сива економија – Kurir.mk

Стојаноски до Ковачевски: Дали сте свесни како оваа даночна реформа ќе ја зголеми сивата економија во државата?

Ивана Ефремовски — Thu, 27 Jul 2023 14:37:17 +0000

„Јас имам три пратенички прашања и трите пратенички прашња ми се до претседтаелот на Владата, господинот Димитар Ковачевски. Сметам дека реалноста во оваа држава е толку поинаку, да она Вие што го кажавте и како што како соопштение ќе отиде по Вашите платени медиуми, кои што можеме да видиме дека рушат рекорди во рекламирање на Ваши објави и на оние објави кои што народот ги плаќа за да Вие се рекламирате. Но, сепак тие објави не можат да поминат кај граѓаните и јасно е сосема каква е ситуацијата барем од аспект на економијата“, рече пратеникот Бојан Стојаноски денес од собраниската говорница при поставување на пратенички прашања. Стојаноски додаде дека се надева дека Ковачевски ги има проследено добро последните анкети на НДИ и ИРИ каде што меѓудругото има и економски показатели кои што се несоборливи. „Па можеме да видиме дека првите пет најголеми проблеми кои што ги мачат граѓаните на Република Македонија се сиромаштијата и нискиот стандард, високите цени, економската состојба, ниските плати и пензии и невработеноста. Господине Ковачевски во анкетата на НДИ 63% од испитаниците се изјасниле дека најголем виновник за високите цени и за сиромаштијата во државата во однос на 63% е токму Владата која што вие ја предводите. Во анкетата на ИРИ можете да приметите еден сосема друг показател за којшто верувам дека секој оној кој што се занимава со водење на процеси или со економија би размислувал да даде оставка, а не да излегува и да ги соопштува ваквите податоци кои што Вие ги соопштувавте“, истакна Стојаноски. Пратеникот Стојаноски нагласи дека 50% од испитаниците на анкетата се изјасниле дека им е полоша оваа година од претходната, а 39% кажале дека им е иста односно катастрофална. Тоа значи дека 89% од испитаниците не веруваат дека Ковачевски со неговата Влада може да испорача квалитетна економска политика. „85% од испитаниците се уверени дека Република Македонија не иде во правилна насока. А, во првите пет најголеми проблеми во анкетата на ИРИ има една поставено прашање кое што вели вака – Дали Владата предводена од Димитар Ковачевски се ангажира да го реши првото прашање кое што е најзагрижувачки за граѓаните, а тоа е стандардот. Замислете 77% од граѓаните се изјасниле дека Владата на Димитар Ковачевски едноставно не прави ништо за да помогне во овој феномен“, појасни пратеникот. Стојаноски укажа дека во неговите прашања ќе се задржи на даночната реформа на Владата во однос на даночењето, во проширувањето на даночната база, како и сузбивање на сивата економија. „Наместо да ги поддржите стопанствениците и граѓаните господине Ковачевски, Вие предлагате нови даноци на штета и на грбот на граѓаните и на стопанството. И сето тоа се прави заради тоа што Буџетот е празен, бидејќи парите се испокрадени. А, зошто се парите испокрадени? Не е заради тоа што се градат капитални инвестиции, не е заради тоа што е почнат кличничкиот центар во Скопје, или е почната реконструкцијата на болницата во Кичево, или во напредна фаза е болницата во Штип, или се градат автопати како што се ветуваа, туку тие пари се испокрадени за набавки во четири очи“, нагласи Стојаноски. Тој го запраша Ковачевски зошто не ги слуша критиките на стопанството кои што се изричито против овој закон. Зошто не организира дебата јавна со коморите. „Второто прашање господине Димитар Ковачевски, данокот на ДДВ, во тој закон се прави замена на тези каде што прехранбените производи им се додава едно зборче основни прехранбени производи. И кој е тука трикот кој што сакате Вие да го протнете? Велите целата таа лица на добрата и услугите кои што ќе се даночат повисоко за 5 или 13%, ќе ја објавиме во рок од пет месеци откако ќе се донесе законот. Што значи тоа? Тоа значи дека Владата сака во тие основни прехранбени производи да ви стави 5 или 6 артикли меѓу кои што шеќерот, солта, лебот и уште едно или две, додека сите останати производи цената ќе се покачи за 5 или 13%“, рече Стојаноски. Пратеникот го запраша Ковачевски дали како претседател на Владата или пак министерот за финансии ќе ја објават листата на добра и услуги кои што ќе поскапат за минимум 5 или за 13% пред носење на законското решение. „И третото прашање до претседателот на Владата е дали како претседател на Владата имате направено некаква анализа и сте свесни како оваа даночна реформа ќе ја зголеми сивата економија во државата“, го запраша Стојаноски претседателот на Владата, Димитар Ковачевски.

