Скелет – Kurir.mk

Скелет од Т-рекс наскоро на наддавање

Ивона Петрова — Mon, 13 Mar 2023 11:47:29 +0000

Скелет на тираносаурус-рекс, вид диносаурус што живеел пред 67 милиони години, во Швајцарија на 18 април, ќе биде ставен на аукција, објави аукциската куќа „Колер“. Т-рексот наречен „Тринити“, целосен примерок со речиси 3,9 метри височина и 11,6 метри должина, според каталогот на куќата со седиште во Цирих, е проценет меѓу 6,11 и 8,15 милиони евра. Меѓутоа, според наводите, скелетот е составен од повеќе делови од различни Т-рекс фосили најдени меѓу 2008 и 2013 година во сојузните држави Монтана и Вајоминг во САД. „'Тринити' е еден од поспектакуларните постоечки Т-рекс скелети, добро сочуван и извонредно реставриран фосил“, се вели во соопштението. Ова ќе биде „третпат во светот и првпат во Европа“ скелет на тираносаурус-рекс да биде ставен на продажба, објави „Колер“, од каде што уверуваат во реткиот квалитет на скелетот.

Во Хрватска пронајден скелет на дете од пред 6.500 години

Катерина Бојаџиева — Thu, 10 Nov 2022 09:57:47 +0000

Архолозите од Музејот на градот Винковци во Хрватска, на археолошкото наоѓалиште Заблаќе пронајдоа праисториски останки на дете на возраст од три до шест години, кое починало пред приближно 6.500 до 7.000 години, во времето на младото камено доба и Сопотската култура. „Иако на подрачјето на Винковци и винковичкиот крај имаме повеќе од 50 населби од Сопотската култура, од коишто некои се поголеми од 30 хектари, ова е само петто потврдено тело од тој период“, соопшти градскиот Музеј. При археолошки истражувања во 2014 година биле пронајдени три скелети на истото место. Станува збор за наоѓалиштето каде што тогаш првпат се документирани остатоците од Сопотската култура, а сега се работи на истражување на јужниот раб на праисториската населба.

УЖАС: Остатоци од човечки скелет најдени во канал во Скопје

Ивана Ефремовски — Mon, 26 Sep 2022 14:11:28 +0000

На 25.09.2022 во 14.07 часот во Полициската станица Ѓорче Петров било пријавено дека во канал покрај пругата во близина на ул.„Радушка“ биле пронајдени остатоци од човечки скелет завиткани во крпа.

Увид бил извршен и се преземаат мерки за расчистување на случајот.

ВИДЕО: Скелет на горгосаурус стар 77 милиони години оди на аукција, може да достигне цена од 8 милиони долари

Ивона Петрова — Thu, 07 Jul 2022 06:47:06 +0000

Скелет на диносаурус горгосаурус ќе биде првпат на аукција и се очекува дека ќе достигне цена меѓу пет и осум милиони американски долари, објави аукциската куќа Сотби. Аукциската куќа скелетот на диносаурусот кој е висок три метри и долг 6,7 метри, ќе го стави на продажба на 28 јули. Сотби тврди дека тоа е еден од „највредните диносауруси кои некогаш се појавиле на пазарот“. Горгосаурусот бил на Земјата пред околу 77 милиони години. Возрасниот мајжак тежел околу два тони, а бил помал по раст од својот роднина тираносаурус рекс. Палеонтолозите велат дека бил побрз и пожесток од Т-Рекс со посилно каснување. Скелетот бил пронајден покрај реката Џудит во американската држава Монтана во 2018 година. Ова е првпат Сорби на аукција да стави скелет од цел диносаурус откако во 1997 година го продаде Т-Рексот наречен Су за 8,36 милиони долари. -Сите останати примероци на горгосаурусот кои се пронајдени се наоѓаат во музеи. Ова е единствен кој може да го купите, па токму затоа е возбудлив момент и за приватните колекционери и за институциит, изјавила за АФП, Касандра Халтон која го води одделението за наука и популарна култура во аукциската куќа. За разлика од останатите земји, САД не ја ограничува продажбата или извозот на фосили што значи дека скелетот би можел да заврши во странство.

