систина – Kurir.mk

Боки 13 го изгуби спорот против „Систина“, треба да плати околу 11.000 евра на болницата

Ивана Ефремовски — Wed, 16 Dec 2020 14:29:01 +0000

Бојан Јовановски го изгуби судскиот спор против клиничката болница „Аџибадем Систина“, па сега ќе мора да плати долг во висина од околу 11.000 евра, пренесе 24.мк. Неговата тужба од Кривичниот суд во Скопје е одбиена. Боки 13 бил корисник на здравствените услуги на болницата и таму, како што изјавија сведоците на едно од рочиштата за случајот „Рекет“, ја правел и операцијата за губење на килограмите. Јовановски правел операција за стеснување на желудникот во јануари 2019 година и до денес не ги подмирил трошоците. Наместо тоа, тој поднесе тужба против болницата, но судот одлучи дека е неоснована.

Вонредна инспекција за тестирањата во „Систина“ и забрана да се објавуваат податоци

Ивана Ефремовски — Fri, 03 Apr 2020 15:37:12 +0000

Државниот санитарен и здравствен инспекторат изврши инспекциски надзор во ПЗУ во мешовита сопственост КБ „Аџибадем Систина„ на ден 02.04.2020 год, информираат од таму за КУРИР. КУРИР испрати новинарско прашање кое гласи: „Дали е точно дека здравствените установи кои вршат тестирања на Ковид-19 ќе бидат известени дека податоците и резултатите не смеат јавно да ги објавуваат, туку да ги проследат до ИЈЗ? -Сите здравствени установи кои вршат тестирање на Ковид 19, добиените резултати се должни да ги достават исклучиво до ЈЗУ Институт за јавно здравје Скопје. Истите не смеат да бидат јавно објавувани. Овие установи се известени со циркуларно писмо за погоре наведеното, се наведува во одговорот од Државниот санитарен и здравствен инспекторат. Ова прашање денес му го поставивме и на министерот за здравство, Венко Филипче. -Беа констатирани условите во лабараторијата и беше само повторена препораката за секој тест кој што ги анализира антителата. Мора да се направи и тестот а самиот вирус, односно антигенот бидејќи само тоа ја дава дефинитивната слика, состојбата односно дали некој граѓанин е носител на вирусот или не е, рече Филипче

„Аџибадем Систина“ набави 15.000 тестови за коронавирус, капацитетот за тестирање е до 300 лица дневно

Тале Кристо — Thu, 26 Mar 2020 17:54:01 +0000

Тестирањето се врши единствено со претходно закажување термин преку телефонскиот број 02 3099500, достапен 24/7. Пациентите кои немаат закажано термин за тестирање нема да бидат примени за земање примерок. Пациентите кои ќе дојдат на тестирање треба да носат заштитна маска. Тестот кој се користи е високопрецизен брз хроматографски тест за детекција на IgG и IgM антителата кои се создаваат од коронавирусот (COVID-19). Комбинираната употреба на IgG и IgM тестот може ефикасно да детектира присуство на вирусната инфекција или претходен контакт со вирусната инфекција преку имунолошкиот статус на телото. Овој тест, како нов производ на пазарот, сега се користи речиси во сите болници во Велика Британија, САД, Полска, Србија, Турција, Италија и други земји зафатени од пандемијата на коронавирусот. Научниците го тестирале првично во градот Вухан, во Институтот за вируси во Кина, каде што се потврдил како еден од најефикасните и најбрзи методи за детекција на коронавирусот. Тестирањето е преку земање примерок од крв, а процедурата на тестирање не трае подолго од 10 минути. Примероците за тестирање на Ковид-19 се земаат во специјален пункт што е целосно одделен од останатиот дел од болницата со цел максимална безбедност и заштита. ,,Аџибадем Систина’’ има капацитети за вршење на 300 тестови дневно, а моментално има набавено иницијална количина од 15.000 тестови. Цената на тестирање изнесува 1.200 денари. Работното време на пунктот за тестирање е од 8:00 до 15:00 часот секој работен ден во неделата вклучувајќи ги и викендите. Резултатите од тестот се брзи, ефикасни и прецизни со точност повеќе од 92.9% и истите се добиваат два часа по тестирањето на претходно доставената е-маил адреса.

