сиромаштија – Kurir.mk

Мемети за ТВ 24: Околу 79% од ромското население е во ризик од сиромаштија

Ивана Ефремовски — Tue, 17 Oct 2023 19:39:31 +0000

Алберт Мемети претставник на Ромалитико во емисијата 24 Отворено рече дека ако ја следиме сиромаштијата како тренд, може да се повикаме на истражувањето на агенцијата за фундаментални права и тука имаме лонгитудинално истражување. - Може да се забележи дека по пандемијата се зголеми бројот на сиромашните. Околу 79% од ромското население е во ризик од сиромаштија. Овој тренд е следен повеќе години и има повеќе фактори кои придонесуваат за тоа. Невработеноста, системот на социјална заштита, детската сиромаштија е особено изразена кај ромските деца. 40% од нив се во сиромаштија и секое 4-то дете е погодено од повеќе фактори, вели Мемети.

„ММФ прогнозира двојно повисока инфлација од таа која ја говори Владата- Народот во Македонија тоне во сиромаштија“

Катерина Бојаџиева — Sat, 14 Oct 2023 07:47:26 +0000

СДС се фали со економски резултат кој што е најнизок во регионот. ММФ потврди дека И Косово и Албанија и Црна Гора се пред Македонија, и нивните економии се подобри и за 50% во однос на растот, велат од ВМРО-ДПМНЕ. -Македонија согласно последните проекции ќе има и понизок раст на ДДВ од сите земји во Западен Балкан, а во исто време граѓаните ќе ги осиромашува и високата инфлација која исто така е една најголемите во Европа. Впрочем за тоа говори и признанието на Битиќи кој кажа дека храната и основните производи во Македонија се поскапени за 46%, додека во Европа пораснале само за 11 %. Ова е уште еден доказ дека кај нас стандардот паѓа 4 пати побрзо отколку во останатите држави. Дека состојбите не се подобруваат како што сака владата да ги престави покажува и прогнозата на ММФ кои кажаа дека Македонија оваа година ќе ја заврши со инфлација од околу 10%, што е речиси двојно повеќе од проекциите на Владата кои се 5,6%. Инфлацијата во Македонија моментално е за 50% повисока од таа во Еврозоната, тоа е јасен показател, дека истата не е увезена, туку последица на неспособноста на Ковачевски. Нема лош резултат во кој Македонија со Ковачевски не е прва, додаваат од партијата.

Мицкоски: Неспособната политика на ДУИ и СДС доведе до ситуација да се зголемува сиромаштијата и граѓаните да се борат како да го поминат месецот

Ивона Петрова — Thu, 12 Oct 2023 11:37:11 +0000

Инфлацијата, и во месецот кој што преставува гордост за владата, е за 50 проценти повисока од онаа во Европската Унија, вели претседателот на ВМРО-ДПМНЕ, Христијан Мицкоски запрашан од новинарите за коментар за инфлација во Македонија и најавеното ново покачување на цените на производите, од теренската активност во општина Аеродром во рамките на кампањата „Важно е! Од тебе зависат промените!“. „Можам да кажам дека неспособната политика на владата на ДУИ и СДСМ, доведе до една ваква ситуација во која што јасни се последиците, а последиците се дека стандардот на граѓаните е драматично намален, граѓаните живеат се полошо, сиромаштијата се зголемува и, практично, од први до први луѓето се борат како да го преживеат месецот“, рече Мицкоски. Мицкоски додаде дека навистина жали што уште неколку месеци ќе бидеме заложници на оваа политика на неспособни и криминални политичари. „За неколку месеци од денес доаѓа влада на ВМРО-ДПМНЕ која што има јасна стратегија, има јасна цел, а тоа е заедно со народот, заедно со граѓаните да работи исклучиво и само за интересите на народот и Македонија како држава“, посочи Мицкоски.

Над 40 отсто од Аргентинците живеат под прагот на сиромаштија

Ивона Петрова — Thu, 28 Sep 2023 06:16:12 +0000

Делот на луѓето кои живеат под прагот на сиромаштија во Аргентина се зголеми на 40,1 отсто, покажуваат најновите статистички податоци во земјата, цитирани од ДПА. Според податоците објавени од националниот Институт за статистика - Индекс, во првата половина на 2023 година дошло до зголемување на процентот на луѓе кои живеат во сиромаштија за 0,9 отсто во споредба со втората половина на 2022 година. Во Аргентина, едно лице се смета за сиромашно ако домаќинството во кое живее не може да си дозволи основни производи за широка потрошувачка. Податоците се објавени само нешто повеќе од три недели пред претседателските избори во Аргентина, забележува ДПА. Втората по големина економија во Јужна Америка е во канџите на тешка финансиска и економска криза. Инфлацијата е 124 отсто, курсот на националната валута, пезосот, е во слободен пад, а планината од долгови продолжува да расте. На 22 октомври Аргентинците ќе изберат наследник на левичарскиот претседател Алберто Фернандез. Либертаријанскиот популист Хавиер Мили, за кој се вели дека е идеолошки близок со поранешниот бразилски претседател Жаир Болсонаро и поранешниот американски претседател Доналд Трамп, победи на прелиминарните избори, а владејачкиот перонистички табор ќе го претставува министерот за економија Серхио Маса.

