Скадар – Kurir.mk

Кривична пријава за градоначалничката на Скадар поради насилните протести

Тале Кристо — Sun, 13 Dec 2020 14:16:39 +0000

Градоначалничката на северниот албански град Скадар, Волтана Адеми и уште 21 друго лице добија кривични пријава за вчерашните насилни протести во овој град, јави дописничката на МИА од Тирана. – Врз основа на истрагата, крвична пријава им е поднесена на Волтана Адеми и на 21 лице, како организатори на протестот. Тие ќе одговараат за „организирање и учество на нелегални собири и протести“. Во исто време 17 малолетници кои ќе одговрааат за „ учество во нелегални собири и демонстрации“ и „нарушување на јавниот ред и мир и уништување на имот“ ќе се бранат од слобода, стои во полициското соопштение. На вчерашниот протест во Скадар, во кој главно учествуваа млади, целосно беа уништени просториите на Социјалистичката партија. Од објектот беше извадено се што се наоѓаше во него и потоа запалено. Учесниците во протестот оштетија и други објекти. Мораше да интервенира и специјалната единица за брзи интервенции По веста за поднесена кривична пријава реагираше Адеми, која рече дека ова е напад врз неа и ја повтори претходната изјава дека веднаш ја повикала полицијата, но оти таа не одговорила навреме и не го спречила нападот врз седиштето на Социјалистичката партија. -Ова е очигледен напад врз градоначалник. Воопшто не се плашам, напротив јас ќе барам темелна и до крај истрага и расветлување на вистината, наведува Адеми. Волтана Адеми е од редовите на Демократската партија. На последните локални избори, во јуни минатата година, кои опозицијата ги бојкотираше, за градоначалник беше избран Валдрин Пјетри од Социјалиситчката партија. По обвинувањата на опозицијата и започнувањето на постапката од страна на Обинителството, Пјетри се откажа од градоначалничката фотелја на која официјално не ни седна. Тој образложи дека сака да ја докаже својата невиност како обичен граѓанин. Нови избори не беа спроведени.

По насилствата во Скадар, Рама ги спореди Мета и Бериша со терористите на Боко Харам

Тале Кристо — Sat, 12 Dec 2020 18:31:33 +0000

По денешниот насилен протест во северниот град Скадар, албанскиот премиер и лидер на Социјалстичката партија Еди Рама, ги обвини претседателот Илир Мета и поранешноот претседател Сал Бериши дека ги злоупотребуваат децата и ги спореди со терористите на Боко Харам, кои ги злопуотребуваат децата како камикази. -Терористите на Боко Харам ги користат децата како бомбаши самоубијци. Историјата познава криминални случаи со деца, но да се појави во Албанија како последно прибежиште на маскенбалот на опозициската политика, ова е крајно болно! Многу посакувам и силно верувам дека нема демократски и опозициски родител кој ја прифаќа оваа крајна злоупотреба на малолетници на водачите без татковина, без знаење и вера, без душа и мозок, на ова мизерна опозиција, со нејзината морална празнина и нејзиниот криминален карактер. Никогаш не заборавјте го ова, стои во реакцјата на Рама. Во денешниот протест во Скадар, во кој главно учествуваа млади, целосно се уништени просториите на Социјалистичката партија. Од просториите беше извадено се што се наоѓаше во нив и потоа запалено. Учесниците во протестот оштетија и други објект. За смирување на состојбата интеревенираа припадниците на специјалната полициска единца за итни интервенции. На протестот учествувала и градоначалничката Волтана Адеми, која пак за последиците од протестот ја обвини полицијата која, според неа доцнела во интервенцијата. Протест е најавен во Тирана и за вечерва. Тоа ќе биде четврт протест по убиството на 25-годишниот Клодјан Раша од страна на полициски специјалец. Поради тоа главнот град целосно е блокиран од полиција, цистерни со вода, блиндирани возила.

Во Скадар уапсени опасни криминалци, запленети блидирани автомобили, пари, оружје

Ивана Ефремовски — Thu, 06 Sep 2018 13:08:09 +0000

Албанската полиција денеска соопшти детали од големата акција за откривање криминални групи во северниот град Скадар, кои се поврзани со низа тешки кривични дела, кои, во овој град, се случија последните неколку месеци. Во акцијата насловена „Силата на законот“, покрај полицијата од регионалниот комесаријат на Скадар, биле вклучени и припадници на единицата за брза интервенција и специјалната полициска единица „Ренеа“. Во акцијата биле вклучени и снајпристи, поради оценката дека акцијата е од висок ризик. Според полицијата, извршен е претрес во 20 домови и трговски простории при што уапсени се четири лица,додека по едно лице се трага. Уапсени се Илир Рустеми, Емрах Плаку, Астмер Билали и Ероген Брајовиќ (поранешен шампион во бокс) сите од Скадар, сите и претходно познати на полицијата, а кои се сметаат за водачи на криминалните банди. Запленети се шест блиндирани автомобили, 10.500 евра, две автоматски пушки „калашњиков“, еден пиштол, околу 800 куршуми, едно студено оружје, три автомати за игри на среќа, компјутери, ДВД, ЦД, УСБ, мобилни телефони, сим картички, како и заштитни елеци. Засега, според албанските меидуми, нема информации дали полицијата идентификувала некој од сторителите на шесте „мафијашки убиства“, исчезнувањето на две лица,вујко и внук,како и информации за лицата кои вршеле рекет. Медиумите наведуваат дека во овој град на северот на Албанија делуваат најмалку 20 криминални банди. (МИА)