сириска армија – Kurir.mk

Американски хеликоптери нападнаа контролен пункт на сириската армија во североисточна Сирија

Тале Кристо — Mon, 17 Aug 2020 10:51:37 +0000

Американските ВВС со два хеликоптера извршија воздушни напади врз позиции на сириската армија. Сириската државна телевизија јави за воздушни напади на американските воени сили врз позициите на војската на Башар ал Асад јужно од градот Камишли. Еден војник е убиен, а двајца други се повредени. Според сириската опсерваторија за човекови права, двајца сириски војници се убиени во нападот. Засега нема коментар од Вашингтон. Војниците биле нападнати откако спречиле американска воена патрола да мине низ областа. Нападот се случи југоисточно од Камишли, град близу сириско-турската граница.

Сириската армија за првпат по седум години има целосна контрола врз Дамаск

Дарко Андоновски — Mon, 21 May 2018 14:26:33 +0000

Сириската армија соопшти дека вопоставила целосна контрола врз главниот град Дамаск и околината, за првпат од почетокот на конфликтот пред повеќе од седум години. Во соопштение прочитано на државната телевизија, Владата објави дека по едномесечна кампања целосно го зазела палестинскиот бегалски камп Јармук и квартот Хаџар ал Асуад во јужен Дамаск, делови кои беа под опсада на членови на „Исламска држава“. - Сириската престолнина и нејзината околина се целосно безбедни, увери армијата. Во последните судири околу Јармук загинаа повеќе лица од страната на сириските владини сили, и кај џихадистите, и е нанесена сериозна материјална штета на кампот и на околните станбени населби.

Сириската армија за првпат по седум години има целосна контрола врз Дамаск

Ивона Петрова — Mon, 21 May 2018 13:20:43 +0000

Сириската армија соопшти дека има целосна контрола над главниот град Дамаск и околината, за првпат од почетокот на конфликтот пред повеќе од седум години.

Израелските сили гаѓаа позиции на сириската армија крај Дамаск

Ивона Петрова — Wed, 09 May 2018 06:18:16 +0000

Израел синоќа гаѓаше позиции на Армијата на Сирија во близина на Дамаск, но сириската противвоздушна одбрана пресретна и уништи две ракети, јавија сириските државни медиуми. Според истите извори, нападот бил извршен во село во околината на Кисвех, јужно од Дамаск, каде се наоѓаат неколку сириски воени база. Извори во сириската Армија соопштија дека цел на нападите биле армиски позиции, но дека при тоа загинале двајца цивили - маж и неговата сопруга. Нападот се случил околу еден час по одлуката на американскиот претседател Доналд Трамп за повлекување на САД од Договорот за иранската нуклеарна програма, при што го нарече Иран „главен извозник на тероризам во регионот“ на Блискиот Исток. Иран е главен сојузник на сирискиот претседател Башар ел Асад во регионот. МИА