сисак – Kurir.mk

Уапсен напаѓачот кој пукаше во Сисак

Тале Кристо — Sun, 02 Jul 2023 07:13:52 +0000

Уапсен е напаѓачот кој синоќа во хрватскиот град Сисак пукаше од калашњиков врз група луѓе, при што едно лице е убиено, а неколкумина се ранети. По пукањето напаѓачот со часови бил во бегство, а нешто по 1 часот по полноќ бил уапсен. -Маж кој е поврзан со пукањето во областа Сисак е уапсен, тој е донесен во службените простории на полицијата и против него ќе се води кривична истрага, соопшти хрватската полиција. Во престрелката е убиена 45-годишна жена, додека четири лица се ранети. Лекарска помош им е укажана во Општата болница Сисак, каде е констатирано дека се тешко повредени. Медицинска помош им била укажана на две лица, меѓу кои и едно дете, кои биле полесно повредени додека бегале. Во наведениот настан целосно опожарени се две семејни куќи и еден автомобил, а делумно опожарени една куќа и еден автомобил, соопшти полицијата. Според хрватските медиуми станува збор за маж на околу 60 години кој имал психички проблеми. Насилникот наводно дошол во куќата на соседот, пукал кон нив и запалил две куќи на соседот. Пукањето се случило во близина на рафинеријата во Сисак. Засега нема официјални информации зошто напаѓачот пукал врз луѓето.

Земјотрес го погоди Сисак: „Целата куќа се тресеше“

Магдалена Андонова — Wed, 02 Nov 2022 11:36:45 +0000

Земјотрес со јачина од 3,9 степени според Рихтеровата скала е регистриран во близина на Сисак, со епицентар на 16 километри југозападно од градот, јавува ЕМСЦ. Земјотресот е регистриран во 11:52 часот. Луѓето кои го почувствувале тресењето велат дека потресот бил прилично почувствуван, пишува Јутарњи лист. - Силно беше. Целата куќа се затресе, кровот затресе, громогласен звук. Ужас! – пишува еден корисник во еден од коментарите на веб-страницата на ЕМСЦ.

Eyewitnesses reported shaking in #Croatia 2 min ago (local time 11:52:22)⚠
More info soon! pic.twitter.com/11HPgN85n1
— EMSC (@LastQuake) November 2, 2022

Друг корисник исто така тврди дека ова било „навистина тежок удар“. - Многу се потресе. Одамна не било вака - пишува третиот корисник. Земјотресот бил почувствуван и во Петриња, каде што луѓето исто така известиле дека „се слушнал силен звук, потоа удар и подолго тресење“. Многу други корисници исто така известуваат дека ударот бил силен.

СИЛЕН ЗЕМЈОТРЕС ДЕНЕСКА ПОВТОРНО ЈА ПОГОДИ ХРВАТСКА: „Сè се тресеше, чаши, прозорци, лустери“

Магдалена Андонова — Fri, 11 Feb 2022 08:38:19 +0000

Земјотрес со јачина од 4,1 степени според Рихтер бил регистриран утрово околу 7 и 30 часот во подрачјето на Банија, соопшти ЕМСЦ. Епицентарот бил на пет километри западно од Петриња и 13 километри јужно од Сисак, а бил почувствуван во Петриња и околните места. - Сè се тресеше, чаши, прозорци, лустери - изјави за 24сата.хр читателка од Сисак.

Најнови бројки: Околу 2.000 објекти не се проверени по силните земјотреси кои ја тресеа Хрватска

Ивона Петрова — Tue, 01 Jun 2021 08:19:02 +0000

Поминаа повеќе од пет месеци по земјотресите кои ја погодија Хрватска, односно сисачко-мословачката жупанија, а се уште не се проверени сите оштетени објекти, Според ажурираните податоци, како што јавуваат хрватските медиуми, од пријавените досега 39.767 оштетени станбени објекти, проверени се 37.743. Неупотребливи поради надворешни влијанија се 413 објекти, а поради оштетувања 4.218 објекти. За привремено неупотребливи со потребен детален преглед се означени 3.711 објекти, а како привремено неупотребливи со посебни мерки на итна интервенција се 4.489 објекти. Употребиви без оштетување се 704 објекти, употребливи без ограничување се 7.293, а употребливи со препорака за постапување се 16.915 проверени станбени објекти.

