систем – Kurir.mk

ВИДЕО: „Железната купола“ функционира, ги одбива сите ракети од Газа тврди Израел

Ристе Здравков — Mon, 09 Oct 2023 12:59:52 +0000

Системот „Железна купола“ фнкционира и ги одбива ракетите од Газа со 100-процентна прецизност објавуваат Израелците. На социјалните мрежи се објавени видеа од тоа како функционира системот.

BREAKING: Unbelievable footage captures Israel's Iron Dome as it intercepts rockets fired from Gaza strip with 100% accuracy. #Hamas #Palestine #Palestinian #TelAviv #GazaUnderAttack #IsraelPalestineWar #IStandWithIsrael pic.twitter.com/U0eyds3S9q
— War Stalker 🔎 (@SDFronttwit) October 9, 2023

Ноќеска продолжија ракетирањата на Хамас од Газа кон Израел. Нападнат беше повторно и Тел Авив.

Пуштен во функција системот за наводнување на дворните површини во Неготино

Тале Кристо — Tue, 09 May 2023 16:07:08 +0000

Пуштен е во функција системот за наводнување на дворните површини во Неготино, информираше попладнево неготинскиот градоначалник, потсетувајќи дека овој систем вообичаено секоја година стартува со работа во овој период од годината, кога со потоплото време, започнува и поголемата потреба од вода за полевање на дворните површини. - Станува збор за технолошка вода, што жителите на општината Неготино треба да ја користат, за да се заштеди на водата за пиење, за да ја има во доволни количини за сите и во секое време. Апелираме и потсетуваме да се проверат вентилите и излевните места. Во случај на дефект, неготинци може да се јават во просториите на Ј.П.Комуналец Неготино, на телефон и да пријават на веб страницата, појасни градоначалникот. Тој нагласи дека системот за технолошка вода е богатство што други општини го немаат и апелираше на рационално трошење на водата за пиење.

МВР: Отстранет е дефектот на системот на Граничните премини

Ристе Здравков — Sat, 04 Feb 2023 11:20:21 +0000

МВР информира дека отстранет е дефектот на системот на Граничните премини, истиот е оспособен за функција и се пропуштаат возила за влез и излез од земјава.

Падна системот за контрола на граничните премини

Ристе Здравков — Sat, 04 Feb 2023 09:23:04 +0000

На граничните премини падна системот за контрола и во моментот се работи на негово оспособување. МВР информира дека системот на граничните премини е се во функција, но екипи работат на негово оспособување. Селективно се пропуштаат само итни случаи, се вели во информацијата од МВР.

Што претставува ракетниот систем „Патриот“ што САД и го ветија на Украина и колкав е неговиот дострел?

