0000

Третата доза на кинеската вакцина Синофарм против коронавирус го зголемува нивото на антитела, кои се намалуваат неколку месеци по добивањето на втората доза, покажа студија спроведена во Кина. Студијата, која допрва треба да биде потврдена од други научници, е објавена во време кога третата доза од вакцината се дава на ризичните групи во Кина, од страв дека заштитата ќе ослабне со текот на времето, пренесе Гласот на Америка. Пет месеци по повторната вакцинација со Синофарм, нивото на антитела опаѓа за 70 отсто во споредба со нивото достигнато четири недели по втората доза на вакцината, покажа студија во која учествуваа здравствени работници. Но, една недела по третата доза, концентрацијата на антитела повторно се зголемува. (МИА)

Државна студија во Перу: Синофарм со ефикасност од 50,4 проценти

Ивона Петрова — Fri, 13 Aug 2021 09:26:03 +0000

Две дози од вакцината Синофарм се ефикасни 50,4 проценти во спречување на Ковид-19 вирусот кај здравствените работници во Перу, каде се зголемува бројот на заболени од разни соеви. Давањето на трета доза вакцина, може да се земе на разгледување, наведува тамошната државна студија. Се наведува дека вакцината Синофарм, со која Перу се бореше против вториот голем бран на коронавирус, ја добие 400.000 здравствени работници кои биле на првата линија. -Ефикасноста на вакцината не е голема и тоа е нешто што треба да го разгледаме кога голем број од жителите ќе добијат две дози, се вели во студијата.

Кина ја одобри вакцината Синофарм за деца постари од 3 години

Магдалена Андонова — Fri, 11 Jun 2021 08:32:30 +0000

Вакцината против коронавирусот на компанијата Синофарм, која ја разви Пекинскиот институт за биолошки производи, доби одобрување за употреба во Кина на деца постари од 3 години. Одлуката ја соопшти главниот експерт во Кинескиот центар за контрола и превенција на болести, Шао Јиминг, пренесува Ројтерс. Кина пред шест дена ја одобри вакцината на компанијата Синовак за итна употреба за деца кои имаат од 3 до 17 години.

Спасовски ја прими втората доза на „Синофарм“ во Куманово

Ивона Петрова — Mon, 07 Jun 2021 08:09:02 +0000

На вакциналниот пункт во Куманово утрово ја примив втората доза од вакцината на “Синофарм”, напиша министерот за внатрешни работи Оливер Спасовски на неговиот фејсбук профил. Тој ги повика граѓаните да се вакцинираат, посочувајќи дека сите вакцини се безбедни и се единствениот начин да ставиме крај на пандемијата со Ковид-19. – Ве повикувам да го сторите истото, сите вакцини се безбедни и се единствениот начин да ставиме крај на пандемијата со Ковид-19. Граѓаните кои досега не се регистрирале, тоа може да го сторат на www.vakcinacija.mk, истакна Спасовски.

„Синофарм“ гради нова фабрика за вакцини во Вухан

Ивона Петрова — Tue, 01 Jun 2021 08:30:47 +0000

Кинеската компанија „Синофарм“ ќе почне со изградба на нова фабрика за производство на вакцини во Вухан, град за кој се тврдеше дека е епицентар на коронавирусот, а во која се верува дека ќе може да произведува милијарда дози годишно. Британските медиуми пренесуваат дека кинескиот Институт за биолошки производи во Вухан не прецизираше кога фабриката ќе почне да работи со полн капацитет. Најавата за изградба на фабриката е голем проект на „Синофарм“, што е поддржан од државата, со цел да се направат три милијарди дози вакцини годишно. Институтот за биолошки производи во Пекинг, каде „Синофарм“ веќе има фабрика, исто така, може да произведе милијарда дози годишно и да изгради нов производствен капацитет. Кина досега одобри три вакцини против Ковид-19 за општа употреба: Синофарм, Синовак, КанСино и уште три вакцини од домашно произведство за итна употреба.