На подрачјето на Петриња и Сисак оштетени над 35.500 објекти

Ивона Петрова — Sun, 17 Jan 2021 11:31:25 +0000

Најновите денешни податоци од надлежната жупанија пријавени се 35.554 оштетени објекти, а контрола е извршена на 17.714 од нив. Поради надворешни влијание неупотребливи се 216 објекти, а поради оштетувања 2.265. Привремено неупотребливи објекти за кои е потребна дополнителна контрола се 1.827, а мерки за итна интервенција има за 2.195 објекти. Употребливи и без оштетувања се 466 објекти, а ограничување има за 4.057 објекти. Употребливи со препорака за постапување има за 6.688 објекти. Оштетувања има и на земјоделската механизација, како и за земјоделските земјишта на кои се отворени големи дупки во земјата.

Нов земјотрес го стресе Сисак

Ивона Петрова — Thu, 14 Jan 2021 07:29:26 +0000

Во околината на Сисак утринава е регистриран повторно земјотрес. Според првичните информации земјотресот бил со јачина од 3 степени по Рихтер.

Уште еден силен земјотрес ги погоди Петриња и Сисак

Тале Кристо — Thu, 07 Jan 2021 12:22:01 +0000

Уште еден земјотрес ја погоди денеска централна Хрватска, шест минути по пладне. Епицентарот бил меѓу Сисак и Петриња. Според првичните информации, земјотресот бил со јачина од 3,5 степени.

Нов земјотрес го стресе Сисак

Ивона Петрова — Fri, 01 Jan 2021 13:19:56 +0000

Нов земјотрес ја погоди Хрватска. По силниот оптрес кој се случи во вторникот со јачина од 6,3 степени, тлото не мирува. Денешниот земјотрес бил со јачина од 3,6 степени според Рихтеровата скала. Регистриран е на длабочина од 2 километри, а епицентарот бил на 5 километри западно од Сисак и 48 километри југоисточно од Загреб.

ПОВТОРНО ЗЕМЈОТРЕС ВО ХРВАТСКА – Сисак претпре силен удар

Магдалена Андонова — Wed, 30 Dec 2020 09:44:23 +0000

Уште еден земјотрес со јачина од 4,1 степен беше регистриран во Хрватска во 9,21 часот. Според Европско-медитеранскиот сеизмолошки центар, епицентарот на земјотресот бил на 14 километри од Сисак. Според граѓаните на Сисак имало „силен удар и вибрации“, кои траеле кратко. (МИА)

СИТЕ ПАЦИЕНТИ ЕВАКУИРАНИ – срушена болница во Сисак

Магдалена Андонова — Tue, 29 Dec 2020 14:51:01 +0000

Силниот земјотрес што ја погоди Хрватска денес, а кој се почувствува и во Србија, предизвика страшна материјална штета на Петриња, мало и слабо развиено место во близина на кое се наоѓаше епицентарот. Со јачина од 6,2 степени според Рихтеровата скала, се срушиле станови и згради, а голема штета претрпела и болницата во Сисак, која е оддалечена само 15 километри од Петриња. Директорот на болницата, Томислав Дујменовиќ, изјави дека состојбата воопшто не е добра. - Уништена е целата Интерна медицина, единица за интензивна нега, хирургија, гинекологија. Може да се каже дека остана само новата зграда. Ги преместуваме сите пациенти во нова зграда. Повеќето од уништените веќе не се користат. Министерот исто така контактираше со нас, рече Дујменовиќ. Се надевам дека ќе ја добиеме целата помош, односно сега мораме да ги испратиме нашите пациенти на апарати за дишење. Второ, засега, можеме само да се грижиме. Не најдовме повредени во болницата, но кај нас доаѓаат голем број повредени од Петриња и засега можеме да се грижиме за нив , рече тој. Дел од оние кои останаа без покрив над главата ќе бидат сместени во касарната во Петриња, каде има место за околу 500 луѓе, а ќе бидат поставени и шатори на Црвениот крст. Болницата Арена Загреб ќе се грижи за пациентите кои страдаат од коронавирус од областа на округот Сисак-Мославина, кои страдале под земјотресот, беше објавено денес.