сител – Kurir.mk

Мицкоски ќе гостува во дневникот на Сител

Ивана Ефремовски — Thu, 17 Aug 2023 13:34:58 +0000

Лидерот на ВМРО-ДПМНЕ, Христијан Мицкоски денес ќе биде гостин на Сител. „Следете го моето гостување на ТВ Сител од 19:00 часот“ - посочи тој на својот Фејсбук профил.

Мицкоски ќе биде гостин на Сител во 19 часот

Ивана Ефремовски — Sun, 07 Nov 2021 16:32:27 +0000

Во 19 часот на телевизија Сител, гостин ќе биде лидерот на ВМРО-ДПМНЕ, Христијан Мицкоски. -Следете го моето гостување на телевизија Сител од 19 часот, напиша тој на Фејсбук.

ВИДЕО: Екипа на Сител ТВ спречена од полицаец да известува од избирачко место

Ристе Здравков — Sun, 31 Oct 2021 11:07:37 +0000

Екипата на ТВ Сител денес на денот на изборите беше спречена од полициски службеник во вршење на своите професионални задачи за известување од денот на локалните избори. Имено екипата од еден новинар и снимател излегла од своето возило и се подготвувале да снимаат прилог од избирачко место, а полициски службеник на дрзок начин ги спречил во таа намера.

Мицкоски вечерва гостин на телевизија Сител

Ивана Ефремовски — Thu, 01 Jul 2021 15:57:01 +0000

Лидерот на ВМРО-ДПМНЕ, Христијан Мицкоски, вечерва ќе биде гостин на телевизија Сител. Вестите почнуваат во 19 часот.

Лила му се врати на Банкарот (ФОТО)

Курир — Wed, 12 Aug 2020 08:51:32 +0000

Пандемијата со коронавирусот го измести светот од колосек, а ситуацијата како да не гледа светло низ тунелот. И ТВ водителката Лила Филиповска, која најдобро ја знаете како водител на популарниот квиз на телевизија Сител, „Се или нешто“,претрпе промени, пред се професионални. Квизот „Се или нешто “ не се снимаше веќе неколку месеци. Периодот додека правеше пауза од снимањата и додека траеше вонредната состојба, водителката го искористи времето за да направи работи за кои можеби претходно немала време, односно да се одмори, да прочита некоја книга, да поужива со своето милениче. Но, кога олабавија мерките и беше укинат полицискио час, Лила ги спакува куферите и замина на плажа. Па така, поради короната, ова лето нејзини дестинации беа Охрид и Албанија. По долгиот, стресен период, Лила ги наполни батериите и е подготвена за новите работни активности. Ако ви недостигал квизот „Се или нешто“ не грижете се. Лила му се врати на банакарот. Имено, започнаа снимањата на 10тата сезона на квизот, а како што истакна самата водителка време е за враќање во реалноста. Таа во текот на вчерашниот ден снимаше неколку емисии, а на социјалните мрежи сподели дел од атмосферата во студиото. На својот „Инстаграм“ таа сподели фотографија со познатата слушалка преку која комуницира со банкарот. „Ало банкару. Продолжуваме со снимање и се гледаме наскороооо…“, напиша водителката, а за оваа објава доби илјадници лајкови. Во кусите приказни на „Инстаграм“ таа сподели дел од атмосферата во студиото, па се е подготвено една од омилените водителки да се врати на телевизија, а гледачите да уживаат во квизот, а натпреварувачите да си ја пробаат среќата и да освојат што поголема сума на пари, а некој можеби и милионот. Дали некој ќе ја има среќата оваа сезона да си замине дома со милионот, останува да видиме. vistina.mk

Лила се раздели од банкарот и „Се или нешто“, ова е нејзиниот нов ТВ ангажман (ВИДЕО)

Курир — Fri, 31 Jul 2020 09:27:53 +0000

Пандемијата со коронавирусот го измести светот од колосек, а ситуацијата како да не гледа светло низ тунелот. Загубата е колективна, работата долго стагнира и не е ни слична на онаа во нормални услови. И ТВ водителката Лила Филиповска, која најдобро ја знаете како водител на популарниот квиз на телевизија Сител, „Се или нешто“,претрпе промени, пред се професионални. Квизот „Се или нешто “ не се снима веќе неколку месеци, но таа има нов ангажман во телевизијата каде работи години наназад. Овој пат наместо снимањата на квизот, Лила ја си „вади“ платата од емисијата „Утрински приказни со Лила. Оние што ја гледале утринската на Сител, сигурно ја виделе и Лила, која не ни теба да споменме дека е водителски махер во било каков формат. За свои гости има различлни профили, а меѓу последните и беше менаџерот на ресторани Борис Сидоски. Тој има работено како асисетен на Опра Винфри, а Лила успеа да го извлече најинтересното од него. Во новата емисја „Утрински приказни со Лила“, досега гостувале најразлични гости, а Лила е одлична домаќинка. Дококу имате можност и сте меѓу ранобудните, погледнате и кого се ‘ Лила ќе има карши себе за муабет. vistina.mk

