Владетелот на Кувајт го отпушти својот син од Владата

Тале Кристо — Mon, 18 Nov 2019 18:13:26 +0000

Владетелот на Кувајт, емирот Сабах ал-Ахмад ал-Сабах, денеска го разреши неговиот син и уште еден министер во владата по нивните јавни меѓусебни обвинувања за корупција и му нареди на премиерот да состави нова влада. Емирот Сабах тоа го нареди само неколку дена откако Владата поднесе оставка поради истрага во друг случај. Премиерот Џабер ал-Мубарак ал Сабах, кој е на функцијата од 2011 година, побара од шефот на државата да го ослободи од должноста за формирање нова влада. Монархот го отпушти и неговиот син Насер ал-Сабах, министер за одбрана и министерот за внатрешни работи Халед ал Сабах, кој јавно меѓусебно се обвинија. Насер ал Сабах изјави дека открил оти биле проневерени 790 милиони американски долари во времето кога сегашниот министер за внатрешни работи бил министер за одбрана. Шеикот Насер сака неговиот претходник на функцијата министер за одбрана и пет други високи функционери во Министерството да бидат обвинети за наводна проневера. Денеска се очекува и обраќање на емирот. Редовните парламентарни избори во Кувајт треба да се одржат за една година. Министерството за правда им забрани на локалните медиуми да известуваат за случајот за проневера. Се наведува дека судењето ќе биде затворено за јавност и оти никакви информации поврзани со тоа не треба да бидат откриени во медиумите, без разлика дали се традиционални или на социјалните мрежи. Насер ал-Сабах не е во редот за наследници на престолот, но неговото назначување за министер за одбрана го привлече вниманието затоа што тоа се случи откако саудискиот крал Салман го назначи својот син Мохамед бин Салман за министер за одбрана пред да го смени редоследот за наследување и го прогласи за престолонаследник.

УЕФА го суспендира Сион

Ивона Петрова — Tue, 17 Apr 2018 07:00:48 +0000

Европската фудбалска федерација (УЕФА) донесе одлука да го казни швајцарскиот клуб Сион со суспензија на една година од европските клупски натпреварувања. Казната е поради прекршување на правилата на УЕФА за лиценцирање, објавија од УЕФА. Сион не пријавил дека должи 950 илјади евра на францускиот тим Сошо при поднесувањето на документите за учество во Лига Европа оваа сезона. Клубовите не можат да учествуваат во евро-куповите ако имаат обврски кон други тимови. Покрај забраната за учество, швајцарскиот клуб е казнет и со 235.000 евра. Од УЕФА прецизираа дека раководството на Сион допуштило административна грешка и не веруваат дека тоа е намерно направено.

Сион – Kurir.mk

Владетелот на Кувајт го отпушти својот син од Владата

УЕФА го суспендира Сион