сиријци – Kurir.mk

Сиријци ограбени во кумановско

Тале Кристо — Mon, 01 Aug 2022 09:46:11 +0000

Петмина сиријци пријавиле во кумановската полиција дека биле ограбени во околината на село Четирце, соопшти денеска полицијата. Вчера, во 21:45 часот, случајот го пријавил 21 годишниот М.З.А.Г.(21) од Сирија. – Тој пријавил дека околу 18.00 часот во село Четирце, кумановско, тој и уште четири други лица, исто така од Сирија, биле физички нападнати од неколку машки лица кои им одзеле пари и други предмети, соопшти полицијата. СВР Куманово презема мерки за расчистување на случајот.

Би-Би-Си: На Сиријци им се нудат 5.000 фунти месечно за да се борат за Русија

Катерина Бојаџиева — Wed, 30 Mar 2022 08:37:46 +0000

На сириски борци им се нудат 5.000 фунти месечно, за да се борат на линијата на фронтот од руска страна, во војната против Украина, дознава Би-Би-Си. Еден сириски борец кој доброволно се пријавил да се бори, во изјава за британскиот јавен сервис изразил верување дека Русија врши масакр во Украина, но, како што појаснува, „им помага на сиромашните Сиријци, кои не можат да си дозволат храна“. Тој се пријавил доброволно поради парите. Му било кажано дека неговото семејство ќе добие 37.000 фунти доколку тој загине. Медиумот додава и дека, според украинската Влада и водечка сириска невладина организација, во Сирија се поставени 14 центри за регрутирање борци.

Уапсени две лица во Грција со речиси пет илјади наркотични таблети

Тале Кристо — Mon, 06 Jul 2020 14:22:24 +0000

Грчката полиција утрово уапси две лица, кои нелегално, преку реката Еврос, од Турција влегле во Грција и пренеле 489 грама канабис и 4.925 наркотични таблети. Дрогата била запленета, а уапсените биле изнесени пред јавен обвинител. Според грчките медиуми станува збор за таблетите „Каптагон”, познати како „таблети на Џихадистите”, а уапсените лица се од Сирија. (МИА)

Ердоган: 400.000 Сиријци од Идлиб се движат кон Турција

Тале Кристо — Fri, 24 Jan 2020 17:07:15 +0000

Турскиот претседател Реџеп Тајип Ердоган на денешната прес-конференција со германската канцеларка Ангела Меркел изјави дека околу 400.000 луѓе од северозападната сириска провинција Идлиб се движат кон турската граница поради обновените напади од сириските владини сили. Турски хуманитарни групи почнаа со изградба на повеќе од 10.000 куќи во Идлиб за да го засолнат растечкиот број лица раселени од борбите, додека Турција се обидува да спречи нов бран мигранти преку нејзината граница. Ердоган рече дека Меркел му нагласила оти Германија може да обезбеди одредена поддршка за тие планови.

Речиси 200 илјади Сиријци се вратиле во татковината од Турција

Ивона Петрова — Sat, 12 Jan 2019 08:10:22 +0000

Околу 200.000 Сиријци мигранти се вратиле во државата по престој во Турција. Тоа го изјави Атај Услу, пратеник на владејачката Партија на правдата и развојот и претседател на Комисија за миграција и адаптација при турскиот Парламент. Според него, се очекува вкупно околу 60-70 отсто од Сиријците кои се во Труција да се вратат во својата татковина. Тој додаде дека политиката на Турција кон сириските мигранти е насочена кон тоа прво да биде гарантиран мир во Сирија и тие да може да се вратат мирно во домовите од кои биле прогонети за ради војната. Најголем број Сиријци се вратиле дома во регионите Џераблус, Африн и Ал Баб кои се прочистени од терористите во операцијата на турската армија. МИА

