сирени – Kurir.mk

Сирени за можен ракетен напад се огласија во Галилеја

Тале Кристо — Sun, 15 Oct 2023 11:19:00 +0000

По мирната ноќ низ Израел, во раните утрински часови се огласија сирените за можен ракетен напад врз градот Галилеја, јавуваат израелските медиуми. Израелските одбранбени сили соопштија дека се огласиле сирени за предупредување за ракетен напад во заедницата Сде Елиезер, во пошироката област Галилеја, додека израелскиот систем за воздушна одбрана „Железна купола“ лансирал проектил откако открил „сомнителна цел“, наведува „Тајмс оф Израел“. Сирените беа активирани по неколку часа без предупредување, но во услови на широко распространети стравувања дека либанската шиитска, проиранска организација Хезболах би можела да се приклучи на конфликтот меѓу Израел и Хамас еден ден откако минофрлачки гранати беа истрелани од Либан и ракети од Сирија.

ВИДЕО: Сирени и силни експлозии над Тел Авив, борбите против Хамас продолжуваат на 22 места низ Израел

Ивона Петрова — Sat, 07 Oct 2023 17:55:22 +0000

Сирени и повеќе од десетина експлозии беа регистрирани вечерва во Тел Авив, јави Си-Ен-Ен кои имаат свои дописници во градот. Не е јасно дали силните експлозии биле пресретнување на израелските противракетни системи или звук од ракети од милитантите на Хамас што погодиле цели во градот. Борбите меѓу Хамас и израелските сили продолжија и во вечерните часови, соопшти израелската армија, по големиот напад на палестинската екстремистичка организација од Појасот Газа, што предизвика одмазднички напади на Израел, јави ДПА.

The Iron Dome of Israel defence neutralising missiles fired from Gaza.
Iron Dome can detect and intercept incoming missiles, providing a crucial layer of protection for Israeli civilians against rocket attacks from Gaza. pic.twitter.com/RTUazEtzBo — BALA (@erbmjha) October 7, 2023

„Се бориме на 22 места“, рече воениот портпарол Даниел Хагари. „Нема место во јужен Израел каде што немаме сили“, додаде тој. „Има села што се исчистени од терористи, но сакаме да завршиме дополнително истражување на областа пред да го објавиме тоа“, додаде Хагари. Тој исто така рече дека имало „заложнички ситуации“ во местата Офаким и Беери. „Таму има специјални сили со високи команданти и се уште има престрелки. Ние сме во војна“, додаде тој. Има блокади на патиштата во сите области.

Today, Israel is burning, and what happened today in Israel may soon happen in your neighborhood. To prevent this, it's crucial to remove illegal radical Islamists from your country and stop providing shelter to them. pic.twitter.com/vTCQRPX4Lw
— BALA (@erbmjha) October 7, 2023

Хагари предупреди дека се шират многу лажни вести за борбите. Во меѓувреме, израелски воздушен напад срамни висококатница во центарот на Газа. Во 14-катницата живееле десетици семејства. Но, во објектот имало и канцеларии поврзани со групите Хамас и Исламски џихад. Израел ги предупреди жителите 10 минути пред да ја урне зградата, која беше евакуирана. Немаше повредени. Абу Обеида, портпарол на военото крило на Хамас, вети остар одговор. „Тел Авив мора да застане на една нога и да го чека нашиот шокантен одговор“, рече тој. Лидерот на палестинската исламистичка група Хамас, Исмаил Ханија им порача на арапските земји дека Израел не може да им обезбеди никаква заштита. Во денешниот говор Ханија рече и дека палестинските вооружени фракции имаат намера да ги прошират тековните борби во Газа и да ги прошират на Западниот Брег и Ерусалим. „Битката се пресели во срцето на „ционистичкиот естаблишмент“, изјави тој.

