скеле – Kurir.mk

Тешко повредена прилепчанка: Врз неа паднал метален предмет од скеле

Ивана Ефремовски — Sun, 11 Dec 2022 16:03:26 +0000

На 10.12.2022 во 17:30 часот во Полициска станица Прилеп С.Н.(44) од Прилеп пријавила дека околу 12:00 часот додека се движела по ул. „Борка Талески“ во Прилеп метален предмет од скеле на објект во изградба паднал врз неа, по што била пренесена во Општата болница Прилеп. Таму од лекар и се констатирани тешки телесни повреди. Се работи на расчистување на случајот.

Градежен работник паднал од скеле во Струга и се повредил

Тале Кристо — Fri, 22 Oct 2021 13:13:00 +0000

Градежен работник се здобил со тешки телесни повреди при пад од скеле додека работел на објект во струшката населба Езерски лозја, соопшти денеска СВР Охрид. Според информацијата, во Одделението за внатрешни рабпти – Струга вчера во 17.15 часот било пријавено дека 37-годишниот У.Б. од Охрид се повредил при изведување градежни работи на куќа во Струшко. – Тој е пренесен во болницата „Св.Еразмо“ во Охрид, каде му биле констатирани тешки телесни повреди, изјави портпаролот на СВР Охрид, Стефан Димоски. Полициски екипи извршиле увид на местото на незгодата.

Комбе удри во скеле, градежен работник тешко повреден

Ивона Петрова — Fri, 13 Mar 2020 10:12:55 +0000

На 12.03.2020 во 10.50 часот било пријавено дека на ул.„Поп Аврамија“ во Прилеп, товарно возило „пежо боксер“, со прилепски регистарски ознаки, управувано од Р.Ј.(46) од Прилеп, при разминување со непознато возило со десниот ретровизор удрил во дрвена необележана талпа од скеле, која била надвор од оградниот sид, по што од скелето паднал градежниот работник Т.Т.(67) од Прилеп, информираат од МВР. Во незгодата Т.Т. се здобил со тешки телесни повреди по што бил пренесен во Општата болница Прилеп за укажување на лекарска помош. Извршен бил увид на местото на настанот од Јавен обвинител и увидна екипа од Полициската станица Прилеп.

Двајца фасадери повредени по пад од скеле

Ивона Петрова — Fri, 06 Mar 2020 11:29:49 +0000

Две лица биле згрижени во гостиварската општа болница „Ферид Мурад“ со повреди кои ги задобиле при пад од објект на кој работеле. Според СВР Тетово, вчера во 11 часот, било пријавено дека додека работеле на фасада на станбена зграда во гостиварска Долна Бањица, Х.Џ.(53) од тетовско Гајре и Ф.З.(37) од Тетово, паднале од метално скеле. Повозрасниот Х.Џ. се здобил со тешки, а Ф.З. со телесни повреди. Двајцата повредени работници пренесени се во гостиварската болница „Ферид Мурад“ за укажување на лекарска помош. По пријавата на местото на настанот, увид извршила екипа од Одделението за внатрешни работи Гостивар.

Работник тешко повреден, паднал од импровизирано скеле

Ивана Ефремовски — Tue, 27 Aug 2019 14:20:48 +0000

На 26.08.2019 околу 15:00 часот во Полициската станица Гостивар било пријавено дека И.Б.(53) од с.Врбјани, додека изведувал градежни работи, паднал од импровизирано скеле, при што се здобил со тешки телесни повреди. Тој бил пренесен во Ургентен центар Гостивар, каде му била укажана лекарска помош. Се преземаат мерки за расчистување на случајот.

Работник загина по пад од скеле

Дарко Андоновски — Thu, 28 Feb 2019 09:38:42 +0000

Работник загина по пад од скеле во Битола. Несреќата се случила вчера околу 11.45 часот, кога во СВР Битола било пријавено дека на Градскиот стадион во Битола, при изведување градежни работи на објект во изградба, Д.Д.(58) од село Црнобуки, Битолско, паднал од скеле на бетонска подлога. Од екипа на Итна медицинска помош бил пренесен во Клиничката болница во Битола каде му биле констатирани тешки телесни повреди, а во 19.30 часот починал. Увид на местото извршила екипа од СВР Битола во присуство на трудов инспектор. Се преземаат мерки за расчистување на случајот.