сити – Kurir.mk

Сити, ПСЖ, Спортинг, Реал и Интер изборија осминафинале во Лигата на шампионите

Тале Кристо — Thu, 25 Nov 2021 08:00:21 +0000

По одигрувањето на натпреварите синоќа во 5. коло од групната фаза на Лигата на шампионите, познати се неколку учесници во плејофот. Манчестер Сити го победи ПСЖ (2:1), стигна до 12 бода и се зацврсти на првото место во групата А. Парижаните и покрај поразот ја поминуваат групата како второпласирани. За Лајпциг и Клуб Бриж кои имаат по четири бода овие екипи останаа недостижни. Лисабонскиот Спортинг ја победи Борусија Дортмунд (3:1) и си го обезбеди второто место во групата Ц. Спортинг има девет бода, Борусија – шест, но во меѓусебните средби португалскиот клуб е во предност – 3:1 дома, 0:1 на гости. Осминафиналисти станаа и Реал и Интер. Реал го победи Шериф (3:0) и освои 12 бода, Интер има 10 поени благодарение на победата над Шахтјор (2:0) и е на второто место. Шериф (шест бода) и Шахтјор (еден бод) повеќе нема да можат да стигнат до второто место.

Ливерпул, Челзи и Сити го доведоа во прашање учеството во Суперлигата по широката осуда

Тале Кристо — Tue, 20 Apr 2021 13:25:24 +0000

Три премиерлигаши почнале да се двоумат за идејата за влез во Супер лигата, објавија различни британски медиуми. Според „Тајмс“, еден тим веќе има намера да го напушти списокот на учесници. За потсетување, од Англија на новиот турнир требаше да учествуваат Манчестер сити, Челзи, Арсенал, Тотенхем, Ливерпул и Манчестер јунајтед. „Гардијан“ пренесува дека има сомнежи кај раководството на клубови како што се Челзи и Манчестер сити за нивното учество во Супер лигата. Истата ситуација, според изданието „Билд“, се појавила и во Ливерпул. Забележано е дека клубовите не очекувале толку голема негативна реакција од јавноста. Ноќта на 19 април веќе споменатите англиски клубови, како и Реал Мадрид, Барселона, Атлетико Мадрид, Милан, Интер и Јувентус најавија создавање на ново натпреварување – Супер лигата. Првите натпревари се закажани за август 2021 година.

Билиќ нема да се спаси од отказ во ВБА и покрај ремито со Сити

Тале Кристо — Wed, 16 Dec 2020 07:36:09 +0000

Вест Бромвич Албион ќе го отпушти хрватскиот фудбалски стручњак Славен Билиќ и покрај нерешениот резултат 1:1 синоќа на гостувањето кај Манчестер сити во 13. коло од англискиот шампионат, објави „Дејли мејл“. Тренерот ќе биде заменет со поранешниот селектор на Англија, Сем Алардајс. Официјалното соопштение за тренерската смена во ВБА се очекува да биде објавено во текот на денот. По 13 кола, Вест Бромвич го зазема претпоследното место во поредокот во Премиер лигата со седум бода.

Сити подготвува преддоговор за Меси во зимскиот преоден рок

Тале Кристо — Tue, 03 Nov 2020 13:21:06 +0000

Премиерлигашот Манчестер сити ќе му понуди преддоговор на напаѓачот на Барселона, Лионел Меси во јануари, објави „Телеграф“. Забележано е дека Аргентинецот не планира да разговара со каталонскиот клуб на темата за неговата иднина до крајот на сезоната. Тековниот договор на напаѓачот со Барселона е со важност до 30 јуни 2021 година. Претседателските избори во Барселона се закажани за во март, по што новото раководство може да започне да го обновува сегашниот договор на Меси. Сепак, други, помеѓу кои е и Манчестер сити имаат можност порано да се договорат за условите на идниот договор. Претходно, оперативниот директор на Сити, Омар Берада, изјави дека клубот ќе ја проучи опцијата за потпис на играчот доколку тој замине од Барселона.

Сане нема да го обнови договорот со Манчестер сити

Тале Кристо — Fri, 19 Jun 2020 16:25:13 +0000

Напаѓачот на Манчестер сити, Лирој Сане ја отфрли понудата на клубот за обновување на договорот, изјави селекторот на тимот Јосип Гвардиола. Така, 24-годишниот Германец ќе го напушти тимот како слободен играч следното лето, доколку не биде продаден по крајот на оваа сезона. – Лирој рече дека нема да го обнови договорот. Ова значи дека тој ќе го напушти Манчестер сити. Ова ќе се случи или ова лето или следното кога ќе заврши неговиот тековен договор. Ние предложивме тој да го продолжи договорот два или три пати, но тој секогаш одбиваше, затоа што сака да игра за друг клуб. Јас сум вознемирен, навистина сакаме да го задржиме. Лерој е млад фудбалер со голем потенцијал. Се обидовме да дојдеме до договор по неговата повреда и по операцијата, но тој има и други амбиции паралелно со нашите. Ја почитуваме одлуката на Лирој. Тој само сака нов предизвик во неговата кариера, соопшти Гвардиола. Претходно беше објавено дека Сане е близу до преселба во Баерн.

Сити подобар на дербито со Челзи

Тале Кристо — Sat, 23 Nov 2019 21:07:51 +0000

Актуелниот шампион во Премиер лигата, тимот на Манчестер сити вечерва го совалда Челси со 2:1 во натпреварот од 13. коло. Лондончани го отворија резултатот преку Канте во 21.минута. „Граѓаните“ до крајот на првото полувреме направија целосен пресврт и со головите на Де Бруин и Марез го свртија резултатот во своја корист. Во второто полуврме и покрај неколкуте шанси на двете страни мрежите мируваа. Сити постигна гол во судиското надополнување, но по прегледување на снимката погодокот на Стерлинг беше поништен поради офсајд. По 13 кола, лидер е Ливерпул со 37 бода, Лестер е втор со 29, Манчестер сити има 28, Челзи 26,…

„Ел Паис“: Мбапе сака да игра за Сити

Дарко Андоновски — Sat, 20 Jul 2019 09:34:12 +0000

Напаѓачот на Пари Сен Жермен, Килијан Мбапе е свесен за тоа каде сака да ја продолжи кариерата. Францускиот репрезентативец сака да оди во Манчестер Сити, објави „Ел Паис“. Сепак, тој нема да брза да го смени клубот и може да остане во Париз и следната сезона. Според шпанското издание, младата ѕвезда има воспоставено многу добри односи со менаџерот на англискиот клуб, Пеп Гвардиола. Тие остануваат во контакт и во иднина Мбапе би сакал да работи со Шпанецот, можеби во Манчестер Сити. Французинот има договор со парижаните до летото 2022 година.