Rockets from Gaza hit Israel. Atleast 2 Israeli citizens seriously injured in Tel aviv Retweet If You Supporting Israel 👇#Israel_under_attack॥ #Gaza॥ #Hamas ॥ #Israel ॥ #hamasattack ॥ #Palestinian pic.twitter.com/yAoMfgtiAG
— RISHI🇮🇳 (@ViratxSalman) October 7, 2023

Палестинската министерка за здравство Мај Ал-Кајла денеска прогласи вонредна состојба во сите палестински болници. Таа издала наредба до Министерството да ги снабдуваат болниците со потребните медицински материјали, лекови и крвни единици, пишува арапскиот весник „Ал Хајат“. Министерката истакна дека „сите болници на Западниот Брег се подготвени да ги примат ранетите од Појасот Газа. Палестинското Министерство за надворешни работи и иселеници денеска соопшти дека прекинот на израелската окупација на палестинските територии е единствената гаранција за мирот, безбедноста и стабилноста во регионот.

Во цела Украина се огласија сирени за опасност од напад од воздух

Ивона Петрова — Wed, 28 Dec 2022 10:33:34 +0000

Сирените за воздушен напад се огласија во сите региони на Украина, соопштија официјални лица. И на официјалниот канал на Киев на Телеграм е објавено дека во сила е опасност од воздушен напад. Во објавите на украинските социјални мрежи се наведува полетувањето на руските авиони стационирани во Белорусија како причина за општата тревога.

Сирените за воздушен напад се слушаат низ цела Украина

Ивона Петрова — Sat, 17 Dec 2022 14:16:50 +0000

Во сите украински региони се слушаат сирени, кои предупредуваат за воздушни напади, што е показател дека може да претстои нов бран руски бомбардирања. Вчера Киев доживеа значаен ден на удари, со повеќе од 70 проектили испукани врз градот и прекин на снабдувањето со вода и струја. Имаше и напади врз градови во централна и источна Украина, каде беа убиени неколку луѓе. И утрово имаше извештаи за експлозии во Одеса.

„Блиц“: Детонации во Косовска Митровица, се огласија сирените

Ивона Петрова — Tue, 06 Dec 2022 14:49:21 +0000

Во северниот дел на Косовска Митровица пред кусо време одекнале пет детонации, јави српскиот весник „Блиц“. Според извори од терен, детонации се слушнале од правец на улицата Колашинска каде што порано била канцеларијата на изборната комисија. Засега сè уште нема прецизни информации за што се работи и дали се повторува сценариото од Зубин Поток каде пред околу еден час имаше две детонации, информира Блиц. Во Зубин Поток членови на општинската изборна комисија придружувани од косовската полиција по 12 часот насилно влегле во зградата на општина Зубин Поток, поради што граѓаните кои случајно се нашле таму се побуниле. Членови на општинската комисија со асистенција на полициски службеници насилно влегле во просториите на општината, ги искршиле вратите и ги смениле бравите, пред да ја напуштат зградата. Србите ги напуштија сите институции поради постојано неисполнување на одредбите од договорот меѓу Белград и Приштина, а Владата на Албин Курти планира да одржи избори на северот на Косово, пишува „Блиц“.

Наставља се Kуртијев терор над Србима, његови специјалци упали су малопре и у просторије ОИК у Kосовској Митровици, све развалили, полупали, разбацали, покушавајући да инасталирају своје бирачке комисије. Народ је огорчен, али одлучан да не наседа на Kуртијеве провокације! pic.twitter.com/QNwhUJonSg
— Петар Петковић (@PetkovicPetar) December 6, 2022

ВИДЕО: Сирените повторно се огласија, ракетиран Запорожје

Ивона Петрова — Fri, 14 Oct 2022 06:05:18 +0000

Руските сили извршиле уште еден ракетен напад врз градот Запорожје, а во еден од окрузите избувнал пожар, пренесуваат украинските медиуми. Шефот на регионалната воена управа на Запорожје, Олександар Старух, ја потврди информацијата дека во раните утрински часови Русите уште еднаш истрелале ракети кон украинскиот град Запорожје. Старух подоцна појасни дека нападот бил извршен со три ракети од системот „С-300“. Запорожје изминатите неколку дена е меѓу главните цели на руските ракетни напади.

