сител телевизија – Kurir.mk

Мисајловски вечерва гостин во Дневникот на Сител телевизија

Тале Кристо — Sun, 10 Apr 2022 15:02:31 +0000

Потпретседателот на ВМРО-ДПМНЕ, Владо Мисајловски вечерва ќе биде гостин во Дневникот на телевизија Сител. -Вечерва сум гостин во Дневникот на ТВ Сител од 19.00 часот каде што ќе разговараме за актуелните теми и случувања, објави на својата Фејсбук страница Мисајловски.

Николоски вечерва гостин во централниот Дневник на Сител телевизија

Тале Кристо — Thu, 24 Jun 2021 16:36:33 +0000

Потпретседателот на ВМРО-ДПМНЕ, Александар Николоски вечерва од 19:15 часот ќе гостува во централниот Дневник на Сител телевизија. -Вечерва од 19:15 часот следете го моето гостување во вестите на ТВ Сител каде што ќе разговараме за евроинтеграциите на Македонија и блокадата од Бугарија и катастрофалната надворешна политика на Заев, високата корупција, економското опустошување како и сите останати актуелни политички теми, објави Николоски на својата Фејсбук страница.

Мицкоски вечерва гостин во централниот Дневник на Сител телевизија

Тале Кристо — Thu, 25 Mar 2021 13:00:41 +0000

Лидерот на ВМРО-ДПМНЕ Христијан Мицкоски вечерва од 19 часот гостува во централниот Дневник на Сител телевизија. -Следете го моето гостување во дневникот на Сител телевизија, вечерва во 19 часот, објави Мицкоски на Фејсбук.

Мицкоски вечерва во 19 часот гостин во „Дневникот“ на Сител телевизија

Тале Кристо — Tue, 19 May 2020 13:12:50 +0000

Вечерва во 19 часот сум гостин во дневникот на Сител телевизија. Следете ме, објави на својата Фејсбук страница лидерот на ВМРО-ДПМНЕ Христијан Мицкоски.

Претседателот на ВМРО-ДПМНЕ Мицкоски гостин на Сител телевизија во 16 часот

Матеја Петровски — Thu, 23 Aug 2018 12:16:50 +0000

Претседателот на ВМРО-ДПМНЕ, Христијан Мицкоски денеска ќе биде гостин во вестите на Сител телевизија во 16 часот. -Денеска сум гостин во вестите на ТВ Сител во 16:00 часот. Следете ме, напиша Мицкоски на Фесјбук.

Мицкоски: Причината поради која државата оди назад има име и презиме, се вика Зоран Заев

Матеја Петровски — Mon, 04 Jun 2018 17:32:37 +0000

Во гостувањето во централниот Дневник на Телевизија Сител, претседателот на ВМРО-ДПМНЕ, Христијан Мицкоски кажа дека има само една причина поради која државата оди назад. -Таа причина има и свое име и презиме и се вика Зоран Заев. Така што, во тој дел од нивната критика можам апсолутно да се сложам, да државата оди назад и ќе повторам поради една причина, причината има име и презиме и се вика Зоран Заев, изјави Мицкоски. Мицкоски потенцираше дека суштината на политичар кој се занимава со политика е главен и основен предизвик а му биде како да го направи животот на своите сограѓани подобар. -Зоран Заев за жал во тоа не успеа изминатава година дена, доволно беше ехото кое што се слушаше на платото пред Владата на Република Македонија. Јас навистина можам од овде да порачам дека ако вака се продолжи да се осиромашува и да се влече назад Република Македонија, можеби само еден ќе биде губитник во случајот, а тоа е народот на Република Македонија. Јас не би сакал тоа да се случи и токму поради таа причина тој ден многу јасно, многу гласно, многу прецизно побаравме предвремени парламентарни избори, изјави Мицкоски во гостувањето на Сител Телевизија.

Николоски: Доколку излезе надвор од рамките на ОН во спорот за името, Македонија е единствена која ќе загуби

Матеја Петровски — Sat, 13 Jan 2018 15:39:50 +0000

Во интервју за телевизија Сител, еден од новите потпретседатели на ВМРО-ДПМНЕ, Александар Николоски, кажа дека партијата и историски, а и во дејствувањето како политичка партија секогаш била прозападно ориентирана, која што се стремела за независна македонска држава која што ќе е во сојуз со западните сили. -Тоа е основата на која сакаме да ја градиме новата политика на ВМРО-ДПМНЕ, тоа значи силно сојузништво со земјите членки на НАТО и на ЕУ, партнерство со САД, со Велика Британија, со Германија, Франција, Италија и останатите големи сили. Ние секако имаме свои принципи и свои вредности зад кои што стоиме и ќе се обидеме на нашите партнери од меѓународната заедница да ги претставиме истите, изјави Николоски. Тој напомена дека приоритет на ВМРО-ДПМНЕ е Македонија час поскоро да стане членка на НАТО алијансата и час поскоро да почне преговори со ЕУ и успешно да ги заврши и стане членка на унијата. -Секако тука има предизвици поврзани со спорот кој го имаме со Грција, но ќе се обидеме во рамки на нашите вредности како што кажав да стекнеме симпатии во меѓународната заедница, изјави Николоски. Тој во интервјуто за Сител кажа дека смета дека е многу опасно за Република Македонија процесот да излезе надвор од рамките на ОН. -Доколку излезе надвор од овие рамки Македонија ќе е таа која што ќе изгуби. Ние како помала држава во овој спор секогаш мора да се држиме до правилата и принципите на меѓународното право, а рамката во ОН е единствената која што ни одговара нам, на Република Македонија, изјави Николоски. Тој зборуваше и за односите на ВМРО-ДПМНЕ во иднина со албанските партии, кажа дека политики на исклучивост или политики на наметнување како што е изгласувањето на Законот за јазиците можат само да ги оддалечуваат. -Силно партнерство е потребно и потребно е разбирање, ниту треба да има мајоризација на мнозинството над малцинството, но ниту обратно не треба да има мајоризација на малцинството врз мнозинството. Ако успееме да изградиме едни принципи на партнерство, тогаш мислам дека Република Македонија има стабилна иднина, а секако и ВМРО-ДПМНЕ ќе може да има силни партнери во албанскиот народ, изјави Николоски. Тој кажа дека вчерашниот избор на новите потпретседатели и Извршниот Комитет е избор на Централниот Комитет на партијата. -Секогаш и пред претходни избори било така, некогаш биле едни избирани, некогаш биле други избирани. Јас имам лично висока почит за сите луѓе кои во моментов даваат многу во ВМРО-ДПМНЕ и даваат многу во иднината. Треба сите нив да ги почитуваме, да им бидеме благодарни, но во исто време да ги користиме нивните потенцијали. Јас мислам дека со ова ново раководство, но и со политиките кои ќе ги промовира, ние ќе успееме да привлечеме далеку поширок круг на луѓе кои што ќе го поддржуваат ВМРО-ДПМНЕ, од тоа што беше на последните локални избори. Само отворена ВМРО-ДПМНЕ е рецепт за успех, сето различно од ова може да не води во непосакуван правец, изјави Николоски.