скенирање – Kurir.mk

Жените скенираат повеќе фискални од мажите во Македонија

Ристе Здравков — Mon, 03 Jul 2023 07:54:10 +0000

Според директорката на УЈП, Сања Лукаревска, за четири години, преку „Мој ДДВ“, кај граѓаните се вратени 6,6 милијарди денари или 107,5 милиони евра. Во овој период, според структурата на корисниците, 293.348 се жени и 245.571 се мажи, а во десетина градови во Македонија граѓаните најмногу скенираат фискални сметки. Топ-10 градови се: Штип, Валандово, Кичево, Битола, Велес, Скопје, Прилеп, Кочани, Неготино и Гевгелија. Најмногу скенирани сметки се од синџирите маркети и бензински пумпи, а најбројни меѓу корисниците што скенираат сметки се оние на возраст од 31 до 50 години, пренесува Вечер. „Мој ДДВ“ е успешен проект со кој за четири години кај граѓаните се вратени 6,6 милијарди денари или 107,5 милиони евра. Како што информира директорката на УЈП, Сања Лукаревска, луѓе на различна возраст скенираат сметки, а според структурата на корисниците на „Мој ДДВ“, 293.348 се жени и 245.571 се мажи. – До 18 години се 2.596 лица со вкупно над два милиона скенирани сметки, од 19 до 30 години се 99.749 со над 156 милиони скенирани сметки, од 31 до 50 години се 243.202 корисници со вкупно над 508 милиони скенирани сметки, од 51 до 61 година се 93.673 корисници со вкупно над 203 милиони скенирани сметки и над 61 година се 78.278 корисници со над 150 милиони скенирани сметки – вели Лукаревска. Според презентираните податоци за регистрирани корисници на „Мој ДДВ“ низ годините, во 2019 имало 213. 055 корисници, во 2020 нови 149.753, додека во 2021 нововклучени се 74.668 корисници. Во 2022 година, дополнително се вклучени нови 70.314 и во 2023 нововклулени се 31.129 или вкупно 538.919 корисници. Лукаревска сподели и податоци за исплата на „Мој ДДВ“ по години. Така, во третото и четвртото тримесечје во 2019 година биле исплатени 155.344.780 денари, во 2020 година 1.270.015.383 денари, во 2021 година 1.787.906.568 денари, додека, пак, во 2022 година – 2.164.342.418 денари. За првото тримесечје од годинава се исплатени 1.235.036.033 денари. Топ-10 градови каде што граѓаните најмногу скенираат фискални сметки се: Штип, Валандово, Кичево, Битола, Велес, Скопје, Прилеп, Кочани, Неготино и Гевгелија. Најмногу скенирани сметки се од синџирите маркети и бензински пумпи. Лукаревска нагласи дека проектот позитивно се одразува и врз подигнувањето на даночниот морал, досега биле поднесени 5.632 претставки за неиздадени фискални сметки. Со тоа, според неа, се намалуваат нелојалната конкуренција и сивата економија. Засега, посочи Лукаревска, најбројни се корисниците од 31 до 50 години што скенираат сметки. Задоволен од постигнатите резултати е и министерот за финансии Фатмир Бесими. Тој смета дека системот на враќање на дел од ДДВ-то на граѓаните овозможил секој граѓанин да стане даночен контролор за своите потрошени пари и да биде награден за тоа преку враќање на дел од данокот. – Оваа мерка ја остварува својата цел за која е воведена, а тоа е намалување на сивата економија и зголемување на евидентираниот промет преку фискалните системи на опрема. Низ годините се евидентираат зголемен број корисници и зголемени износи за враќање на дел од данокот, како и зголемени приходи од ДДВ. Од оваа година, со донесените законски измени предложени од Министерството за финансии, на граѓаните им се врши и зголемен поврат – од 1.800 денари на 2.100 денари во едно тримесечје – потсети министерот Бесими.

СЕ АЖУРИРА АПЛИКАЦИЈАТА „МОЈДДВ“: Еве како сега да скенирате сметка (ФОТО)

Ристе Здравков — Fri, 22 Jul 2022 11:42:58 +0000

Од УЈП велат дека фискалните сметки кои не може да се скенираат преку оваа опција може да се скенираат на киосците и баркод читачите што се поставени во просториите на Управата за јавни приходи. Управата за јавни приходи информира (УЈП) дека апликацијата „Мој ДДВ“ се ажурира, но тоа не значи дека не може да се скенираат сметките. Треба да се не направат некои измени во мобилната апликација и скенирањето може да се заврши. – Во делот „профил“ во прозорчето „тип на баркод скенер“ каде што сега стои „напреден“ да се избере опцијата „основен“.