Лукаревска од УЈП се “пофали“ дека имаме поголема сива економија од Косово и од Албанија

Тале Кристо — Tue, 06 Dec 2022 10:15:03 +0000

Потпретседателот на СДСМ и директор на УЈП, Сања Лукаревска на вчерашното интервју на Топ Тема направи споредба со стапката на сива економија во Македонија со стапката на сива економија во регионот. Според нејзините податоци, Македонија има повеќе сива економија од Албанија и Косово, а полоша од нас е само Црна Гора. -Косово има многу понизок процент на сива економија, Албанија исто така. Кај нас сивата економија според последните направени проекции е 33%. Во Албанија е 28, 3%, во Косово е 29%, а во Црна Гора е 38%. Ова апсолутно не е за фалење – рече Лукаревска.

Димитриеска-Кочоска: Сивата економија мора да се намали ако сакаме компаниите да даваат придонес во македонската економија

Тале Кристо — Tue, 11 Feb 2020 17:36:50 +0000

Дополнителната министерка за финанси, Гордана Димитриеска-Кочоска денеска беше во посета на повеќе компании во кругот на Автоцентар, во Општина Гази Баба, при што од истите беше запознаена со проблемите со кои се соочуват. Во продолжение целата објава на дополнителната министерка за финансии Гордана Димитриеска-Кочоска: Денеска бев во посета на повеќе компании, кои работат во кругот на Автоцентар, во Општина Гази Баба, кои претежно се ориентирани кон продажба и увоз на автоделови и горива. Овие компании вработуваат голем број на луѓе и треба да се сфатат сериозно нивните забелешки и предлози. Се повторува и тука проблемот со стручен кадар и одливот на младите луѓе, а голем проблем е и сивата економија во овој сектор. Сивата економија мора да се намали ако сакаме компаниите да опстојат и да даваат придонес во функционирањето на македонската економија. Во иднина ќе дадеме голем фокус за решавање на овој долг и горчлив проблем во Македонија.

„Мерката на владата за субвенционирање на платите е легализирање на сивата економија, наменета за фирмите на власта“

Катерина Бојаџиева — Fri, 06 Sep 2019 16:22:18 +0000

Не постои работодавач кој при ист или намален обем на работа ги зголемува платите, бидејќи државата ќе ги субвенционира придонесите. Основа на оваа владина мерка е поделба на бизнисмените на оние кои работат според законите и ги плаќале придонесите на вкупната сума и на оние кои тоа не го правеле или дел давале на рака или популарно во плико, рече лидерот на ВМРО-ДПМНЕ, Христијан Мицкоски во гостувањето на телевизија Алфа. -Сега владата за да ја подобри статистиката, а не да го подобри стандардот и квалитетот на животот, посегнува по парите на граѓаните кои се собираат во Буџетот и по бизнисмените кои плаќаат во Буџетот и работат легално, да ја надополнат дупката кај оние малкумина кои се занимаваат со сива економија и дел од парите им ги давале на рака, објасни Мицкоски. Тој посочи дека работниците ќе ги добиваат истите пари, само сега на сметка. -Затоа ова не носи ништо ново, ова се случува зошто владата е неспособна за нови мерки и развој, туку пари на бизнисмените, граѓаните наместо да се инвестираат, нашите пари ги користи за легализирање на сивата економија, заклучи Мицкоски.

