ПРВАТА ДАМА НА ТУРЦИЈА ГИ ПОСЕТИ НАЈМАЛИТЕ СИРАЧИЊА – откако дозна дека родителите на овие бебиња загинале нареди да се земат веднаш со претседателскиот авион

Дарко Андоновски — Thu, 09 Feb 2023 11:35:43 +0000

Турскиот претседателски авион превезе 16 бебиња од Кахраманмарас кои го преживеаја земјотресот, јавува Anadolu Agency. За жал, по разорниот земјотрес останаа без родители. Нивниот идентитет не е познат, а се работи за бебиња на возраст до една година. Откако авионот слетал на аеродромот Есенбога, бебињата биле прифатени од претставници на Министерството за семејство и социјална заштита и префрлени во градската болница во Етлик.

Полска ќе прими 2.000 украински сирачиња

Магдалена Андонова — Tue, 01 Mar 2022 19:55:25 +0000

Католичката хуманитарна организација Каритас Полска соопшти дека ќе прими 2.000 деца од украинските сиропиталишта. Првата група од 300 деца се очекува да пристигне утре. – На нашите источни соседи им се заканува хуманитарна катастрофа која брзо се приближува. Одлучивме да одговориме на кризата во Украина и да обезбедиме засолниште за најранливите во нашата земја, изјави денеска директорот на полскиот Каритас, Марцин Изицки. Децата ќе доаѓаат главно од сиропиталишта во источна Украина, која е најтешко погодена од рускиот напад врз земјата. Првата група ќе биде однесена во Ополе и Честохова во јужниот дел на Полска и ќе биде сместена во хуманитарни центри и верски институции. Повеќе од 660.000 луѓе ја напуштија Украина откако Русија ја започна својата инвазија минатиот четврток, а се проценува дека уште еден милион се раселени во државата. ОН предупредија на хуманитарна криза и повикаа на итна помош од 1,7 милијарди долари, проценувајќи дека околу 12 милиони луѓе ќе имаат потреба од поддршка во Украина. (МИА)

сирачиња – Kurir.mk

ПРВАТА ДАМА НА ТУРЦИЈА ГИ ПОСЕТИ НАЈМАЛИТЕ СИРАЧИЊА – откако дозна дека родителите на овие бебиња загинале нареди да се земат веднаш со претседателскиот авион

Полска ќе прими 2.000 украински сирачиња