Measuring 10 feet tall and 22 feet long, meet the first ever #Gorgosaurus skeleton to be offered at auction. 🦖 Watch as our #Dinosaur is put together in our #SothebysNewYork galleries, open for viewing 21 July ahead of its sale in our #GeekWeek auction 28 July. pic.twitter.com/dqR9oIUh16
— Sotheby's (@Sothebys) July 5, 2022

Дете пронајде редок скелет на диносаурус во Канада (ФОТО+ВИДЕО)

Магдалена Андонова — Fri, 16 Oct 2020 07:23:57 +0000

Едно 12-годишно момче од Канада, при едно свое аматерско истражување, открило редок скелет на диносаурус стар 69 милиони години. Нејтан Храшкин рече дека бил „буквално без зборови“ кога ги видел коските. – Бев толку шокиран, што не бев ни возбуден, иако знам дека требаше да бидам, изјави момчето за Би-би-си. Младиот палеонтолог го истражувал тн. Провинцијален парк на диносаурусите во областа Алберта, близу Калгари, којшто е богат со фосили, заедно со неговиот татко. Во јули тие забележале како се наѕираат стари коски од една карпа, а деновиве заврши и целосното нивно ископување на скелетот на диносаурусот. Нејтан, кој е заинтересиран за диносаурусите од шестгодишна возраст, често со својот татко, го истражува ова заштитено подрачје во Канада. Бидејќи момчето знаело дека фосилите се заштитени со закон, па веднаш го известиле надлежниот музеј. Стручњаците потоа откриле меѓу 30 и 50 коски кои му припаѓале на млад хадросаур, за кој се проценува дека бил стар околу три или четири години. – Порано, како и на повеќето деца, и мене омилен диносаурус ми беше тираносаурус-рекс. Но, сега го обожавам хадросаурусот, рече Нејтан додавајќи дека едвај чека да го види неговото откритие во музејот. Оттаму пак, велат дека фосилот, стар околу 69 милиони години, е многу редок наод. (МИА)

Необичен скелет од хуманоид пронајден кај Ла Манш

Дарко Андоновски — Thu, 29 Nov 2018 13:06:09 +0000

На островот Гернзи во Ла Манш, археолозите пронашле скелет што на многумина ќе им изгледа необично, како да припаѓал на суштество со едно око, а не на човек. Скелетот во гробот, како што претпоставуваат стручните лица, му припаѓал на човек висок 152 сантиметри… Но, тој има чуден облик на нозете, невообичаена структура на коските, плоснато лице и само една голема очна празнина, така што обичен човек да си помисли дека останките се од киклоп. Сепак, стручните објаснувања и претпоставки говорат дека човекот најверојатно починал од директен удар во лицето којшто му го скршил черепот, па така, наместо две очни празнини, на тоа место има една поголема кругла празнина. Се претпоставува дека се работи за скелет на монах, но лабораториските испитувања допрва претстојат.

Сензационално откритие на археолозите: Скелет на праисториско бебе ја крие тајната за населувањето на Америка

Александар Михаилов — Fri, 05 Jan 2018 14:57:17 +0000

Додека го проучувале пронајдениот скелет на праисториското бебе, научниците врз основа на ДНК анализите, заклучиле дека тоа бебе е припадник на најстарите колонизатори на Америка кои што некогаш се откриени. Резултатите од истражувањата сугерираат на тоа дека Алјаска е населена пред 25 илјади години, односно дури 10 илјади години порано од досегашните претпоставки на археолозите. „Факт е дека оваа популација е постара од другите познати групи на староседелци што е многу важен податок кога станува збор за населувањето на Америка“, истакна професор Еск Вилерслев од Кембриџ кој што е ко-автор на студијата. Оваа нова популација научниците ја нарекоа „Древни Берингијанци“, а се смета дека падот на нивото морето во тоа време во Беринговиот проток можело да резултира со суша на тоа подрачје. Врз основа на добиените резултати, научниците тврдат дека бебето живеело на подрачјето познато како „Апворд Сан Ривер“ на Алјаска. Скелетот на пронајденото бебе се проценува дека е стар околу 11,500 години. Споредувајќи ги генетичките сличности и разлики со другите луѓе од тоа време, научниците успеале да заклучат дека до миграцијата од Азија во Америка дошло многу порано од тоа што досега се претпоставувало. „Овие нови информации ќе ни овозможат подетално да ја истражиме историјата на населувањето на Америка, нешто што е очигледно многу посложено од тоа што досега мислевме“, изјави антропологот Ден Потер од универзитетот на Алјаска кој што е еден од лидерите на студијата.