скијачи – Kurir.mk

Ски центарот Попова Шапка со важно известување до скијачите

Ивона Петрова — Sun, 27 Dec 2020 10:11:00 +0000

Ски центарот Попова Шапка преку социјалните мрежи упати известување до сите лубители на скијањето. -Ски центарот Попова Шапка ги известува сите лубители на скијањето дека денес центарот работи. Поради лошите временски услови ве замолуваме да бидете внимателни. За денес поради ваквите околности во оптек ќе биде полудневен билет со целодневна важност, информираат од ски центарот.

ФОТО: Големи лавини во швајцарските Алпи, не се знае бројот на затрупани скијачи

Ивона Петрова — Fri, 27 Dec 2019 09:23:24 +0000

Најмалку две лица се повредени, а се стравува дека е можно да има уште многу затрупани кога лавина минала преку скијачка патека во скијачкиот центар во Андермат, јавија хрватските медиуми. Лавината се спуштила вчера во непосредна близина на швајцарскиот град Андермат, додека многу скијачи уживале на планиското сонце еден ден по Божиќ, пренесоа американските медиуми. Портпаролот на полицијата изјави дека станува збор за голема лавина, а спасувачките екипи веќе пренеле двајца полесно повредени во болница. Во меѓувреме, почната е голема акција на трагање по повеќемина исчезнати скијачи откако четири лавини ги погодија скијалиштата во Австрија и Швајцарија. Скај њуз јави дека австрискиот центар Анкогел е погоден од три лавини. На патеките во моментот на лавините имало многу скијачи, јавија медиумите. На терен се наоѓаат повеќе од 60 спасувачи, хеликоптери и кучиња трагачи. Швајцарската полиција на вонредна прес конференција порача дека повеќе лица се однесени на носилки. „Пријавена е голема бројка на затрупани“, изјави шефот на оперативната кандонална полиција Рето Пфистер, додавајќи дека станува збор за голема лавина. Во акцијата на пребарување и спасување учествувале три хеликоптери. Во акцијата помагаат и итни медицински сили, шумска служба за спасување и 20 цивили кои спонтано се приклучиле кон акцијата. Шестмина се спасени од снегот и сите се швајцарски државјани. Двајца се префрлени во болница, а четворица се повредени. Засега нема пријави за исчезнати лица, но полицијата се сомнева во можноста уште луѓе да се затрупани, па затоа акцијата продолжува.

Руски скијачи се изгубиле на Копаоник: Спасувачите тргнале пеш и ги спасиле

Ивана Ефремовски — Wed, 27 Feb 2019 09:20:59 +0000

Горската служба за спасување во текот на ноќта пронашла тројца руски скијачи кои се изгубиле на Копаоник. -До нив не можевме да дојдеме со санки поради непристапниот терен, затоа моравме да одиме пеш. Сите беа добри, освен што беа исплашени, потврдуваат од спасувачката екипа. Потрагата по тројцата руски државјани започна вчера попладне околу 17 часот, кога започна пребарувањето на теренот. Две момчиња и една девојка скијале на теренот Гобељ, но од непознати причини светеле од патеката, по што им се губи секаков траг. По три часа пребарување, спасувачите ја откриле локацијата на тројца Руси.

„Нивното однесување е неодговорно“: Критика за македонските скијачи кои паднаа во бездна на Пирин

Ивана Ефремовски — Mon, 14 Jan 2019 12:13:55 +0000

Директорот на Планинската служба за спасување при Бугарскиот црвен крст, Емил Нешев, во изјава за бугарското радио „Фокус“, вели дека однесувањето на македонските скијачи било многу неодговорно. Тој ова го искоментира коментирајќи ја вчерашната спасувачка акција, во која петмина македонски скијаци беа извлечени од бездна во која паднале на планината Пирин, бидејќи скијале по необележани патеки. Нешев не сакаше да зборува за финансиските импликации на оваа акција, но истакна дека ваквото однесување предизвикувало ризик и за туристите и за спасувачите и за доброволците. „Овие акции немаат вредност, тука не може да се зборува за финансии“, рече Нешев. По тричасовната акција, синоќа успешно се извлечени 5 македонски државјанки кои залутале и паднале во бездна на Пирин кај Банско, Бугарија. Тие биле спасени околу 21 часот, а во акцијата учествувале десет спасувачи. Сите петмина се во добра состојба.

Спасени петмината македонски скијачи на Пирин, пренесени се во Банско

Дарко Андоновски — Sun, 13 Jan 2019 20:21:20 +0000

Спасувачката акција на планината Пирин во Бугарија успешно заврши и петмината македонски скијачи и сноубордери кои скијале надвор од обележаните патеки и паднале во дол се извлечени. Информацијата ја потврди Горската спасувачка служба во Банско, пренесува МКД.мк Македонските скијачи, според службата, се добри, во добра здравствена состојба, неповредени и веќе се пренесени во хотелите во Банско, каде што биле сместени. Сигналот за помош стигнал до Горската спасувачка служба во Банско, и во 20 часот по локално време десет спасувачи ја почнале акцијата за извлекување на петтемина Македонци.

Скијачи загинаа во лавина на Алпите

Ивона Петрова — Mon, 07 Jan 2019 11:37:57 +0000

Двајца германски скијачи загинаа во лавина во западна Австрија, додека илјадници туристи за време на викендот, поради обемни снежни врнежи, останаа „заробени“ во големите скијачки центи во австриските Алпи. Опасноста од лавина на повеќе планински подрачја во Австрија е означена како висока. И покрај предупредувањата и ризиците, некои скијачи се упатиле надвор од скијачките стази, при што двајца германски скијачи го изгубија животот на планините на покраината Ворарлберг, западна Австрија. Иако имале елеци на дување во случај на лавина за да можат да се одржат на површината на снегот, не успеале да се спасат. МИА

Тројца скијачи загинаа во лавина, само ден претходно во близина на тоа место загина и 19-годишно момче!

Катерина Бојаџиева — Thu, 15 Feb 2018 19:39:49 +0000

Телата на тројца скијачи се пронајдени во лавина што падна во зимско одморалиште во југозападна Франција. Телата на скијачите биле пронајдени надвор од патеката на одморалиштетот Каутеретс на Пиринеите. Тројцата се Французи, едниот на 29, а двајцата на 38 годишна возраст. Несреќата се случила минатата ноќ. Само еден ден претходно во блиското одморалиште Гаверние, исто на Пиринеите, во лавина загина 19 – годишно момче. Властите ги предупредуваат скијачите да не се оддалечуваат од ски – патеките , бидејќи сите досегашни несреќи се случиле надвор од нив.