Европејците стануваат посиромашни

Катерина Бојаџиева — Wed, 26 Jul 2023 07:22:29 +0000

Просечна држава во ЕУ е посиромашна по глава на жител од секоја американска држава освен Ајдахо и Мисисипи, според извештајот овој месец на „Европскиот центар за меѓународна политичка економија“, независен тинк-тенк со седиште во Брисел. Ако продолжи сегашниот тренд, до 2035 година јазот меѓу економското производство по глава на жител во САД и ЕУ ќе биде исто толку голем како оној меѓу Јапонија и Еквадор денес, се вели во извештајот. „Да, на сите ни е полошо“, се жалат Европејците. Стареењето на населението кое го цени своето слободно време постави терен за економска стагнација. Потоа дојде „Ковид-19“ и војната на Русија во Украина. Европејците се соочуваат со нова економска реалност, каква што не ја доживеале со децении. Тие стануваат посиромашни. Животот на континентот на кој странците долго му завидуваат поради неговата уметност, брзо го губи својот сјај додека Европејците гледаат дека нивната куповна моќ се топи. Французите јадат помалку деликатесна паштета и пијат помалку црвено вино. Шпанците штедат маслиново масло. Финците се повикуваат да користат сауни во ветровити денови кога енергијата е поевтина. Низ Германија, потрошувачката на месо и млеко падна на најниско ниво во последните три децении, а некогаш растечкиот пазар на органска храна падна. Италијанскиот министер за економски развој, Адолфо Урсо, свика кризен состанок во мај поради цените на тестенините, омилениот главен производ во земјата, откако тие скокнаа за повеќе од двојно од националната стапка на инфлација. Со потрошувачката во слободен пад, Европа западна во рецесија на почетокот на годината, засилувајќи го чувството на релативен економски, политички и воен пад што започна на почетокот на векот. Тековната неволја на Европа одамна се создава. Стареењето на населението со претпочитање за слободно време и сигурност на работното место пред заработка, воведе години на слаб економски и раст на продуктивноста. Потоа дојде еден-два удар на пандемијата Ковид-19 и долготрајната војна на Русија во Украина. Со попречувањето на глобалните синџири на снабдување и покачувањето на цените на енергијата и храната, кризите ги влошија болестите што гноеја со децении. Одговорите на владите само го влошија проблемот. За да ги зачуваат работните места, тие ги насочија своите субвенции првенствено на работодавците, оставајќи ги потрошувачите без парична перница кога дојде ценовниот шок. Во минатото, застрашувачката извозна индустрија на континентот можеби дојде на помош. Но, бавното закрепнување во Кина, критичен пазар за Европа, го поткопува тој столб на раст. Високите трошоци за енергија и неконтролираното ниво на инфлација на ниво кое не е забележано од 1970-тите, ја намалуваат ценовната предност на производителите на меѓународните пазари и ги разбиваат некогашните хармонични работни односи на континентот. Како што заладува глобалната трговија, големото потпирање на Европа од извозот - кој сочинува околу 50% од БДП на еврозоната наспроти 10% за САД - станува слабост. Приватната потрошувачка е намалена за околу 1% во 20-члената еврозона од крајот на 2019 година по прилагодувањето на инфлацијата, според Организацијата за економска соработка и развој, клуб со седиште во Париз на главно богати земји. Во САД, каде што домаќинствата уживаат силен пазар на труд и зголемени приходи, тој е зголемен за речиси 9%. Европската унија сега отпаѓа на околу 18% од целокупното трошење на глобалната потрошувачка, во споредба со 28% за Америка. Пред 15 години, ЕУ и САД претставуваа околу една четвртина од тој вкупен износ. Прилагодени за инфлацијата и куповната моќ, платите се намалија за околу 3% од 2019 година во Германија, за 3,5% во Италија и Шпанија и за 6% во Грција. Болката допира далеку до средните класи. Во Брисел, еден од најбогатите европски градови, наставниците и медицинските сестри застанаа во ред неодамнешната вечер за да соберат намирници по половина цена од задниот дел на камионот. Продавачот, Happy Hours Market, собира храна блиску до нејзиниот рок на траење од супермаркетите и ја рекламира преку апликација. Клиентите можат да нарачаат во раните попладневни часови и да ги подигнат своите поевтини намирници во вечерните часови. „Некои клиенти ми велат, поради тебе можам да јадам месо два или три пати неделно“, рече Пјер ван Хеде, кој делеше гајби со намирници. Пропадна трошењето за скапи намирници. Германците консумирале 52 килограми месо по лице во 2022 година, околу 8% помалку од претходната година и најниско ниво од почетокот на пресметките во 1989 година. Според Федералниот информативен центар за земјоделство, Германците исто така го заменуваат месото како говедско и телешко за поевтино, како што е живината. Слабите трошоци и лошите демографски изгледи ја прават Европа помалку привлечна за бизнисите, почнувајќи од гигантот за широка потрошувачка Procter & Gamble до луксузната империја LVMH, кои прават сè поголем дел од нивната продажба во Северна Америка. „Американскиот потрошувач е поотпорен отколку во Европа“, главниот финансиски директор на Унилевер, Гра. еме Питкетли, рече во април. Економијата на еврозоната порасна за околу 6% во изминатите 15 години, мерено во долари, споредено со 82% за САД, според податоците на Меѓународниот монетарен фонд. Тоа ја направи просечната земја на ЕУ посиромашна по глава на жител од секоја американска држава, освен Ајдахо и Мисисипи, според извештајот овој месец на Европскиот центар за меѓународна политичка економија, независен тинк-тенк со седиште во Брисел. Ако продолжи сегашниот тренд, до 2035 година јазот меѓу економското производство по глава на жител во САД и ЕУ ќе биде исто толку голем како оној меѓу Јапонија и Еквадор денес, се вели во извештајот. Слабиот раст и зголемените каматни стапки ги оптоваруваат дарежливите социјални држави во Европа, кои обезбедуваат популарни здравствени услуги и пензии. Европските влади сметаат дека старите рецепти за решавање на проблемот или стануваат недостапни или престанале да функционираат. Три четвртини од билион евра во субвенции, даночни олеснувања и други форми на олеснување отидоа кај потрошувачите и бизнисите за да ги надоместат повисоките трошоци за енергија - нешто што економистите велат дека сега самото ја поттикнува инфлацијата, поразувајќи ја целта на субвенциите. Кратењата на јавните трошоци по глобалната финансиска криза ги изгладнуваа европските здравствени системи финансирани од државата, особено Националната здравствена служба на Велика Британија. Хју Пил, главен економист на Банката на Англија, ги предупреди граѓаните на Велика Британија во април дека треба да прифатат дека се посиромашни и да престанат да се залагаат за повисоки плати. „Да, на сите ни е полошо“, рече тој, велејќи дека обидот да се компензира растот на цените со повисоки плати само ќе поттикне поголема инфлација. Со оглед на тоа што европските влади треба да ги зголемат трошоците за одбрана и со оглед на зголемените трошоци за задолжување, економистите очекуваат даноците да се зголемат, што ќе додаде притисок врз потрошувачите. Даноците во Европа се веќе високи во однос на оние во другите богати земји, што е еквивалентно на околу 40-45% од БДП во споредба со 27% во САД. WSJ