Ристе Здравков — Thu, 22 Dec 2022 11:24:21 +0000

САД објавија оваа недела дека ја снабдуваат Украина со ракетна батерија „Патриот“, но експертите велат дека иако тоа ќе биде вреден додаток на противвоздушната одбрана на земјата, тоа не е лек за сѐ. „САД објавија нов пакет помош за Украина во вторникот, кој вклучуваше „прв трансфер во Украина на системот за воздушна и ракетна одбрана „Патриот“, способен да соборува крстаречки ракети, балистички ракети со краток дострел и авиони на значително повисоки плафони од Системот кој претходно обезбедуваше воздушна одбрана“, рече портпаролот на Стејт департментот, пренесе Си-Ен-Ен. Украинскиот претседател Володимир Зеленски во средата отпатува за САД за да го прослави трансферот со американскиот претседател Џо Бајден. „Ја зголемува прецизноста, ја зголемува стапката на убиства, така што навистина го прави токму она што вие сакате да го прави, а тоа е заштита на земјата на многу специфични цели“, изјави пензионираниот генерал-мајор Џејмс „Спајдер“ Маркс претходно за Си-Ен-Ен за системот за способност. Радарскиот систем на Патриот ги комбинира „функциите на надзор, следење и ангажирање во една единица“, според описот на Центарот за стратешки меѓународни студии (CSIS), што го издвојува од другите системи за противвоздушна одбрана. Ангажманот на системот со дојдовните воздушни закани е „речиси автономно“, освен што тие бараат „конечна одлука за лансирање“ од луѓето што го управуваат. Украина постојано бараше систем „Патриот“ на американската армија бидејќи се смета за еден од најспособните системи за воздушна одбрана со долг дострел на пазарот. И додека САД не го исполнија барањето за првите 10 месеци од војната, висок претставник на администрацијата изјави за Си-Ен-Ен дека „реалноста на она што се случува“ на теренот во Украина влијаела на нивната одлука да го сторат тоа. Во последниве недели, руската војска се повеќе ја напаѓа електричната мрежа и инфраструктурата на Украина како што се приближува зимата и се намалуваат температурите. Зеленски му рекол на Бајден дека „рускиот ракетен терор“ уништил приближно половина од енергетската инфраструктура на Украина. Тие напади само дополнително ги поттикнаа украинските барања за „Патриот“. „Системот „Патриот“ нема да биде достапен за употреба веднаш откако САД ќе се согласат да го обезбедат - потребни се месеци за да се обучат војниците да го користат“, рече Марк Хертлинг, пензиониран генерал-полковник, додавајќи дека обуката на американските војници да служат како одржувачи или сервисери бараат околу една година. И нема да може да обезбеди покриеност за целата држава. „Овие системи не одат горе-долу на бојното поле“, рече Хертлинг. „Ги ставате некаде каде што ја браните вашата најважна стратешка цел, како град, како Киев. Ако некој мисли дека ова ќе биде систем што ја опфаќа границата од 500 милји меѓу Украина и Русија, тој едноставно не знае како функционира системот. Навистина, Том Карако, директор на Проектот за ракетна одбрана во CSIS, изјави за Си-Ен-Ен дека само една батерија е управувана од околу 90 војници и вклучува компјутери, систем за контрола на ангажманот, радар со фазна низа, опрема за производство на енергија и „до осум фрлачи“ кон војската. CSIS неодамна објави во извештај дека ракетите „Патриот“ чинат приближно по 4 милиони долари. Ваквите скапи истрели веројатно нема да се искористат за соборување на секоја ракета што Русија ја лансира кон Украина, рече Хертлинг. „Ова не е систем кој ќе брка беспилотни летала или помали балистички ракети“, рече тој. „Може ли да го направи тоа? Апсолутно. Но, кога зборувате за соборување на беспилотно летало од 20.000 долари или балистичка ракета од 100.000 долари што Русија ја купува, со проектил од 3-5 милиони долари, тоа не ви дава многу поврат на инвестицијата. Она што може да го направи е да ослободи системи со низок и среден опсег за остварување такви цели“. Системот беше купен од други сојузници на САД, вклучувајќи ги Израел, Германија и Јапонија, и беше испратен во Полска во обид да им помогне да се одбранат од Русија додека таа ја напаѓа Украина на нејзината граница. Американската војска јасно стави до знаење во март кога системот „Патриот“ беше испратен во Полска дека тој е исклучиво за одбрана на територијата на НАТО и „во никој случај нема да поддржи какви било офанзивни операции“. А во случајот со Украина, Хертлинг вели дека офанзивните операции се многу поважни од системот Патриот. Си-Ен-Ен првпат објави минатиот месец дека САД размислуваат за драматично зголемување на обуката за украинските сили со инструкции на дури 2.500 војници месечно во американска база во Германија. Пентагон објави овој месец дека комбинираната вооружена обука на елементи со големина на баталјон, која ќе вклучува пешадиски маневри и вежби со жив оган, ќе започне во јануари. „Патриот“ е одбранбен, антибалистички и противвоздушен вооружен систем, со одбранбен акцент“, рече Хертлинг. „Не добивате војни со одбранбени способности. Вие добивате војни со офанзивни способности“. Извор: данас.рс

