скарлет јохансон – Kurir.mk

Скарлет Јохансон децидна: Завршив со „Марвел“

Ристе Здравков — Mon, 24 Apr 2023 12:00:45 +0000

Скарлет Јохансон не планира да се врати во филмскиот универзум на „Марвел“. Славната актерка (38) – која дебитира како Црна вдовица во „Ајрон мен 2“, пред да глуми во серијалот „Одмаздници“ (Avengers) заедно со „Црната вдовица“ од 2021 година – не планира да глуми суперхеројка на „Марвел“ во иднина. Во текот на поткастот на „Гуп“, Скарлет разговараше со Гвинет Палтроу, која глуми како Пепер Потс во филмовите за железниот човек (Iron Man). „Беше прекрасно, најдоброто време досега. Мислам, снимањето на ‘Одмаздници’ беше многу забавно. Имав 26 години, бев сингл, ми беше забавно! Немав никаква одговорност кон никого, освен само да уживам“, рече Скарлет. „И потоа на секои две години се враќавме назад и го правевме тоа повторно и сите бевме на разни места во нашите животи. Некој доби дете, некој се венча или разведе, или повторно се венча или што и да е. Сето тоа беше летен камп за возрасни. И беше интересно… едно од најдобрите искуства“, откри актерката. „Уникатно искуство, но завршувам со ова поглавје. Направив сè што требаше да направам. Го глумев истиот лик повеќе од една деценија, доста беше“.

Скарлет Јохансон ја откри вистината за Холивуд- еве зошто таа не ги добила улогите што ги сакала

Катерина Бојаџиева — Wed, 12 Oct 2022 20:37:30 +0000

Актерката Скарлет Јохансон (37) откри со какви проблеми се соочила на почетокот на нејзината филмска кариера и објасни зошто се чувствувала „хиперсексуализирана“ и „категоризирана“. Скарлет гостувала во емисијата на Дакс Шепард каде објаснила дека на почетокот на кариерата ја сметале за постара отколку што била, па не ги добила улогите што ги сакала. – Некако станав објектизирана и затворена на овој начин, се чувствував како да не добивам понуди за работните места што сакав да ги работам. Се сеќавам дека мислев како луѓето веројатно мислат имам 40 години – изјави Јохансон. – Бидејќи сите мислеа дека сум постара и се занимавам со глума подолго, некако се протнав во таа чудна хиперсексуализирана област – рече таа и додаде дека ситуацијата и денес е поповолна за младите актерки. – Сега ги гледам помлади актери во дваесеттите години и ми се чини дека смеат да пробуваат различни работи. Дојде ново време. За среќа, веќе не ни е дозволено да се занимаваме со другите актери, нели? Луѓето се многу подинамични – рече таа. Јохансон се прослави на 17-годишна возраст со улогата на Шарлот во филмот на Софија Копола „Изгубени во преводот“ од 2003 година, а почна да глуми уште како дете.

„Дизни” и Скарлет Јохансон постигнаа спогодба на суд

Ивона Петрова — Fri, 01 Oct 2021 07:08:41 +0000

Компанијата „Волт Дизни“ и Скарлет Јохансон се спогодија околу судскиот спор околу дистрибуцијата на филмот на „Марвел“ – „Црната вдовица“. Јохансон ја тужеше компанијата, обвинувајќи дека го прекршиле договорот со објавувањето на платформата „Дизни плус“, додека филмот се емитуваше и во кината. Глумицата сметаше дека оваа одлука ја лишува од можна заработка. Подробности од договорот засега не се откриваат. – Многу сум задоволен што успеавме да постигнеме заеднички договор со Скарлет Јохансон за спорот околу „Црната вдовица“. Го цениме нејзиниот придонес во кино-универзумот „Марвел“ и со нетрпение очекуваме да работиме заедно на уште многу претстојни проекти, вклучувајќи ја и „Кулата на теророт“ (Tower of Terror), рече Алан Бергман, претставник на студиото „Дизни“. Скарлет исто така, е задоволна што успешно ги реши своите разлики со продукцискиот гигант и се радува на натамошната соработка. – Многу сум горда на работата што ја правевме заедно во текот на годиниве и многу сум среќна со мојот креативен однос со тимот на компанијата, вели таа во своето соопштение.