Една петтина од основците живеат во сиромаштија

Тале Кристо — Mon, 26 Jun 2023 14:54:13 +0000

Една петтина од децата во основните училишта живеат во сиромаштија. Во некои од училиштата тоа се 50% од децата, некаде се 10%, но и да е едно, тоа заслужува внимание какво што му е потребно, вели Елена Мишиќ, раководителката на проекот чија цел е подобрување на состојбите во образованието, а кој денеска беше презентиран на Факултетот за образовни науки при Универзитетот „Гоце Делчев“-Штип. Таа додава дека училишните практики во однос на децата кои покажуваат послаби резултати се развиваат. - Она што загрижува е што децата од тие најсиромашни групации, од оној најдолен квинтил покажуваат многу послаби резултати на меѓународните тестирања. Ова е состојба којашто се менува, не е на ниво на цела држава, бидејќи сиромаштијата е од различен вид, може да биде финансиска, отсуство на услуги и можности, може да биде во руралните средини, во помалите градови. Секое училиште се справува со своите предизвици, вели Мишиќ. Посочи дека целта на проектот е поголема вклученост на ранливите групи, но и подобрување на наставниот процес за да може овие деца да ги постигнат истите успеси како оние кои имаат повеќе можности за учење и развивање. -Зборуваме за улогата на дополнителната настава, за индивидуализацијата на наставата да одговори на потребите и стиловите на учење на секое дете. Зборуваме за можности за бесплатен превоз, како тој се реализира, за бесплатни ужинки и други секакви воннаставни мерки и активности на ниво на училиште од типот на хуманитарни акции, од типот на поддршка, врсничка поддршка, наставничка поддршка, подобрување на улогата на родителите, рече Мишиќ. Во Факултетот за образовни науки во Штип денеска се одржа петтиот состанок на Националното тело за развивање политики, на кој присуствуваа претставници од училишта, невладини организации и државни институции.