Албанија: Годинава азил побарале 4.095 Сиријци

Ивона Петрова — Mon, 24 Dec 2018 06:27:05 +0000

Во текот на ова календарска година евидентиран е рекорден број поднесени барања за азил од страна на државјани на Сирија. Според официјалните податоци, барање за азил поднеле 4.095 Сиријци, наспроти лани кога тој број изнесувал 307. -Тие во Албанија гледаат безбедна земја за да живеат, поаѓајќи и од верската толеранција по која е позната Албанија. Во Центарот за азил има многу млади, кои високо ја ценат Албанија,но поради различни причини, сепак, не е земја во која би останале. Но, не е мал бројот на оние кои до крајот на животот би останале во Албанија, зашто тука, како што велат, не ги гледаат како бегалци туку како луѓе,пренесува тиранската телевизија „Клан“. Азилантите велат дека во Албанија биле добро примени, за разлика од други европски земји кои ги затвориле границите. Затворањето на балканската рута која минуваше од Босна и Херцеговина и Унгарија го зголеми бранот бегалци кои минуваат низ Албанија. Така, на територијата на Албанија годинава се откриени повеќе илјади илегални мигранти, главно од Сирија, но и од палестинските територии и Пакистан. Но,се верува дека бројот на мигрантите кои го продолжиле патот кон некоја западно европска земја е многу поголем.

Во Албанија за осум месеци азил побарале 3.000 Сиријци

Ивона Петрова — Wed, 07 Nov 2018 11:54:49 +0000

Сириските државјани стануваат се побројни подносители за азил во Албанија, јави дописникот на МИА. Според претставникот на УНХЦР, Пабло Запата, во периодт јануари-август годинава за азил аплицирале 3.000 Сиријци, за разлика од лани кога во текот на целата година имало 307 апликации. – Илјадници бегалци од Сирија ја преплавија Албанија. Извори од мисијата на ЕУ во Тирана го нарекоа овој феномен злоупотреба на системот за азил, додека од Министерството за внатрешни работи велат дека има повеќе од 500 вистински баратели на азил чии апликации се разгледуваат, наведува тиранската телевизија Топ чанел. Истиот извор додава дека албанските власти се плашат оти заострените европски политики за приливот на бегалци ќе донесат бескрајна неизвесност за оние што се во моментов во Албанија. – Албанија нема капацитет да прими голем број баратели на азил и да обезбеди услуги според стандардите на ЕУ. Затоа нам ни е неопходна помош од ЕУ, албанската заменик-министерка за внатрешни работивели Ровена Вода . Инаку, на територијата на Албанија годинава за осум месеци се откиени се неколку илјади илегални мингранти, главно од Сирија, но и од палестинските територии и Пакистан. МИА

Од Либан од почетокот на 2018 се вратиле 50.000 Сиријци

Матеја Петровски — Tue, 25 Sep 2018 14:40:33 +0000

Од Либан, од почетокот на годината, се вратиле 50.000 Сиријци дома, а бројот на повратници за година дена би можел да достигне 200.000, доколку Сиријците продолжат да се враќаат со ова темпо, изјави денеска висок либиски претставник. Началникот на директоратот за Генерална безбедност Абас Ибраим рече дека неговата безбедносна агенција организирала враќање на 25.000 Сиријци во соработка со Дамаск. Уште 25.000 сириски бегалци се вратиле дома во сопствена организација. Порачувајќи дека Либан не може да прими број на бегалци кој е ист со четвртина либиско население, политичарите на таа земја ги повикуваат сириските бегалци да се вратат дома во моменти кога сирискиот претседател Башар ал- Асад го враќа под контрола на својата влада поголемиот дел на земјата. (Миа)

Израел не пушти десетици Сиријци, кои бегаа од офанзивата на провладините сили

Матеја Петровски — Tue, 17 Jul 2018 14:17:41 +0000

Десетици Сиријци се доближија денеска до израелската гранична ограда на Голанската висорамнина, барајќи помош или засолништре од офанзивата на сириската армија, но се вратија по предупредувањето од израелските војници. Десетици илјади Сиријци се собраа во последниот месец блиску до границата со израелскиот дел од Голанската висорамнина, бегајќи од провладината офанзива против бунтовниците, опфаќајќи широка територија во близина на Јордан и Израел. Офанзивата предизвика најголем бран бегалци од почетокот на конфликтот, протерувајќи стотици илјади Сиријци од своите домови. Минатата недела ОН соопшти дека речиси 160.000 Сиријци избегале во провинцијата Кунеитра. И Јордан и Израел веќе предупредија дека нема да дозволат Сиријците да преминат на нивната територија. Израел, кој го зазеде Голан во Блискоисточната војна од 1967 година, обезбедува хуманитарна помош за бегалците во кампови во близина на израелско-сириската граница од 1974 година. Многу бегалци најдоа засолниште во тампон зоната, набљудувана од силите на ОН. (Миа)