скакулци – Kurir.mk

Роеви скакулци може да го наелектризираат воздухот исто како грмотевици

Ристе Здравков — Tue, 25 Oct 2022 13:53:18 +0000

Ново истражување за влијанието на летечките скакулци на електричните полиња во атмосферата покажа дека мафтањето на ситните крилца може да го наелектризираат воздухот на сличен начин како и облаците за време на бура. Тоа не значи дека треба да почнеме да се загрижуваме заради можните наелектризирани наезди на скакулците, туку дека при изработката на модели на локализирани примероци во атмосферското електрично поле треба да се земат предвид биолошките феномени. Ако поблиску ги погледнеме атомите кои ја прават прашината, влагата и деловите од телото на инсектите, ќе видиме дека нивните електрони се тресат како ситни пари во џебот на некој кој одлучил да замине на утринско трчањем пишува Science Alert. Ако тресењето стане доволно силно, може да се исфрлат негативно набиени честички, при што доаѓа до разлика која се нарекува градиент на потенцијалот. Во текот на бурата мали честички мраз кои се издигнуваат на столбовите на воздухот може да се тријат од фрагменти кои паѓаат кон тлото, генерирајќи набои кои ги зголемуваат градиентите на потенцијалот меѓу врвот и дното на и тлото. Биологијата може да влијае на физиката Иако не можеме да го видиме самото насобирање на набојот, може да ги забележиме последиците. Откако градиентот ќе достигне критична точка, се формираат јонизирани канали и доаѓа до урамнотежување на системот во налет кој го гледаме како молња. Дуири и ако не се појави молња, зоните на спротивни набои може да влијаат на движењето на јоните, вклучувајќи разни загадувачи и честички прашина. Различни фактори може да ја одредат големината и положбата на градиентот на потелцијалот, од движењето на облаците до врнежи, но досега никој не набљудувал како на тој феномен влијаат биолошките појави. „Секогаш сме гледале како физиката влијае на билогијата. Во еден момент сфативме дека биологијата, исто така, може да влијае на физиката. Нѐ интересираше како различни организми ги користат статичките електрични полиња кои се наоѓаат речиси секаде во околината“, вели биологот Елард Хантинг, од Универзитетот Бристол во Велика Британија. Последните години сфативме дека бубачките и други безрбетници може да имаат набои со мал потенцијал во однос на околната атмосфера. Младенчињата на пајакот можеби го користат тој трик за да лансираат во височина. Наездата на скакулци и електричниот набој Но, никога ш ен е измерено како изгледа овој мал потенцијал во рововите. Затоа Хантинг и неговите колеги набљудувале роеви пчели на Ветеринарниот факултет во Бристол. Користејќи детектор за електрично поле, го следеле градиентот на потенцијал на летечкиот рој. Во текот на троминутниот лет градиентот над пчелите се издигнал на 100 волти по метар. Со подоцнежна анализа потврдиле дека напонот бил поврзан со концентрацијата на ројот, поради што научниците успеале прецизно да предвидат како одреден број пчели кои поминуваат низ некое подрачје може да влијае на набојот на атмосферата. Потоа тие пресметки ги примениле и кај други инсекти. Кога набојот на скакулците се зголемил на рој кој може да се какарктеризира како наезда, пресметале дека значителен број од нив потенцијално може да генерираат густина на набојот како оние на бура со грмотевици. Истражувањето се нарекува Observed electric charge of insect swarms and their contribution to atmospheric electricity и е објавено во магазинот iScience.

Додека светот се плаши од коронавирусот, тие се борат со инвазија од скакулци

Ивана Ефремовски — Fri, 10 Apr 2020 16:24:06 +0000

Нов, втор бран инвазија од скакулци, околу 20 пати поголем од претходниот, ја погоди Источна Африка и загрози милиони луѓе. Во средината на јануари, неколку недели пред коронавирусот да се прошири низ светот, делови од Африка беа загрозени од најголемата инвазија на скакулци во последните 70 години. Сега, неколку месеци подоцна, милијарди млади пустински скакулци ја преплавија Сомалија во потрага по свежи билки. (МИА)

ВИДЕО: Кина испраќа 100.000 патки во борбата против скакулците во Пакистан

Дарко Андоновски — Thu, 27 Feb 2020 13:01:26 +0000

Кина се подготвува да испрати 100.000 патки во соседен Пакистан за да помогне во справувањето со ројот скакулци кои ги јадат земјоделските култури, јави Би Би Си. Кинеските експерти за земјоделство велат дека една патка може да изеде повеќе од 200 скакулци на ден и да биде поефикасна од пестицидите. Пакистан прогласи вонредна состојба претходно овој месец велејќи дека бројот на скакулци бил најголем во последните две децении. Милиони инсекти, исто така, уништуваат култури во делови од Источна Африка. Кинеската Влада неделава објави дека испраќа тим на експерти на Пакистан со цел да развијат „насочени програми“ против наездата на скакулци.

"Duck troops" gather at the border to face locust swarms pic.twitter.com/1J4r3dmmJk
— CGTN (@CGTNOfficial) February 19, 2020

Лу Лижи, истражувач во академијата за земјоделски науки во Жеџианг, ги опиша патките како „биолошко оружје“. Тој рече дека додека кокошките можат да изедат околу 70 скакулци во еден ден, патка може да проголта трипати повеќе од тој број. Тој дополни дека патките остануваат во група, поради што е полесно со нив да се управува отколку со кокошките. Тестот со патките ќе се спроведе прво во кинеската провинција Синџијанг во следните месеци, по што ќе бидат испратени во најпогодените од скакулци провинции во Пакистан.

ФОТО: Инвазија на скакулци во Мека

Ивона Петрова — Sat, 12 Jan 2019 14:49:29 +0000

Најсветото место на муслиманите, Мека, го погоди инвазија од црни скакулци. Иназијата почна кон почетокот на неделата, а властите во Саудиска Арабија ангажираа 22 тимови од вкупно 138 лица да се „борат против инсектите“, наведе „Њузвик“. Тимовите се фокусирани на гнездата и местата каде се собираат црните скакулци, околу водата и водоводните цекви. Иако црните скакулци се големи штеточинци не пренесуваат зарази. Од Универзитетот „Крал Сауд“ посочија дека во Мека моментално има околу 30.000 скакулци, предупредувајќи дека можно е да се има уште една инвазија со илјадници инсекти. МИА