Вчера дознавме дека Скарлет Јохансон е бремена, а веќе денеска се породи- aктерката на свет донесе момче, а еве какво небично име доби бебето!

Магдалена Андонова — Thu, 19 Aug 2021 09:35:05 +0000

Штом ги потврдија шпекулациите за бременоста, славниот пар Скарлет Јохансон и нејзиниот сопруг Колин Јост повторно ги изненадија своите придружници. Актерката роди момче, Космо, и стана мајка по втор пат. Скарлет Јохансон и нејзиниот сопруг Колин Јост станаа родители на мало момче. Sвездата на филмот „Црна вдовица“ неодамна го роди своето второ дете, но првото заедно со Колин Јост, комичарот на шоуто „Сабота вечер во живо“. Скарлет роди момче, а среќната вест ја потврди гордиот татко, 39-годишниот Колин, кој на својот профил на Инстаграм напиша: „Добро, во ред, добивме бебе.

View this post on Instagram

A post shared by Colin Jost (@colinjost)

„Неговото име е Космо. Го сакаме многу. Исто така, ќе ве цениме доколку ја почитувате нашата приватност“ Скарлет и Колин прилично добро ги кријат деталите од нивниот приватен семеен живот, така што нејзината бременост не беше ни позната до пред неколку дена, пишува Тпортал. - Скарлет е бремена, но не сака да го открие тоа, многу добро ја чува својата приватност, рекол извор за Page Six на почетокот на летото. Конечно потврдата за бременоста ја даде самиот Колин пред неколку дена: „Ќе добиеме дете, тоа е многу возбудливо Актерката има и шестгодишна ќерка Роуз, од првиот брак. Скарлет и Колин тајно се венчаа во октомври 2020 година по тригодишна врска.

Скарлет Јохансон е бремена

Ивона Петрова — Wed, 18 Aug 2021 09:47:44 +0000

Познатата актерка Скарлет Јохансон и сопругот Колин Џост чекаат принова, официјално е потврдено на неговиот стенд-ап настап. Неколку месеци наназад се шпекулираше дека актерката е бремена, но таа тоа не го коментирала. Имено, на неговиот настао во Кентаки пред публиката открил дека тој и неговата сопруга ќе станат родители. -Ќе имаме бебе и тоа е неверојатно, возбудено рекол. Парот е во брак од 2020 година по тригодишна врска, а Скарлет од првиот брак со францускиот новинар Роман Дуриак ја има шест годишната ќерка Дороти. Колин и Скарлет се венчале во Њујорк во нивната куќа минатиот октомври, во мала и интимна церемонија.

Скарлет Јохансон го тужи „Дизни“ за стрим на „Црна вдовица“

Ивона Петрова — Fri, 30 Jul 2021 07:31:42 +0000

Глумицата Скарлет Јохансон поднесе тужба до Врховниот суд во Лос Анџелес против „Дизни“ за прекршување на договорот, откако компанијата го прикажа филмот „Црна вдовица“ на својата стрим-платформа „Дизни плус“ скоро во истовреме кога започна тој да се прикажува во кината, пренесуваат светските медиуми. Во тужбата се наведува дека Јохансон се договорила со компанијата дека нејзиниот хонорар во голема мера ќе зависи од приходите што ги има филмот. Таа изјави дека компанијата „Марвел“, во сопственост на Дизни, ветила дека долгоочекуваниот суперхеројски филм ќе има кинопремиера, па ќе следи временска рамка пред тој да се емитува на стрим-платформата. „Црна вдовица“ е своевидна „Марвелова“ верзија на филмовите за Џејсон Борн. Заработи 218 милиони долари во првиот свој викенд овој месец. Според „Дизни“, нема причини за тужба, којашто ја оцени како „особено тажна и вознемирувачка поради негрижното занемарување на страшните и долготрајни ефекти на пандемијата на светско ниво“. Во соопштението се посочува и дека „Дизни“ целосно го почитува договорот со Скарлет Јохансон и оти „згора на тоа, објавувањето на ’Црна вдовица‘ на платформата ’Дизни плус‘ значително ќе ги подобри можностите глумицата да заработи дополнителен надомест, по 20-те милиони долари што таа ги доби досега”.