УЈП со ново известување за граѓаните кои скенираат фискални сметки

Ристе Здравков — Thu, 21 Jul 2022 12:31:07 +0000

Од Управата за јавни приходи (УЈП) информираат дека во тек е прилагодување и ажурирање на апликација МојДДВ. „За да може да се скенираат фискалните сметки потребно е во апликацијата во делот „ПРОФИЛ“ во прозорчето „Тип на баркод скенер“ каде што сега стои „Напреден“ да ја изберете опцијатата „Основен“, велат од УЈП. Од таму се додава дека фискалните сметки кои не може да се скенираат преку опцијата „Основен“, може да се скенираат на киосците и бар код читачите што се поставени во просториите на Управата за јавни приходи. „По завршување на овој процес, Управата за јавни приходи ќе извести, повторно да ја вратите опцијата „Напреден“ при скенирање на фискалните сметки. Појаснување за прилагодувањето, следете ги чекорите“, велат од УЈП.

Радосна вест за тие што скенираат сметки, „Мој ДДВ“ ќе носи поголема добивка

Ристе Здравков — Fri, 01 Jul 2022 10:05:44 +0000

Во координација со министерот за финансии во наредниот период ќе поднесеме предлог за измена на Законот за поврат на ДДВ за физички лица, најави директорката на Управата за јавни приходи (УЈП), Сања Лукаревска на денешната прес-конференција. „Мерката „Мој ДДВ“ го слави третиот роденден. Со повратот на дел од данокот на додадена вредност, кај граѓаните вративме 4,2 милијарди денари. Измената на Законот е со цел од 1 јануари во 2023 година, да се зголеми лимитот на поврат на ДДВ. Граѓаните наместо 1.800 денари за тримесечје, да можат да добијат максимални 2.100 денари за скенираните сметки преку апликацијата „Мој ДДВ“. Со ова даваме дополнителен стимул и кај граѓаните и кај компаниите“, објасни Лукаревска.

Што гледа човекот кога умира? Научниците за прв пат скенираа мозок на маж кој бил на смртна постела – ова дефинитивно никој не го очекувал!

Магдалена Андонова — Wed, 23 Feb 2022 10:26:26 +0000

За прв пат досега, научниците ја снимиле активноста на човечкиот мозок што умира, откривајќи дека ги покажува истите модели како што се гледаат за време на сонот, меморијата и медитацијата, откри новото истражување. Наодите објавени во списанието Frontiers in Aging Neuroscience во вторникот покажаа снимање на активност кај 87-годишен пациент кој бил поврзан на електроенцефалографски апарат (ЕЕГ) за откривање напади и лекување на пациент кога ненадејно доживеал срцев удар и починал. Деветстотини секунди од мозочната активност измерена во моментот на смртта на пациентот се опишани како слични на „сеќавање на животот“. Искуството, кое се споредува со она што се случува околу искуството блиску до смртта, потенцијално одговара на прашањето за мозочната активност во моментот, што ги збуни невронаучниците. - Со генерирање на осцилациите вклучени во обновувањето на меморијата, мозокот може да го репродуцира последниот потсетник за важни животни настани непосредно пред нашата смрт, вели д-р Ајмал Земар, неврохирург од Универзитетот Луисвил во САД, кој го организирал истражувањето. Истражувачите сугерираат дека наодите би можеле да значат дека мозокот останува активен и координиран додека поединецот умира, дури и по смртта. Земар додаде дека „овие наоди го предизвикуваат нашето разбирање за тоа кога точно завршува животот и генерираат важни подоцнежни прашања, како што се оние поврзани со времето на донирање органи“. Студијата е прва што ја испитува живата мозочна активност на лице што умира, но слични наоди во осцилациите се забележани кај стаорци чувани во контролирана средина. Бидејќи пациентот претходно претрпел повреди на мозокот поради напади и отоци, истражувачите прифаќаат дека податоците се комплицирани, а Земар изјавил дека планира да спроведе дополнителна истрага за да ја потврди својата првична студија.