Евростат: 22 отсто од населението во ЕУ живее ризик од сиромаштија или социјална исклученост

Катерина Бојаџиева — Thu, 15 Jun 2023 08:31:42 +0000

Во 2022 година, 95,3 милиони луѓе во Европската Унија (22% од вкупното население) биле изложени на ризик од сиромаштија или социјална исклученост, односно живееле во домаќинства кои се соочуваат со најмалку еден од трите ризици: сиромаштија, тешка материјална и социјална состојба и живеење во семејства со многу ниска вработеност, објави Евростат. Најмногу луѓе изложени на ризик од сиромаштија или социјална исклученост има во Романија (34%), во Бугарија (32%), Грција и Шпанија (по 26%). Од друга страна, пак, најмалку сиромашни и население во социјален ризик се регистрирани во Чешка (12%), Словенија (13%) и Полска (16%).

ВМРО-ДПМНЕ: Половина милион луѓе живеат во сиромаштија со само 150 денари на ден, Владата им го честита празникот со кршење на работничките права

Ивана Ефремовски — Mon, 01 May 2023 08:51:26 +0000

Овој 1 Мај Владата им го честита со закон за зголемување на работната недела, со минимална плата која не се почитува, со кршење на работничките права. Македонија последните 5 години ги живее во мизерија, пред се од економска, но и од гледна точка на сигурност и иднина. Ова прашање не може да ги одбегне моментите на иселување на работната сила, немањето ниту една нова странска инвестиција, немање на новоотворени работни места, работници кои немаат земено плата, инфлацијата која расте, цените кои се во незапирлив скок, а државата е во долгови, порачуваат од ВМРО-ДПМНЕ. „Половина милион луѓе живеат во сиромаштија со само 150 денари на ден. Ова прашање оддамна веќе не е прашање за левицата или десницата, туку прашање за човековото право за достоинствен живот. Оттука, лажливите пораки на грижа во Владата, додека нечии права на достоинствен живот се кршат, мора итно да се смени. Работниците и граѓаните заслужуваат поголемо достоинство и грижа, а тоа е единствено можно само преку силна, стабилна и економија кој ќе биде ослободена од притисокот на властите. Потребни се промени за посигурна иднина“ - велат од партијата.

„Половина милион граѓани живеат со 150 денари на ден, а власта зголемува плати на функционери додека народот страда“

Дарко Андоновски — Sun, 02 Apr 2023 07:53:46 +0000

Половина милион граѓани живеат со 150 денари на ден, а власта зголемува плати на функционери додека народот страда, ова денеска преку соопштение до јавноста го истакнуваат од ВМРО-ДПМНЕ. „Економијата и граѓаните очекуваат мерки и политики за развој, а не покачување на плати за функционери. Македонија има највисока инфлација во регионот и на врвот во Европа, а власта се што прави е замрзнување на цените на макароните или лебот, сите мерки се презадоцнети, народот плати превисока цена. Падот на реалната плата е повеќе од 3%, а власта се фали дека покачила плати на работниците, велат од партијата. Од таму додаваат дека со СДС народот од ден во ден е се посиромашен. Тоа што пред година дена можеше да се купи со 500 денари, сега не може ниту со 1.000 денари.

Растат трошоците на живот, во Македонија се потешко се живее

Ристе Здравков — Tue, 14 Feb 2023 14:39:59 +0000

Трошоците на живот во јануари се зголемиле за 17,1 процент во однос на истиот период лани, а цените на мало се пораснале за 13,3 проценти, објави денеска Државниот завод за статистика. Во споредба со декември 2022 година, трошоците на живот се зголемени за 0,1 процент, а цените на мало бележат намалување од 0,4 проценти. Пораст на трошоците на животот има кај кафето, чајот, какаото, рибата и морските плодови, свежото и разладеното овошје, жестоките пијалаци, месото, лебот и житата, прехранбените производи, шеќерот, џемот, медот, чоколадата и кондиторските производи. Зголемување е забележано и кај собирањето смет, весниците, канцеларискиот материјал, електричната енергија, големите електрични апарати за домаќинствата, поправката на апаратите за домаќинствата, стаклените садови, кујнскиот прибор, опремата за спорт, производи за лична хигиена…. Намалување на трошоците на животот во споредба со декември има кај свежиот и разладен зеленчук, освен компирите и другите коренести плодови, кај маслото и виното, како и кај воздухопловниот патнички транспорт, снабдувањето со вода, обувките, горивата, малите електрични апарати за домаќинствата.