59 лица сместени во „Ибис Стајл“, Систина дава и медицинска поддршка

Ивона Петрова — Mon, 23 Mar 2020 08:20:33 +0000

Во хотелот „Ибис Стајл“ (поранешна Мала Богородица - Систина) вчера во доцните часови се примени првите луѓе кои е потребно да се во изолација односно во карантин. Станува збор за приватен капацитет кој на располагање на државата го ставија „Орка холдинг“ и „Аџибадем Систина“. Од синоќа таму се сместени 59 лица кои во земјава влегле на Деве Баир и од Косово. Во хотелот се и 6 полицајци кои ја обезбедуваат локацијата и 16 вработени кои се менуваат на смени 24/7. -Собите во хотелот се целосно опремени според барањата и потребите за згрижување граѓани кои треба да се во изолација. Клиничката болница „Аџибадем Систина“ обезбедува и медицински персонал, поддршка и опрема. За лицата ќе биде обезбедена и храна. Освен редовна контрола на пациентите, за итни случаи докторите на „Аџибадем Систина“ ќе стојат целосно на располагање и ќе доаѓаат на повик. Лицата со симптоми на Ковид 19 ќе бидат пренесувани со асистенција на Министерството за здравство во Инфективната клиника. Согласно ова, 4 лица кои вчера вечерта имаа покачена температура на проверката, веднаш беа испрати во Инфективната клиника. “Орка холдинг“ и „Аџибадем Систина“ им се заблагодарува на вработените кои покажуваат висока морална свест, лојалност и солидарност и несебично се вклучени сега кога најмногу е потребно. За нив е обезбедена заштитна опрема од Клиничката болница „Аџибадем Систина“, соопштуваат од болницата. Двата хотели Ибис Скопје – „Ибис Центар“ и „Ибис Стајл“ имаат капацитет од 214 кревети, од кои 51 во двокреветни соби, 101 во еднокреветна соба и 3 соби се за луѓе со посебни потреби. Хотелите располагаат и со 6 фамилијарни соби. Овие капацитети беа ставени на располагање без претходни услови, но сепак се заблагодаруваме на соработката со владиниот кризен штаб и известуваме дека трите оброци за изолираните лица ги обезбедува државата во вредност од 600 денари по лице. Сите останати трошоци за сместување, вработени и медицинска поддршка ги покрива Орка холдинг“ и „Аџибадем Систина“.

Систина и Орка Холдинг од утре целосно го ставаат на располагање хотелот „Ibis Styles“ на Министерството за здравство

Дарко Андоновски — Sun, 15 Mar 2020 15:54:03 +0000

Аџибадем Систина и Орка Холдинг соопштуваат дека од утре го ставаат на располагање целосно капацитетот на Хотелот Ibis Styles (поранешната болница Мала Богородица-Систина) на Министерството за здравство. Хотелот комплетно ќе биде пренаменет во Центар за изолација на суспектни лица на вирусот Ковид-19 на кој им е определен 14 дена изолационен период (карантин) од надлежните органи на државата. Медицинскиот тим ќе биде обезбеден од Аџибадем Систина и сета друга неопходна медицинска поддршка. Сите трошоци околу нивниот престој ќе бидат покриени од Аџибадем Систина и Орка Холдинг. Хотелот Ibis Styles располага со капацитет од 47 соби кои целосно ќе бидат пренаменети и опремени со потребните медицински материјали. Доколку се јави потреба од дополнителни капацитети, покрај овие 47 соби на хотелот Ibis Styles, Аџибадем Систина и Орка Холдинг се подготвени и целосно да ги отстапат капацитетите на Ibis Skopje City Center хотелот кој располага со 110 соби кои би биле целосно пренаменети и опремени со сета потребна медицинска опрема и материјали. На сите нас останува да продолжиме да ги следиме препораките и насоките на Министерството за здравство, да веруваме во оние кои ја вложуваат сета своја професионалност со цел оваа ситуација да има најдобар можен исход, и заедно, со висока свест да придонесеме ова ситуација да биде побрзо надмината.

Приватната болница „Аџибадем Систина“ стави на располагање на граѓаните 27 респиратори

Тале Кристо — Sun, 15 Mar 2020 12:07:33 +0000

Во услови на алертна состојба со вирусот Ковид-19, Клиничката болница „Аџибадем Систина“, заедно со сите свои 1000 вработени лица, се става на располагање со сите свои слободни капацитети на граѓаните на државава, кои се засегнати од овој вирус, а по потреба и претходен договор со Министерството за здравство. -На располагање се ставаат и сите слободни апарати за механичка вентилација односно респиратори. Во моментов нашата болница располага со 27 најсовремени респиратори и тоа педијатриски, адултни и транспортни, информираат од „Аџибадем Систина“. Оттаму порачуваат да се следат препораките за заштита и превенција од Ковид 19.