Албанија за воспоставување систем за цивилна заштита ќе потроши 30 милиони евра

Тале Кристо — Tue, 20 Dec 2022 09:26:01 +0000

Албанската Влада донесе одлука за воспоставување систем за цивилна заштита, за што ќе потроши 30 милиони евра, кредит обезбеден од Италија. Министерот за одбрана Нико Пелеши информираше дека е предвидено да се изгради центар за цивилна одбрана, од кој дел ќе бидат оперативни сали поврзани со центарот, изградба на објекти за пребарување и спасување, набавка на опрема за природни непогоди, меѓу кои и хеликоптери за гаснење пожари. – Владата го усвои договорот меѓу Италија и Албанија за кредит во износ од 30 милиони евра наменети за воспоставување систем за цивилна заштита. Ќе се изградат четири центри за цивилна заштита, а во сите 12 префектури ќе има оперативни сали што ќе бидат мрежно поврзани, додаде Пелеши. Според него во центрите ќе има структури за пребарување и спасување, ќе биде набавена целата потребна опрема за елементарни непогоди, а за вработените ќе биде спроведена и обука. – Ќе бидат набавени возила и опрема за пожарникарите. Дел од кредитот ќе биде наменет за набавка на два хеликоптера за гаснење пожари, кои ги немавме. Ќе има и тренинг камп за пожарникари, рече Пелеши.

Рама демантира дека хакерите побарале 30 милиони евра од Владата за да го одблокираат системот

Тале Кристо — Wed, 20 Jul 2022 18:35:07 +0000

По информациите дека непознатите хакери од албанската Влада побарале милионска сума за ги вратат во функција владините и јавните интернет-страници се огласи премиерот Еди Рама, кој наведе дека тоа се шпекулации. – Шпекулации се вестите објавени во медиумите дека на хакерите побарале од Владата 30 милиони евра за ги вратат во функција онлајн услугите. Зад софистицираните кибернапади стојат две земји, истакна Рама, не наведувајќи за кои земји станува збор. Тој додаде дека НАТО е вклучен во напорите за заштита на Албанија од кибернапади. Според него битката со оваа појава се уште не е завршена и оти Националната агенција за информатичко општество прави се системите да ги врати во функција. Тој уште еднаш им гарантираше на граѓаните дека личните податоците им се безбедни.

Доколку сте во план за обнова на пасош или ЛК, побрзајте: МВР со важна информација за граѓаните во врска со издавањето на лични документи

Тале Кристо — Thu, 03 Jun 2021 10:08:28 +0000

Министерството за внатрешни работи на Република Македонија, ги информира граѓаните дека поради надградба на системот за лични документи, од 11. 06. 2021 година (петок) започнувајќи од 16 часот, заклучно со 15. 06. 2021 година (вторник-во текот на целиот работен ден до 20 часот) нема да биде во функција системот за прием и издавање на лични документи (лична карта, пасош и возачка дозвола) во Скопје. Од тие причини се известуваат граѓаните од подрачјето на град Скопје кои имаат закажано термин за аплицирање за личен документ (лична карта, пасош и возачка дозвола) на 11. 06. 2021 година по 16 часот, да дојдат во просториите на Министерството каде што имаат закажан термин за личен документ истиот ден (11. 06. 2021 година) до 16 часот. Граѓаните кои имаат закажан термин за 14. 06. 2021 година, правото за поднесување на барање за личен документ, ќе можат да го остварат на 05. 06. 2021 година на исто место и во истиот час и минути како што имаат закажано. Граѓаните кои имаат закажан термин за 15. 06. 2021 година, правото за поднесување на барање за личен документ ќе можат да го остварат на 06. 06. 2021 година на исто место и во истиот час и минути како што имаат закажано. Воедно ги информираме граѓаните готовите лични документи да ги подигнат до 11. 06. 2021 година до 16 часот или од 16. 06. 2021 година.