Се вакциниравте со Синофарм? Еве која е најновата студија на американските научници за оваа вакцина

Ивона Петрова — Sat, 29 May 2021 14:56:22 +0000

Двете вакцини од кинеската компанија Синофарм се безбедни и ефикасни против Ковид-19, според студијата објавена во Медицинскиот журнал на Американската медицинска асоцијација. Научниците чекаа повеќе детали за овие две вакцини, иако тие веќе се користат во многу земји, а една неодамна доби поддршка од Светската здравствена организација за итна употреба, објави АП. Извештајот објавен на Интернет во журналот на Американската медицинска асоцијација заклучува дека вакцините се ефикасни околу 73 проценти, или 78 проценти, како што претходно тврдеше Синофарм. Истражувачите од Синофарм и нејзините локални партнери на Блискиот исток наведуваат дека околу 40.380 учесници учествувале во истражувањето. Две вакцини Користени се две вакцини Синофарм, едната е изработена од Институтот за биолошки производи во Вухан, другата развиена од Институтот за биолошки производи во Пекинг и плацебо. Анкетата е спроведена во четири земји - Бахреин, Обединетите Арапски Емирати, Египет и Јордан, сепак, студијата покажа само податоци за Бахреин и ОАЕ. - Нема ништо многу изненадувачки. Тоа е во согласност со она што тие претходно го тврдеа, но не ги отстранува целосно сомнежите за Синофарм - рече Џин Донг-јан, професор по медицина на Универзитетот во Хонг Конг, кој не беше вклучен во студијата. Ја примија милиони низ целиот свет Вакцините, обете направени од инактивирани вируси, веќе се дадени на милиони луѓе ширум светот. Светската здравствена организација ја одобри вакцината „Ковид-19“ за итна употреба на институтот за биолошки производи во Пекинг, на почетокот на мај, така што таа е прва кинеска вакцина што го добила сертификатот.

Нови дози на кинески вакцини пристигнаа утрово во Србија

Магдалена Андонова — Thu, 27 May 2021 06:55:24 +0000

Авион со нови кинески вакцини Синофарм утрово слета во Белград. На приемот на вакцини присуствуваат премиерот на Србија Ана Брнабиќ и амбасадорот на Народна Република Кина во Србија Чен Бо. - Ова е последниот контингент од 500.000 вакцини и тоа се вкупно 4 милиони вакцини Синофарм кои ни беа доставени по договор. Благодарение на оваа сериозност од кинеската страна, успеавме да достигнеме над 45% од вакцинираната возрасна популација, што секако не е доволно за колективен имунитет. Исто така, би сакал да им се заблагодарам на кинеските партнери што направија повеќе од договореното. Кинеската армија ни донираше дополнителни 200.000 вакцини - рече Брнабиќ. - Во овој момент имаме уште 500.000 лица за вакцинирање, што е 3.115.000 лица и со тоа ќе бидеме безбедни. И да кажам уште една интересна работа, ова е осми лет што го поздравуваме за вакцините, но од почетокот на пандемијата, покрај овие осум летови, дочекавме и 58 авиони кои добија медицинска опрема, сè донирано од Кина и што купивме и три товарни возови. Тоа се вкупно 66 летови и 3 товарни возови од се што добивме, а тоа покажува силни врски, партнерство, сериозност и кредибилитет на односите - додаде премиерот.

Денеска пристигнуваат околу 40.000 вакцини преку Ковакс системот од Астра Зенека, а утре донација од 100.000 вакцини на Синофарм

Магдалена Андонова — Fri, 14 May 2021 09:38:09 +0000

На денешната прес конференција, во изјава за медиуми, министерот за здравство Венко Филипче ја информираше јавноста дека денеска се очекува да пристигнат околу 40.000 вакцини преку Ковакс системот од Астра Зенека. - Денеска се очекува да стигнат близу 40.000 вакцини преку Ковакс системот од Астра Зенека, а во текот на утрешниот ден 100.000 вакцини на Синофарм преку донацијата од Кинеската армија и веднаш ќе бидат распределни по веќе определените канали за имунизација. Продолжуваме да ставиме акцент на постарите граѓани дополнително пријавени после пресекот на 30 Април кога беа пријавени околу 140.000 граѓани вкупно, а сега се околу 160.000. Околу 9.000 од пријавените се над 70 години.