ски скокови – Kurir.mk

Александрија Лутит скокна 222 метри

Бошко Тасиќ — Sat, 18 Mar 2023 16:54:24 +0000

Канаѓанката Александрија Лутит постави нов светски рекорд за жени на леталницата во Викерсунд, Норвешка. Во третата тренинг серија Лутит скокна 222 метри и со тоа го подобри рекордот на Словенката Ема Клинец, која во првата серија имаше скок од 203 метри. Словенката денеска стана првата ски-скокачка која ја прескокна магичната граница од 200 метри. Норвежанката Марен Лундби (212,5 м) и Јапонката Јуки Ито (200) прелетаа над 200 метри во третата серија.

Словенците најдобри во тимските ски-скокови

Бошко Тасиќ — Sun, 05 Mar 2023 07:12:05 +0000

Словенечката репрезентација во ски скокови ја освои титулата светски шампиони во екипна конкуренција на Светско првенство кое се одржа во Планица. По олимпиското сребро во оваа дисциплина лани во Пекинг, Словенците направија чекор напред и на домашен терен стигнаа до првото злато во екипна конкуренција на големите натпреварувања. Словенечкиот златен тим го сочинуваа Ловро Кос, Жига Јелар, Тими Зајц и Анже Ланишек. Сите четворица прелетаа над 130 метри во двата скока и освоија вкупно 1178,9 поени. Ова е трет медал за Словенија на СП во Планица, по бронзата во екипна конкуренција во мешани скокови и златото на Тими Зајц во поединечна конкуренција. Среброто го освои Норвешка, додека бронзата ја освоија Австријците.

Словенецот Тим Зајц со неверојатен лет стана светски првак

Бошко Тасиќ — Fri, 03 Mar 2023 20:34:18 +0000

Заврши Светското првенство во скијачки скокови што се одржува на Планица, а вечерва Словенците имаа голема причина за славење. Тим Зајц со неверојатен лет на големата скокалница ја освои титулата светски првак. Тоа го стори благодарение на феноменалниот лет во втората серија.Зајц слета на 137 метри, а вкупно имаше 144 поени. Изведе перфектен скок, доби одлични оценки, а покрај сѐ имаше и позитивен ветар. Второпласираниот Рјоју Кобајаши од Јапонија заостана за 10,7 поени по двата скока, а полскиот претставник Давид Кубачки ја освои бронзата.

Тими Зајц со 161 метар ја прелета скокалницата во Вилинген

Бошко Тасиќ — Sat, 04 Feb 2023 18:43:31 +0000

Тими Зајц, носен од силен ветер, на натпреварувањето во мешани тимови во Вилинген, Германија, прескокна 161,5 метри. Зајц не успеа да остане на нозе по неверојатниот скок, поради што не се вбројува како нов рекорд. Падна, се лизна и потоа се фати за коленото. За среќа, информациите велат дека 22-годишниот ски скокач од Словенија нема сериозна повреда, што го потврди и неговиот селектор Роберт Хргота. Рекордот од 2021 година го држи Полјакот Клеменс Муранка, кој прескокна 153 метри. Првата рунда скокови се одржа во лоши временски услови, со многу ветер, поради што организаторите одлучија да нема втора серија. Во такви услови Зајц мораше трипати да се помести од стартот бидејќи трипати пистата се поместуваше. Инаку, скокалницата во Вилинген е долга 130 метри. Норвешка на крајот го освои првото место со 415 бодови. Австрија беше втора со 415 поени, Германија трета со 409,8 поени, Јапонија четврта со 375,8, а Словенија петта со 367,4 поени.

Жига Јелар изведе „луд“ скок во Кулм, но нема да биде признат за нов рекорд

Бошко Тасиќ — Sun, 29 Jan 2023 15:39:57 +0000

Словенецот Жига Јелар пред два дена постигна резултат од 247,5 метри на тренинг на ски летовите во Кулм, Австрија. Сепак, бидејќи се работи за скок изведен на тренинг, а Јелар при слетувањето ја допре земјата со раце, резултатот нема да биде прифатен како нов рекорд. Вистинскиот рекорд на скокалницата во Кулм беше поставен во 2016 година од неговиот сонародник Петер Превц, кој прелета 244 метри на третиот по големина „аеродром“ во светот. Вчера во Кулм се одржа официјалното прво натпреварување во сезоната. Првото место го освои Норвежанецот Халвор Егнер Гранеруд со летови од 238 метри и 231 метар. Втор беше Австриецот Стефан Крафт, кој прескокна 232,5 и 234 метри. Третото место го зазеде Домен Превц со резултати од 236 и 224 метри.