ССК: Сива економија е над 30 проценти од севкупната во Македонија

Предраг Кукиќ — Tue, 26 Mar 2019 12:33:53 +0000

Оние што избегнуваат плаќање даночни обврски, ги оштетуваат сите граѓани и се неправедни кон сите даночни обврзници кои работат законски. Нивното изигрување на прописите не само што претставува затајување данок, туку е и дестимул за сите што сакаат да работат почитувајќи ги законите, реагира Сојузот на стопански комори (ССК). ССК повторно укажува на потребата од подигнување на свеста за борба против сивата економија. Воедно ги актуелизира веќе изнесените барања: имплементација на Законот за забрана и спречување на вршење нерегистрирана дејност со што би се регулирало работењето во сивата зона, почнување постапка за трансформација на неформалните активности во формални, поточно доброволна регистрација во прва фаза на контроли за оние кои нерегистрирано работат, а со тоа и нивен влез во системот на обврски, како и во втората фаза, доколку во првата субјектите одбијат да се регистрираат и не престанат да вршат дејност во сива зона, да се применат репресивни мерки со изрекување значителни глоби и кривични санкции, со што би се обиделе институциите да ги спречат нелегалните текови на пари. -Вршителите на дејност кои работат без формално регистрирање фирма, се повеќе од 50 отсто поконкурентни на пазарот од регистрираните компании зашто не придонесуваат со обврска за плаќање ДДВ и придонеси по основ на социјално и пензиско осигурување. Тековните трошоци им се многу пониски, бидејќи не плаќаат по индустриска тарифа. Со тоа, не само што го оштетуваат буџетот, туку и нудат цени за производи и услуги на пазарот кои се значително пониски, цени кои регистрирана компанија што ги плаќа сите давачки не може да ги постигне поради тоа што повисоките трошоци мора да ги пресмета во крајната цена на чинење, наведува ССК. Според Сојузот, сузбивањето на неформалната економија во земјава која изнесува над 30 проценти од севкупната економија е главниот предизвик за обезбедување стабилен деловен амбиент и работа под еднакви и фер услови за сите субјекти во приватниот сектор. Со моменталните состојби на удар се особено малите и средни претпријатија кои како двигател на македонската економија сочинуваат 99,7 проценти од сите компании и имаат учество од 70 отсто во бруто домашниот производ. -Особено е критично да се обезбеди механизам за справување со оние кои работат во неформалната зона со милионски профити, производители, трговците на стоки и услуги кои заработуваат големи суми, не плаќајки ниту денар во буџетот. За регистрирани компании ова е погубно, бидејќи тешко се справуваат со притисокот поради тоа што нерегистрираните субјекти имаат поконкурентни производи и услуги, а со кои им превземаат се поголем дел од потрошувачите, смета ССК. Додава и дека во услови на најави на регистрирани субјекти за прибегнување во неформалната зона, неопходно е да се релаксираат субјектите кои регистрирано работат од инспекциски надзори со цел намалување на трендот кон тивок премин во сивата зона. -Потребна е здружена акција и искористување на соодветните механизми, со цел менување на перцепцијата дека неформалната е сигурна зона каде нема контроли и казни. Во спротивно и оние кои работат во согласност со законите и плаќаат даноци, тивко ќе почнат да преоѓаат во сивата зона. Механизми за надминување на оваа состојба со волја и акција на инспекциските служби е почнување со континуирано делување по пријави за нерегистрирани субјекти, но и јавно истакнување на оние кои ќе добијат глоба за тоа, потенцира Сојузот. Анализите на Светска банка покажуваат дека учеството на компаниите кои се соочуваат со нерегистрираните или неформални вршители на дејност во Македонија е 55, 5 отсто или најмногу во регионот пред Црна Гора со 52,4 процента, Хрватска со 48,2, Албанија со 40,2, Србија со 37,5 и Словенија со 26,5 отсто.

Дебата за спречување на сивата економија во занаетчиството

Ивона Петрова — Fri, 07 Dec 2018 06:45:46 +0000

Работејќи надвор од формалната економија, поединците ги избегнуваат даноците, административните постапки, уплаќањето социјални придонеси, даночните и трудовите регулативи. Нерегистрираните бизниси остваруваат неправична и незаконска предност во однос на занаетчиите кои ги исполнуваат законските обврски. Сивата економија штетно влијае на занаетчиските бизниси, ја уништува нивната конкурентност и создава незадоволство во занаетчискиот сектор зашто нелегалниот бизнис кој дејствува без никакви давачки делува слободно без никакви контроли и надзори. Ова се само некои од прашањата што треба да ги отвори денешната тркалезна маса „Спречување на сивата економија во занаетчискиот сектор“ чија цел е не само подигнување на свеста за спречување на сивата економија во занаетчиството, туку и поттикнување дијалог и соработка со инспекциските служби. Дебата ја организира Занаетчиската комора Скопје, а предвидено е, покрај занаетчии, да учествуваат и претставници од УСАИД, Министерството за труд и социјална политика, пазарни и трудови инспектори. МИА