скијачка сезона – Kurir.mk

ФОТО: Снегот натрупа на Попова Шапка – Утре почнува ски – сезоната, еве колку ќе чинат билетите

Ивона Петрова — Sat, 21 Jan 2023 13:53:15 +0000

По снежните врнежи изминативе денови, од Ски центарот Попова Шапка информираат дека утре официјално ја започнуваат новата ски сезона. Велат, се е подготвено за новата сезона. Ски лифтовите и жичниците ќе работат од 8:45 часот до 15:30 часот. Работното време на билетарниците ќе биде од 8 до 16:15 часот, а ноќното скијање ќе се одвива од 19 до 22 часот. Во продолжение погледнете ја цената на билетите. Напомена: при купување на секој билет се наплатува кауција од 400 денари, а средствата се рефундираат на билетарница при враќање на ски-билетот. Според последните податоци снежната покривка на Попова Шапка е околу 40 сантиметри.

ФИС: Новата скијачка сезона официјално стартува на 23 октомври

Магдалена Андонова — Thu, 14 Oct 2021 19:24:07 +0000

Меѓународната скијачка федерација (ФИС) им даде „зелено светло“ на организаторите на велеслаломските трки со кои на 23 и 24 октомври во австриски Золден и официјално ќе почне новата сезона од Светскиот куп во алпско скијање. На патеката Ретебах денеска беше извршена снежна контрола по што е потврдено дека на 23 овој месец ќе биде одржана велеслаломската трка во женска конкуренција, а ден подоцна и машката трка во велеслалом. – На една недела пред стартот можеме да потврдиме дека патеката е во добра состојба и до сабота имаме време да ги искористиме идеалните услови за тренинг со другите нации. Одговорните за патеката направија добра работа, изјави директорот на австриската репрезентација во алпско скијање Кристијан Митер. По Золден ќе уследи тринеделна пауза пред следните трки закажани за 13 и 14 ноември во паралелен слалом во машка и женска конкуренција. (МИА)

Полска и покрај карантинот следната недела ќе ги отвори зимските центри

Дарко Андоновски — Thu, 14 Jan 2021 13:08:52 +0000

Полските угостители и другите стопанственици од услужниот сектор се најтешко погодени од воведениот карантин поради пандемијата со Ковид-19. Тие и покрај високите казни најавуваат следната недела да ги отворат рестораните, пансионите и скијачките центри. Прво се организираа угостителите од Татрите и покренаа иницијатива наречена Горско вето, со која се повикува на отворање на туристичките и угостителските објекти од следната недела. – Само сега можеме да се обидеме да се спасиме. Тоа е последен момент. Се ставаме на една карта. Ако сега не почнеме да протестираме, не почнеме да живееме и работиме нормално за еден месец ќе нема кој да се врати. Ќе дадеме импулс на цела Полска. Да ставиме крај на лудилото што ќе ја уништи средната класа, малиот и среден бизнис и ќе ги убие Полјаците, изјави иницијаторот на Горско вето, Себастијан Питоњ. Иницијативата наиде на голем одѕив, бидејќи во Полска последни на листата за укинување на мерките се туризмот и угостителството. Стопанствениците не се плашат од казните на санитарната инспекција за кршење на мерките бидејќи се убедени дека ќе победат на суд. Досега неколку судови ги ослободија бизнисмените од казна за тоа што пружале услуги, бидејќи мерките се воведени со уредби, а треба да се воведени врз основа на закон, бидејќи не е прогласена вонредна состојба. – Ја поднесовме и првата колективна тужба во има на 45 фирми од областа на туризмот со која укажуваме дека казните врз основа на уредбите на Владата, а не врз основа на закон се во спроитвност во Уставот. Во нашата канцеларија се јавуваат се поголем број бизнисмени кои сакаат државата да им плати отштета, изјави адвокатот Амадеуш Борковски. Лизгалиштето во Лоѓ беше отворено и покрај забраната откако се пренамени во цвеќарница. Цвеќето е поставено на средина од лизгалиштето, а купувачите до него мора да стигнат на лизгалки. Сопственикот на еден скијачки центар во јужна Полска ја отвори скијачката патека, а покрај неа постави капела за верниците кои доаѓаат на скии. Полјаците и покрај карантинот масовно ги посетуваат планините, а бидејќи пансионите се затворени изнајмуваат камп приколки.