синсинати – Kurir.mk

Ѓоковиќ се повлече од Мастерсот во Синсинати

Тале Кристо — Fri, 12 Aug 2022 17:30:50 +0000

Дваесет и еднократниот грен слем шампион Новак Ѓоковиќ ќе го пропушти Мастерсот во Синсинати следната недела. Негово медсто на ждрепката ќе го замени Брендон Накашима, кој претходно мораше да игра со вајлд-карта. Да потсетиме, според сегашните правила, Ѓоковиќ не може да влезе во Соединетите Американски Држави, бидејќи не е вакциниран против коронавирусот. Српскиот тренер Горан Иванишевиќ претходно изјави: „Новак ќе направи се за да стигне таму. Можеби ќе му дадат посебна виза“. На 29 август стартува УС Опен каде Ѓоковиќ треба да брани бодови од пласманот во ланското финале.

Зверев го победи Рублев во финалето на Мастерсот во Синсинати

Ивона Петрова — Mon, 23 Aug 2021 07:04:36 +0000

Германскиот тенисер, Александар Зверев синоќа го победи Русинот Андреј Рублев во финалето на турнирот во Синсинати со 2-0, по сетови 6:2 и 6:3. Мечот траеше еден час. Германецот направи шест аса и четири двојни грешки, а реализираше и четири брејк топки од девет. Русинот имаше 11 аса, и ниту една грешка при вториот сервис, како и една реализирана брејк-топка. За 24-годишниот Зверев ова е трета титула во 2021 година и 17. во кариерата. По овој триумф, Зверев се искачи на четвртото место на АТП ранг-листата, додека Рублев остана на седмото место. И натаму, прв светски рекет е Новак Ѓоковиќ од Србија.

Зверев го совлада Циципас и се пласира во финалето на Синсинати

Бошко Тасиќ — Sun, 22 Aug 2021 06:36:01 +0000

Тенисерот Александер Зверев успеа да се пласира во финалето на АТП турнирот во Синсинати. Во полуфиналето Зверев го победи Стефанос Циципас со 2:1 во сетови, иако во последниот имаше минус од два брејка и губеше со 1:4. Сервираше за 5:1 во гемови во третиот сет и не успеа, а потоа пак загуби свој сервис на 5:4 кога имаше можност да го реши мечот. Зверев се разигра, израмни на 5:5 и потоа во фантастичен стил славеше во тај-брејкот со 7:4 во поени. Тој ќе игра со Андреј Рублев во финалето, денеска од 22.30 часот, а моментно е во серија од 10 победи, без пораз. Претходно Рублев го надигра сонародникот и прв носител на турнирот, Данил Медведев, исто така со 2:1 во сетови.

Федерер ги откажа настапите во Торонто и Синсинати

Тале Кристо — Fri, 06 Aug 2021 16:51:06 +0000

Легендарниот швајцарски тенисер Роџер Федерер, кој в недела ќе го прослави својот 40. роденден, ги откажа поради повреда настапите на АТП турнирите од серијата „мастерс 1000“, кои следните две недели ќе се играат во Торонто и Синсинати. – За жал во текот на сезоната на настапи на трева почувствував проблеми со коленотo“, објави Федерер. Швајцарскиот тенисер двапати победи на канадскиот „мастерс“ во 2004 и 2006 година, додека во Синсинати седум пати го подигнуваше победничкиот трофеј.

Ѓоковиќ избори четвртфинале во Синсинати

Дарко Андоновски — Fri, 16 Aug 2019 07:11:35 +0000

Најдобриот светски тенисер Новак Ѓоковиќ стигна до четвртфиналето на турнирот во Синсинати, САД. Србинот ноќеска го совлада Шпанецот Пабло Карено Бусто со 2-0, по сетови 6:3 и 6:4. Следен противник на Ѓоковиќ ќе биде Лук Пуи од Франција. Наградниот фонд на престижниот турнир во Синсинати изнесува шест милиони долари.

Мареј елиминиран уште во првото коло на турнирот во Синсинати

Ивона Петрова — Tue, 13 Aug 2019 07:51:47 +0000

Французинот Ричард Гаске го совлада британскиот тенисер Енди Мареј со 2-0, по сетови 6:4 и 6:4 во првото коло на АТП турнирот во Синсинати (САД). Мечот траеше еден час и 38 минути. За потсетување, Мареј се опоравуваше во поголемиот дел од минатата сезона по операцијата на колкот. Во пресрет на Австралија опен, тој објави дека заминува од тенис, но по турнирот се премисли и рече дека е подготвен да оди на втора операција за да се врати на тенисот.

ДЕТАЛИ: Четири лица настрадаа во пукањето во банка во САД

Матеја Петровски — Thu, 06 Sep 2018 17:37:22 +0000

Началникот на полицијата Елиот Ајзак, кажа дека напаѓачот во Синсинати отворил оган утрово пред банка, а потоа влегол во дворот каде размениле неколку куршуми со полицијата, пренесува АП. Засега не се знае дали напаѓачот пукал сам во себе или го погодиле полицајците. Градоначалникот на Синсинати, Џон Кренли кажал дека напаѓачот „активно пукал во недолжни жртви“ и дека сцената била ужасна, напоменувајќи дека ситуацијата можела да биде многѕу полоша, доколку полицијата не реагирала брзо и не ја отстранила заканата. Полицијата порано денеска соопштила дека „одговорила на активна ситуација на пукање во зграда во банка во центарот на Синсинати и дека има повеќе повредени“. Полицијата на Твитер напиша дека ситуацијата е ставена под контрола пред 10 часот наутро по локално време.

Пукање во банка: Има ранети, луѓе крвави лежат на под

Матеја Петровски — Thu, 06 Sep 2018 14:24:10 +0000

Полицијата во американскиот град Синсинати ја опкружи банката во која се напаѓач. Според првите информации, повеќе луѓе се повредени дворот на банката и подрачјето каде што се прави примопредавањето на парите. Полицијата ги извести граѓаните да не се приближуваат на зградата на „Fifth Third Bank“ во Синсинати. Според првите информации, повеќе луѓе се ранети во пукањето околу 9 часот наутро по локално време. Еден вработен на Твитер објави фотографија на која се гледа човек кој лежи со крв со прострелна рана на главата. Повеќе информации се очекуваат наскоро.

Мареј и Азaренка добија специјални покани за Синсинати

Дарко Андоновски — Fri, 27 Jul 2018 14:24:48 +0000

Британскиот тенисер Енди Мареј и Белорусинката Викторија Азaренка добија специјални покани од организаторите на тенискиот турнир во Синсинати. Мареј по речиси една година отсуство поради повреда на колкот падна на 838-то место на АТП листата. Тој во меѓувреме се врати на натпреварувањата, но сепак одлучи да се откаже од Вимблдон поради физичка неподготвеност. Британскиот тенисер смета дека ќе биде во вистинската форма за турнирот во Синсинати. И Азаренка, која овој турнир го освои во 2013 година, беше принудена да ја запостави својата кариера, откако водеше судски процес за старателството на двегодишниот син. Турнирот во Синсинати почнува на 11 август, а се очекува покани да добијат уште тројца тенисери и четири тенисерки. Тие се издаваат на играчи, кои се враќаат на терен по повреда или отсуство од друга причина, но не и по допинг.