Том Круз наводно веќе не е дел од скиентолошката заедница

Катерина Бојаџиева — Mon, 21 Aug 2023 09:33:23 +0000

И покрај тоа што е познат како „златното момче“ на скиентологијата веќе со десетлетија, наводно, Том Круз престанал да го посетува седиштето на британската заедница, и покрај тоа што престојува во Велика Британија околу три години додека ги снима своите најнови филмови. Тоа повторно ги поттикна гласините дека ѕвездата од „Топ ган“ и „Невозможна мисија“ веќе не е дел од скиентолошката заедница. Ова не е првпат да се говори за „оддалечувањето“ на Круз од скиентологијата. Гласините почнаа во 2021 година, кога американските медиуми пишуваа дека Круз има „религиозна криза“, наводно обидувајќи се „да се ребрендира“ како „филмска мегаѕвезда“, наместо „г-н скиентологија“. Круз сѐ уште не ги коментирал овие наводи. Глумецот е поврзан со верската заедница наречена скиентологија (сајентологија) скоро 40 години, откако неговата прва сопруга Мими Роџерс го запознала со тоа учење, пишува „чит шит“ (Cheat Sheet). Се пишуваше и дека тој наводно се обидел да привлече повеќе ѕвезди од светската сцена, поради што се распаднале повеќе бракови и врски, па дури и дека наводно таа црква му наоѓала нови партнерки на Круз.

Планирал да се одрече од својата ќерка: Том Круз целосно се оддаде на верата

Магдалена Андонова — Fri, 14 Aug 2020 11:56:11 +0000

Популарната 41-годишна актерка, Кејти Холмс, е позната не само по добрата глума во серијалот „Dawson's Creek“, туку и по бракот со Том Круз, кој заврши пред осум години. Поради голем број несогласувања и сосема различни мислења, според извештаите на странските медиуми, 58-годишниот холивудски заводник „ја доведе Кети на работ од нервен слом“ со неговата опсесија со Скиентологијата. Иако е веќе добро позната тема, Госип Коп пишува дека актерката неодамна добила понуда да биде гостинка во шоуто и да ги открие апсолутно сите детали за опсесијата на Том и влијанието на Скиентологијата врз неа и нивната 14-годишна ќерка Сури. Ако некој научил многу за него и неговата опсесија со Скиентологијата, тоа е неговата сопруга Кејти Холмс. Тие беа во брак повеќе од шест години, а имаат и 14-годишна ќерка Сури, од која Том сакаше да се откаже бидејќи не можеше да ја однесе со себе на „вистинскиот пат“ на Скиентологијата. Имено, како што пишуваат странските медиуми, актерката неодамна доби покана да биде гостин кај водителката Леја Ремини, која исто така се занимава со приказни за Скиентологијата во своето шоу. Овој месец, презентерката сакаше поранешната сопруга на Том Круз да ги сподели своите искуства како набљудувач на целата ситуација. Скиентологијата е инаку позната по тоа што верува дека човекот е бесмртно духовно битие, а Том веќе имал судири и негативни ситуации во неколку ситуации со колегите и познаниците кои имале различни мислења од неговото. Имено, водителката на шоуто не е во толку добри односи со Том, па тоа би можело да биде дополнителна причина зошто таа ја поканува неговата поранешна сопруга во шоуто, која лесно можеше да го омаловажува. Се претпоставува дека Кејти, доколку се согласи да биде гостинка, би можела да ги открие темните детали од брачниот живот за кои никогаш порано не зборувала. Сепак, познато е и дека, иако тие се разведоа пред многу време и имаа многу проблеми со старателството над нивната ќерка, поранешните сопружници настојуваат да градат и одржуваат пријателска врска. Додека во неколку наврати зборуваше за брачните проблеми предизвикани единствено од верата на Том, Кејти никогаш не се „отвори“ целосно.

Скиентологија – Kurir.mk

Том Круз наводно веќе не е дел од скиентолошката заедница

Планирал да се одрече од својата ќерка: Том Круз целосно се оддаде на верата