Скарлет Jохансон го очекува своето второ дете

Ивона Петрова — Wed, 07 Jul 2021 09:31:50 +0000

Скарлет Jохансон е бремена и го очекува своето второ дете, а всушност, прво со сегашниот сопруг Колин Џост, кој е три години повозрасен од неа. Според наводите, глумицата поради бременоста поретко се појавуваше на промотивните настани за филмот „Црна вдовица“, којшто деновиве почнува да се прикажува во светските кина. Бременоста ѝ е во „поодмината фаза“, според западните медиуми. Скарлет Јохансон веќе ја има шестгодишната Роуз, која ја доби со поранешниот сопруг Ромен Дауријак. Таа се омажи за 39-годишниот Колин Џост – една од ѕвездите на шоуто „Во сабота навечер“ (Saturday Night Live), во октомври минатата година, по тригодишна љубовна врска.

Скарлет Јохансон се омажи по третпат

Ивона Петрова — Fri, 30 Oct 2020 10:37:54 +0000

Холивудската ѕвезда Скарлет Јохансон се омажи по третпат, и тоа за глумецот Колин Џост. Венчавката минала само како интимна свеченост за време на викендот, а веста јавноста ја дозна вчера. Џост (38), инаку, е сценарист за светски познатото „Шоу во сабота навечер“. Најскапо платената актерка од минатата година, ѕвездата на „Црната вдовица“ на Марвел, се омажи „во присуство на најблиското семејство и пријателите, согласно безбедносните препораки за Ковид-19“, се наведува во соопштението. Својот брак, таа го најави преку хуманитарната организација „Оброци на велосипед“. Јохансон и три години повозрасниот Џост се свршија во мај минатата година, по две години врска. Њујорчанката по раѓање претходно беше во брак со канадскиот глумец Рајан Рејнолдс и францускиот новинар Ромен Доријак. Јохансон периодов е актуелна и како активистка за правата на жените, меѓу другото, придружувајќи се и помагајќи го движењето „Времето истече“ (Time’s Up), коешто работи на заштита на жртвите на сексуално вознемирување и злоупотреба.

ФОТО: Убавата Скарлет Јохансон ги истакна облините

Ивона Петрова — Thu, 07 Nov 2019 10:45:20 +0000

Актерката Скарлет Јохансон деновиве е активна во промоцијата на својот нов филм „Marriage Story“. Убавата актерка се прошета на црвениот тепих во комбинација која остана без здив, а со која таа ја истакна својата фигура. Згодната русокоса која благодарение на заработката од 56 милиони долари е прогласена од Форбс за најдобро платена актерка, додека го промовира својот нов филм, не заборава да ги истакне адутите и да предизвика воодушевување во ново секси издание.

Убавицата е најплатената актерка годинава: Колку заработи Скарлет, а колку другите од врвот?

Ивана Ефремовски — Tue, 27 Aug 2019 08:01:15 +0000

Скарлет Јохансон, втора година по ред е на врвот на листата на списанието „Forbes“ за најплатена актерка. Поточно, 34-годишната актерка има годишна плата од 56 милиони долари. Таа заработи 15,5 милиони долари повеќе отколку во 2018 година, во голем дел благодарение на успехот на филмот „Avengers: Endgame”. Актерката, Софија Вергара, е единствената жена покрај Јохансон која се проби на првите десет позиции на најплатените луѓе во филмската индустрија. Претходно оваа недела, Двејн Џонсон беше прогласен за најплатен актер во последните 12 месеци, заработувајќи 89,4 милиони долари, според најновиот годишен ранг на финансиските експерти. -Значајно е дека сите десет најплатени актерки остварија повеќе од 20 милиони американски долари оваа година, за разлика од минатата година кога само две лица, Скарлет Јохансон и Анџелина Џоли, ја заработија оваа сума, јавува BBC.