Груевски: Заев кажа дека ќе бидам осуден, тој ја нарача пресудата

Ивона Петрова — Sun, 27 May 2018 17:28:22 +0000

Поранешниот премиер Никола Груевски кој во случајот на СЈО „Тенк“ доби затворска казна од две години гостуваше во Дневникот на Сител телевизија и даде свој коментар по однос на судската пресуда и случаите кои се водат против него. -Како што тргнаа работите со политичкиот прогон уште пред повеќе од една година, можеби и ќе му поверувава со оглед на тоа дека имавме политички монтиран случај. За пресудата во „Тенк“ не се изненадив затоа што уште од првиот ден на судењето, според тоа како судијката го водеше случајот беше јасно. Еден новинар кој со години наназад ги следи рочиштата во судовите, ми спомена во една од паузите дека уште на следење на првото рочиште се посомневал, а веќе по второто и третото одржано рочиште бил сигурен дека ќе бидам осуден, според тоа како судијката го водела случајот, вели Груевски во Дневникот во Сител. Поранешниот премиер и почесен претседател на ВМРО-ДПМНЕ истакна дека во текот на рочиштата се имало едно чувство на нееднаквост, вели од едната страна имало дрско однесување, одземање збор од страна на судијката, а на другата страна едно поданичко однесување. -Јасно е дека станува збор за еден монтиран политички процес каков што немало во Македонија, нешто што е договорено. Самата пресуда не само што беше објавувана еден месец претходно во медиумите и самиот Заев две недели пред објавата на пресуда објави каква ќе биде таа. Тој кажа дека ќе бидам осуден. Да, сметам дека тој ја нарачал. Живееме во време кога дел од судиите се целосно заробени под контрола на власта на принцип на награда давање или казнување, потенцира екс премиерот Груевски.

Мицкоски: Економски гледано сме на дното во Европа

Матеја Петровски — Thu, 03 May 2018 07:11:02 +0000

Во гостувањето во емисијата „Дневен ред“ дел од утринската програма на Сител телевизија, претседателот на ВМРО-ДПМНЕ, Христијан Мицкоски кажа дека додека лани Македонија беше во криза, со техничка Влада, тогашната опозиција на разни начини успеала да ја оштети Македонија со разни памфлети за 10-тици милиони евра, кои државата ќе треба да ја плати на основ на камата за обврзница. -Од почетокот на годината они имаат само нето 312 милиони евра зголемен државен долг, а без притоа да имаат реализирано ниту една капитална инвестиција. Во моментов имаме застој на сите капитални инвестиции, автопатиштата стојат, другите капитални инвестиции стојат, реализацијата на буџетот по основ на капитални инвестиции е на ниво три пати помало од она што било во истиот период минатата година, кога имавме техничка Влада, изјави Мицкоски. Мицкоски кажа дека и покрај тоа што имаме нула проценти раст на БДП минатата година, власта го зголемила нето задолжувањето, што според него ја става Македонија убедливо на дното закована. -Не знаат каде тераат, бидејќи ако ги видите и плановите за во иднина ќе видите дека тоа што го предлагаат, не само што е небулозно туку и не може да се реализира. И нешто од тоа да се реализира нема да имплицира позитивни ефекти. Така што во моментов можам да заклучам дека економијата ни е на колена, кога светот доживува ренесанса, кога следиме раст на економии 3,4,5 проценти, каде гледаме дека побарувачката во светот е зголемена, ние само сме тие што се движиме на нула, изјави Мицкоски. Претседателот на ВМРО-ДПМНЕ напомена дека власта да ги остави бизнисмените да работат сами, да не носи никакви закони државата ќе има раст 2,5- 3 проценти. Тој кажа дека тие предупредувале дека нема да има раст. Мицкоски се осврна и на бројчаникот кој Заев најави дека ќе го постави за враќањето на парите. -Мислам дека е добро тој бројчаник да го постави пред владата на Република Македонија и тој бројчаник да покажува на паралелна основа колку ја задолжува Република Македонија, а притоа колку одзема вредност, а не додава. Бидејќи вие имате задолжување кое што не додава вредност, туку имате задолжување кое одзема вредност во Република Македонија, бидејќи немате повторно реализација, изјави Мицкоски.

МВР со детали по пријавата за бомба во ТВ Сител

Ивона Петрова — Fri, 30 Mar 2018 08:56:05 +0000

Во Секторот за внатрешни работи Скопје синоќа во 21 часот било пријавено дека непознато лице се јавило во телевизија „Сител“ и кажало оти во студиото има подметнато експлозивна направа. На местото на настанот се упатиле полициски службеници и екипи од Единицата за антитероризам, по што била извршена евакуација на вработените. - По извршениот преглед и увид било констатирано дека се работи за лажно пријавување, наведува Министерството за внатрешни работи во редовниот Билтен.