Прифатен предлогот за промена на системот во македонскиот кошаркарски шампионат

Тале Кристо — Fri, 02 Apr 2021 12:28:40 +0000

Со мнозинство на гласови, прифатен е предлогот на федерација за промена на системот на натпреварување во Првата лига-мажи. Во продолжение во целост го објавуваме соопштението за јавност од страна на Кошаркарската федерација на Македонија. – Во изминатиот период, раководството на федерацијата на заеднички состанок, разговараше со претставниците на Здружението на Прва лига-мажи, кои требаше да се изјаснат за двата предлози за продолжување на натпреварите во Првата лига – мажи по завршувањето на првиот, регуларен дел од сезоната, односно одигрување на 22 кола. По добивањето на сите мислења доставени од екипите учесници во Првата лига-мажи во сезоната 2020/2021 до канцеларијата на Сениорските лиги и федерацијата, кои се однесуваат за и околу продолжение на натпреварите во Првата лига-мажи за сезоната 2020/2021, раководството на Кошаркарската федерација на Македонија, ги разгледа сите ставови доставени од страна на претставниците на Здружението на Прва лига-мажиВрз основа на добиените одговори од страна на сите дванаесет клубови, учесници во натпреварите во Прва лига-мажи, одлучено е дека, во овој момент постојат реални услови за промена во системот за натпреварување за тековната натпреварувачка сезона 2020/2021 во Прва лига-мажи. Согласно со тоа, овој заклучок донесен во консултации со претставниците на сите екипи учесници во натпреварите во Прва лига-мажи, ќе биде доставен и даден на усвојување на наредната седница на Управниот Одбор на КФСМ. Во поединечното изјаснување на клубовите, десет клуба беа за предлогот: „По завршување на регуларниот дел од првенството, односно по одигрување на 22 кола, да не се игра втората фаза од Првата лига-мажи, односно Супер лига и Плеј аут лига, и да се премине на третиот планиран дел, плеј оф. Доигрувањето би се реализирало со учество на осумте првопласирани екипи од првиот дел од првенството. Плеј аут, со учество на четирите последнопласирани екипи во регуларниот дел од сезоната, каде испаѓаат две екипи. Натпреварите од доигрувањето, плеј-офот, односно плеј-аут лигата би се одвивале во т.н.„балони“, а сите трошоци за реализација на турнирите ќе ги покрива федерацијата. Натпреварувањето да се одвива во четири одвоени турнири, преку кои ќе се реализираат четвртфиналните, полуфиналните и финалната серија на плеј-офот. Како и плеј-аут турнир по кој ќе бидат познати и двете екипи кои би се преселиле во понизок ранг на натпреварување – Втора лига. „Балоните“ би се играле во периодот од 17. мај, заклучно до 10. јуни, кога би го имале новиот шампион за сезоната 2020/2021“. КК Пелистер-Битола и КК МЗТ Скопје Аеродром се делумно согласни со предлогот, со дополнение, односно барање, во плеј-офот да разигруваат првопласираните шест екипи (наместо предложените осум) од регуларниот дел на оваа натпреварувачка сезона, стои во соопштението на КФСМ.

Хакерски упад во системот за снабдување со вода за пиење во Флорида, се обиделе да ја затрујат

Тале Кристо — Tue, 09 Feb 2021 06:49:28 +0000

Хакери упаднале во системот за снабдување со вода во градот Олдсмар во американската сојузна држава Флорида и се обиделе да ја затруат водата, соопшти локалната полиција. Хакерите го зголемиле количеството на содијум-хидроксид, што се додава во водата во мали количини поради регулирање на киселоста, но е опасен над дозволеното ниво. Хакерскиот напад бил на време откриен и количината на содијум-хидроксид што продрел во водата е мининална. Американското Федерално истражно биро (ФБИ) од тајната служба ќе го истражат случајот.