Гранеруд и Кобајаши победници во Лахти

Бошко Тасиќ — Sun, 27 Feb 2022 20:48:25 +0000

Натпреварувањето во ски скокови во финскиот Лахти донесе необична ситуација во која двајца скокачи ја поделија победата – Норвежанецот Халвор Егнер Гранеруд и Јапонецот Рјоју Кобајаши имаа идентични 278.0 поени. Кобајаши скокна 125 и 130.5 метри, додека Гранеруд скокна 127 и 128.5 метри за да го споделат подиумот, додека третото место го освои победникот од петокот, Штефан Крафт со 271.3 поени и скокови од 124 и 128 метри. Ова беше втора победа на Гранеруд оваа сезона и 13. во Светскиот куп, додека Кобајаши сега има осум победи во 2021/22 и 27. во кариерата. Со победата, Кобајаши го помина Германецот Карл Гајгер во генерален пласман, откако тој беше само петти и сега разликата е 43 поени. Светскиот куп се сели во Осло, Норвешка следниот викенд.

Кобајаши победи на скокалницата во Вилинген

Бошко Тасиќ — Sun, 30 Jan 2022 09:22:33 +0000

Јапонскиот ски-скокач Рјоју Кобајаши победи на натпреварот во Вилинген. Победникот во Вилинген беше решен по само една серија затоа што втората не се одржа поради лошите временски услови. Победникот на Новогодишната турнеја, до победата стигна со скок од 145 метри, кој му донесе 115,6 поени. На второто место, со скок од 143 метри (111,6 поени), го освоиХалвор Граневуд од Норвешка, трет беше неговиот сонародник, Маријус Линдвик, со скокот од 137 метри (107 поени)

Светската титула во ски-скокови за тимот на Германија

Бошко Тасиќ — Sat, 06 Mar 2021 21:08:20 +0000

Германија во состав Пиус Пашке, Северин Фројнд, Маркус Ајзенбихлер и Карл Гајгер собра 1046,6 поени за вкупна победа. Германците имаа 11,1 поен повеќе од второпласираната Австрија, за која настапи и актуелниот светски шампион на големата скокалница Штефан Крафт. Бронзени се Полјаците која остана со 15,4 поени помалку од победниците, а во тимот го имаа и светскиот шампион на малата скокалница Пјотр Жила. .

Австриецот Штефан Крафт е нов светски шампион во ски-скокови

Бошко Тасиќ — Sat, 06 Mar 2021 08:43:19 +0000

Австриецот Штефан Крафт е нов светски шампион во ски скокови откако беше најдобар на големата скокалница во Оберсдорф. Крафт имаше најдобар скок во првата серија иако во втората беше нешто послаб, но освои вкупно 276,5 поени. Зад него се пласирашњ Роберт Јохансон од Норвешка (-4,4 поени) и Германецот Карл Гајгер (-9,1 поен). Во ски скоковите останаа уште тимското натпреварување на големата скокалница кое ќе се одржи во сабота .

Полјакот Пјотр Жила светски шампион во ски-скокови на малата скокалница во Оберздорф

Бошко Тасиќ — Sun, 28 Feb 2021 08:30:00 +0000

Полскиот ски-скокач Пјотр Жила е победник на натпреварот од Светското првенство на малата скокалница во Оберздорф, Геманија. Жила до златото стигна со скокови од 105 и 102,5 метри или вкупно освоени 268,8 бодови. Второто место и сребрениот медал му припадна на домашниот натпреварувач Карл Гајгер со 265,2 бода (103.5 и 102 метри). Бронзениот медал го освои третопласираниот Анже Ланишек од Словенија кој забележа скокови со должина 102,5 и 101 метар доволни за 261,5 бода.