сириец – Kurir.mk

ТРАГЕДИЈА: Млад Сириец пронајден мртов во кумановско

Ивана Ефремовски — Mon, 20 Sep 2021 11:20:16 +0000

Во близина на кумановското село Табановце, пронајден е мртов 20 годишен државјанин на Сирија. На телото нема траги од насилство, соопштија од СВР Куманово. Вчера во 18: 00 часот во СВР Куманово било пријавено дека во близина на брана во село Табановце било пронајдено починато машко лице. -По извршениот увид било утврдено дека се работи за М.Л.(20) од Сирија. Лекар од итна медицинска помош констатирал смрт без траги на насилство, а по наредба на Јавен обвинител телото било подигнато и однесено во капела и по негови насоки дополнително ќе се постапува по случајот, се наведува во соопштението од полицијата.

Во Грција уапсен 27-годишен Сириец член на ИСИС

Магдалена Андонова — Thu, 19 Nov 2020 14:07:14 +0000

Секторот за борба против тероризам на грчката полиција утрово уапси 27-годишен државјанин на Сирија кој се товари за учество во терористичката организација ИСИС, како и за терористички дела и директна помош при убиство, јави дописничката на МИА од Атина. Како што соопштуваат од грчката полиција, Сириецот, кој во Грција дошол на 28 март 2018 година, ги прифатил обвиненијата за кои се товари и ќе биде изведен пред јавен обвинител. По претресот направен делот во бегалскиот камп од отворен тип, каде што престојувал, биле откриени дигитални докази, што дополнително ќе се истражат. (МИА)

Безживотното тело најдено вчера е на Сириец кој имал фалсификувани шпански документи

Дарко Андоновски — Mon, 17 Feb 2020 11:43:06 +0000

Државјанин (32) на Сирија е човекот чие безживотно тело беше најдено вчера на Шар Планина над селото Вејце на пат кон планинскот врв Кобилица, соопшти денеска СВР Тетово. Тетовската полиција информираше дека при увидот, било утврдено дека најверојатно станува збор за 32-годишниот сириски државјанин М.Р., кој поседувал фалсификувани документи на име на друго лице од Шпанија, а кој на 28 декември минатата година во СВР Тетово бил пријавен како исчезнат. – Вчера околу 11:00 часот, планинар од тетовско планинарско друштво, кое се движело на тој терен, во СВР Тетово пријавил дека над тетовското село Вејце, на патот кон планинскиот врв Кобилица, забележале безживотно машко тело. Потоа екипа од Секторот за внатрешни работи Тетово и лекар по судска медицина со хеликоптер на МВР се упатиле на местото и извршиле увид, при што била констатирана смрт без траги на насилство, наведоа од СВР Тетово. По наредба на јавен обвинител, телото на починатиот било пренесено во Институтот за судска медицина во Скопје за обдукција.

Сириец на сред улица во Штутгарт убил маж со меч, случаен минувач снимил сè (ВИДЕО)

Предраг Кукиќ — Thu, 01 Aug 2019 17:15:34 +0000

Во Штутгарт е уапсен 28-годишен Сириец кој на сред улица со меч убил 36-годишен маж, јавуваат германските медиуми. Според Билд, убиецот и убиениот човек биле цимери. Убиениот човек е Германец со казахстанско потекло, а мотивот за убиството засега не е познат. Откако го убил цимерот со меч среде улица, Сириецот избегал од местото на злосторството со велосипед. Случаен минувач снимил сè.

Сириец уапсен во Германија поради планирање терористички напад

Ивона Петрова — Mon, 26 Feb 2018 12:17:39 +0000

Дваесет и осумгодишен Сириец, кој дошол во Германија како бегалец, беше приведен под обвинение дека планирал терористички напад, соопшти денеска германската полиција. Мажот учествувал во сириската граѓанска војна, што започна во 2011 година. Тој во 2015 година дошол како бегалец во Германија, но во 2017 година се вратил во Сирија. Сириецот бил приведен на 20 февруари на аеродромот во Франкфурт, при обидот одново да влезе во Германија со лет од Истанбул. Приведениот е обвинет дека е член на терористичка организација. Се претпоставува дека тој се зачленил во исламиситчката група Ахрар ал Шам во 2013 или во 2014 година. Повеќе детали за приведувањето и за неговите терористички планови не се соопштени.