синтетичка дрога – Kurir.mk

Нов вид силна синтетичка дрога и се заканува на Европа

Ивона Петрова — Wed, 27 Sep 2023 09:10:19 +0000

Европската унија мора да се подготви за нагло зголемување на синтетичката дрога фентанил, изјави европската комесарка за внатрешни работи Илва Јохансон за Политико. Ова е реакција на предупредувањето на американскиот државен секретар Ентони Блинкен дека Европа или се уште не открила проблем со синтетичките дроги или наскоро ќе открие. Фентанил е синтетичка дрога која се проценува дека е 50 пати посилна од хероинот и е причина за смртта на десетици илјади Американци кои умираат од предозирање секоја година. На настан на маргините на Генералното собрание на Обединетите нации за заканите по здравјето и безбедноста од синтетичките дроги, американскиот претседател Џо Бајден ги повика сојузниците сериозно да ги сфатат заканите од фентанил, рече Јохансон. - Тоа е проблем што го имате, само што сè уште не го знаете тоа или е проблем што ќе го имате наскоро, и рекол Блинкен на Јохансон во разговор за синтетичките дроги

Во Мароко запленети повеќе од два милиони таблети синтетичка дрога „каптагон“

Катерина Бојаџиева — Fri, 04 Nov 2022 21:14:01 +0000

Мароканската полиција денеска соопшти дека запленила повеќе од два милиони таблети „каптагон“, синтетичка дрога од семејството амфетамини. Акцијата на заплената била изведена во пристаништето Тангер, на северниот брег на Мароко. Дрогата била скриена во товарен контејнер на брод што допловил од Либан, со крајна дестинација држава во западниот дел на Африка. Запленети се точно два милиони и 18.500 таблети каптагон. Во Мароко, кој е познат по производство и илегална трговија со производи од канабис, ретки се заплените на амфетамини. „Каптагон“ стана познат на Блискиот Исток последните неколку години. Тој вид дрога ја користат припадниците на Исламската држава, бидејќи амфетамините како активни психостимуланти ја ублажуваат физичката болка и даваат чувство на бестрашност.

Во Мексико запленети 1,5 тони синтетичка дрога

Ивона Петрова — Fri, 12 Aug 2022 08:56:13 +0000

Припадници на мексиканската армија открија и запленија околу 1,5 тони синтетичка дрога метамфетамин и 149 килограми фенталин во прав на контролниот пункт во северната погранична сојузна држава Сонора. Дрогата е пронајдена откако Министерството за одбрана добило информација дека камион што превезувал сок во прав исто така транспортира дрога. Мексиканските картели често ги информираат властите за транспортот на наркотици на ривалските банди.

Откриена најголемата и најпрофесионалната нелегална лабораторија за синтетичка дрога- еве во која земја

Катерина Бојаџиева — Sat, 31 Jul 2021 17:43:54 +0000

На југот на Холандија, полицијата ја откри најголемата и најпрофесионалната нелегална лабораторија за производство на синтетичка дрога метамфетамин, откриена досега во земјата. Според полицискиот извештај, дешифрирањето на пораките од шифриран разговор им помогнало на органите на прогонот да стигнат до криминалците. Лабораторијата за наркотици е сместена во две магацини лоцирани во близина на селото Недерверт во провинцијата Лимбург. Има капацитет да произведува до 100 кг метамфетамини дневно. Приходите од прометот на таков обем може да достигнат еден милион евра, објави Дојче веле. На самото место е приведен 62-годишен полски државјанин. Полицијата не исклучува дека во блиска иднина може да има и други притвори. Поради нејзината големина, демонтажата на лабораторијата се очекува да заврши во наредните денови. Се уште не е познато кога почнала да работи илегалната лабораторија.