скафандер – Kurir.mk

За некого мајка, за некого маќеа: Граѓаните прашуваат зошто за нивните трагедии важат законите, а за пратениците ниту еден закон! (ФОТО)

Дарко Андоновски — Sun, 18 Apr 2021 19:55:49 +0000

Граѓаните се повеќе се гневни на денешниот скандал кој го предизвикаа двајцата пратеници на власта кои дојдоа иако позитивни на коронавирусот во собранието да гласаат за новите закони како и да може да се формира мнозинство на и така климавата власт на СДСМ. Светлана Јовановска преку коментар на Фејсбук прашува зошто нејзиниот брат не можеле да го видат, а не починал од коронавирус, а пратениците слободно си се шетаат во собранието. -Ако позитивен со скафандер смее да се излезе од дома, прашање директно до владата... Зошто мојот брат починат по компликации од ковид, до моментов на починување 7 дена негативен, зошто еве барем во скафандери на најблиските од семејството негово (сопругата, синовите, мене сестра му) не ни дозволивте да го испратиме по нашите христијански обичаи и најважно од се...не дозволивте да го идентификуваме дали е тој... ЗОШТО??? На погребот попот и гробарите ни запретија со полиција дека нема да ни дозволат ни да присуствуваме на погребот... значи некој и позитивен може да излезе од дома, а некој и негативен ќе замине од овој свет, ќе го закопаме а не знаеме дали е тој во црната вреќа и дали е цел во црната вреќа???, стои во нејзиниот коментар на социјалната мрежа Фејсбук.

Заболените од коронавирус воодушевени: Медицинска сестра на работа доаѓа во проѕирен скафандер и бикини (ФОТО)

Тале Кристо — Wed, 20 May 2020 12:58:45 +0000

Медицинска сестра во болница во рускиот град Тула стана хит на социјалните мрежи откако на работа пристигнала носејќи бикини, а над нив провидно заштитно одело, очила и ракавици за да се заштити од коронавирусот. Како што пренесуваат руските медиуми, фотографијата е направена во регионалната болница за инфективни болести во Тула. На фотографијата може да се види како медицинската сестра во бикини им носи лекови на пациентите. Наводно медицинската сестра одлучила да облече само бикини затоа што ѝ било премногу топло од заштитната опрема која мора да ја носи поради пандемијата на коронавирусот. Иако на пациентите не им пречело тоа што медицинската сестра работи по бикини, сепак фотографијата станала вирална и стигнала до регионалното Министерство за здравство. Од таму до медицинската сестра упатија критика, истакнувајќи дека на тој начин ги прекршува правилата за работа во здравствената институција. Според последните податоци, во Русија се регистрирани над 308 илјади заразени, додека 2,972 лица починаа како последица на коронавирусот.

Медсестре из Тулы, надевшей купальник под защитный костюм, сделали замечаниеhttps://t.co/4OMCvsiXPg

К медсестре инфекционного госпиталя в Тульской областной клинической больнице применено дисциплинарное взыскание после того, как она появилась перед пациентами в ку... #Тула #ТН pic.twitter.com/gNneemIGn9
— Тульские новости (@newstula) May 19, 2020

НАСА го претстави новиот скафандер за во Вселената

Катерина Бојаџиева — Wed, 16 Oct 2019 09:43:54 +0000

Американската Национална воздушно- вселенска агенција – НАСА проектираше нови костими кои ќе послужат во мисијата за враќање на Месечината до 2024 година. Администрацијата на Доналд Трамп во март ѝ даде задача на НАСА да спушти луѓе на нашиот природен сателит до 2024 година. Така, Агенцијата ги претстави два нови скафандера, скроени за астронаутите кои допрва ќе стапнат на Месецот. Двајца покажувачи во седиштето на НАСА во Вашингтон, ја демонстрираа удобноста и функционалноста на костимите – чекореа пред публиката, правеа склекови и покажаа како ќе изгледа вселенското движење на нулта гравитација, во рамки на програмата Артемис на Месечината. – Ова е првиот костим што сме го изработиле последниве 40-на години. Денеска гледавте прототип на „компресиски костими“. Системот за одржување на живот е во лабораторијата во Хјустон. Сакаме да им овозможиме на нашите астронаути да бидат и научници на површината на Месечината, рече Крис Хансен, директор во Одделот за конструирање вселенски костими при НАСА. Ова се скафандерите за внатре во вселенското летало. Кога астронаутите ќе се симнат на површината на Месечината, ќе имаат друг, поголем костим. Новите костими ќе овозможи многу полесно движење во леталото.