Explosions reported in #Zaporizhzhia.#Ukraine #RussiaUkraineWar #Запорожье pic.twitter.com/4p29kEjQEr
— Pierre Davide Borrelli (@PierreDBorrelli) October 14, 2022

ВИДЕО: Киев повторно нападнат, еве како ечеа сирените во 5 часот утринава

Ивона Петрова — Thu, 13 Oct 2022 06:40:02 +0000

Рано утринава руските сили повторно го нападнаа Киев. Шефот на регионалната воена администрација Олексеј Кулеба истакна дека се напаѓаат разни инфраструктурни објекти Нападите најверојатно се извршуваат со беспилотни летала-камикази, а спасувачките служби се излезени на терен. На социјалните мрежи се појави видео на кое слуша како сирените одекнуваат во Киев во 5 часот утринава и ги предупредуваат граѓаните за воздушен напад.

Air raid sirens sounded across #Maidan square in #Kyiv this morning at 5.00 am. No explosion immediately heard afterwards. And yes it's still a chilling sensation to wake up to this. pic.twitter.com/6jTV9BQM7j
— Daphné Rousseau (@daphnerousseau) October 13, 2022

Зеленски: Сирените за воздушен напад се огласија во речиси цела Украина

Ивона Петрова — Wed, 06 Jul 2022 06:54:55 +0000

Претседателот на Украина, Володимир Зеленски изјави дека синоќа сирените за воздушен напад биле вклучени речиси низ цела Украина и повторно ги повика сојузниците да обезбедат модерни противракетни системи. Тој наведе дека извесен период немало воздушна тревога во Киев некои региони. – Некои луѓе дури се чувствуваа вознемирени поради таквата необична тишина, барајќи објаснување дали Русите се подготвуваа за нешто. Не треба да барате логика во акциите на терористите. Руската армија не застанува, има една задача, да одзема животи, да ги плаши луѓето, па и неколку дена без сирени изгледаат како хорор. Вечерва Киев и речиси цела Украина слушнаа сирени, посочи Зеленски.

Сирени за тревога и експлозии во голем број украински градови

Ивана Ефремовски — Wed, 04 May 2022 18:55:35 +0000

Сирените за тревога се огласија во голем број украински градови – од Лавов на крајниот запад на земјата до Днепар, Черкаси и Запорожје на југоисток. Во последните три града се слушнале експлозии. -Еден проектил го погоди центарот на Днепар и железничката зграда, рече градоначалникот. Украинските железници соопштија дека никој не е повреден во нападот. Бегалците од фабриката за челик Азовстал во Мариупол неодамна пристигнаа во Запорожје, кој исто така е нападнат. (МИА)

Скопјани, не плашете се: Денес ќе се слушаат сирени за тревога, еве што ќе се случува

Катерина Бојаџиева — Sat, 09 Apr 2022 06:53:36 +0000

Припадници на Министерството за внатрешни работи и персоналот од Амбасадата на САД во Скопје денеска ќе изведат заедничка вежба за справување во вонредна ситуација. Од МВР информираат дека како дел од сценариото за вежбата ќе бидат користени сирени за тревога, кои ќе можат да ги чујат и граѓаните на Скопје. Поради реализацијата на вежбата, ќе има и времено затворање на крстосницата во близина на Амбасадата, при што е возможен кус застој на сообраќајот. Вежбата ќе се изведува во објектот на Амбасадата на САД. – Целта на заедничката вежба е поефикасна координација меѓу МВР и Амбасадата на САД при преземање активности за справување со кризни ситуации, се наведува во соопштението на МВР.