ски сезона – Kurir.mk

ФОТО: Снегот натрупа на Попова Шапка – Утре почнува ски – сезоната, еве колку ќе чинат билетите

Ивона Петрова — Sat, 21 Jan 2023 13:53:15 +0000

По снежните врнежи изминативе денови, од Ски центарот Попова Шапка информираат дека утре официјално ја започнуваат новата ски сезона. Велат, се е подготвено за новата сезона. Ски лифтовите и жичниците ќе работат од 8:45 часот до 15:30 часот. Работното време на билетарниците ќе биде од 8 до 16:15 часот, а ноќното скијање ќе се одвива од 19 до 22 часот. Во продолжение погледнете ја цената на билетите. Напомена: при купување на секој билет се наплатува кауција од 400 денари, а средствата се рефундираат на билетарница при враќање на ски-билетот. Според последните податоци снежната покривка на Попова Шапка е околу 40 сантиметри.

Заврши зимската ски сезона на Попова Шапка

Ивона Петрова — Sun, 11 Apr 2021 12:42:16 +0000

Ски-центарот „Попова шапка“ ги информира сите љубители на скијањето дека заклучно со денес (11.04.2021) завршува зимската сезона во Ски-центарот “Попова Шапка”. -Им се заблагодаруваме на сите скијачи што оваа година ни укажаа доверба како никогаш досега и го одбраа нашиот Ски – центар за уживање во зимските спортови. Оваа година направивме многу, но имаме уште многу што да направиме, стои во објавата.

Утре почнува ски-сезоната на Попова Шапка

Дарко Андоновски — Wed, 16 Dec 2020 15:19:36 +0000

Со целодневно бесплатно ставање во функција на ски-лифтовите, Попова Шапка утре ја отвора скијачата сезона. Работата на ски-лифтовите ќе почне од 9.00 часот. Ланскиот сезонскиот ски-билет ќе важи и оваа скијачка сезона, а останатите билети остануваат со иста цена. Новина е можноста за туристички разглед со снеготапкач. -Скијачкиот центар е целосно подготвен и екипиран за непречено и безбедно функционирање на ски-терените. Спроведени се редовните технички подготовки и активности за почеток и тек на новата ски-сезона, извршено е обележување на постојните патеки, а скијачките терени се подготвени со помош на машините за подготовка на скијачките патеки. За утрешното скијање во функција ќе бидат ставени жичарниците „Св. Илија“ и „Церипашина“ и ски – лифтовите „Аеродром“ и „Ге“, информираат од Попова Шапка. Дневниот билет, кој важи од 9 до 15:30 часот, ќе се продава по цена од 1.000 денари, додека полудневниот билет, кој важи од 12 до 15:30 часот, е 700 денари. Билетот за ноќно скијање, кој важи од 19 до 22 часот, е 500 денари. За сите билети се наплаќа повратна кауција во висина од 150 денари. Новина е можноста за туристички разглед со снеготапкач по цена од 6.500 денари од час, велат од ски центарот. Сите што имаат лански сезонски ски-билети треба да отидат во хотелот „Попова Шапка“ за да им бидат активирани и ставени во функција.