скијатос – Kurir.mk

ВООДУШЕВУВАЧКО ИЛИ ВОЗНЕМИРУВАЧКО: Малку фалеше авионот на „Виз ер“ да ги покоси туристите на Скијатос (ВИДЕО)

Катерина Бојаџиева — Thu, 11 Aug 2022 18:07:48 +0000

Воодушевувачко или вознемирувачко видео покажува дека патничкиот авион на Виз ер прелетува само неколку метри над главите на туристите при „најниското слетување досега“ на грчкиот остров. Видеото покажува како авион се приближува до аеродромот „Александрос Пападијамантис“ на грчкиот остров Скијатос, каде што поради географската поставеност на аеродромот, вообичаено е на туристите да им застане зивот од челичните птици буквално над главите.

На Скијатос ќе се тестираат 60 туристи дневно: Eве како ќе сe одвива процедурата

Тале Кристо — Wed, 01 Jul 2020 10:54:28 +0000

Доктор од Грција објасни како ќе се одвива безболна процедура за тестирање на коронавирусот. Првиот чартер лет од Србија слета утрово на грчкиот остров Скијатос и тој претставуваше првиот европски чартер кој слетал во Грција. Авионот беше пречекан и од градоначалникот на Скијатос, полиција и противпожарна служба на островот. На аеродромот ќе бидат тестирани 60 луѓе дневно, а овие денови ќе добијат и машина за препознавање на коронавирусот и тестовите ќе бидат готови за еден час. Резултатите ќе се добиваат преку мејл. Ако некој е позитивен тогаш се преместува во Ковид хотелите кои имаат свои плажи и цел нов програм на работа и целовреме медицинска нега. Доколку ситуацијата на некого се влоши тогаш се пренесува во болниците на Скијатос.

Опасен тренд на Скијатос: Нова идеја за “селфи“ која е ризична по животот на туристите (ВИДЕО)

Ивана Ефремовски — Wed, 17 Jul 2019 06:56:16 +0000

Можноста за невообичаена фотографија е неодолива за селфи-авантуристите, кои за таа цел одат во радиоактивни градови, езера или се качуваат на огромни височини, поради што има и најмногу несреќни и смртни случаи. На островот Скијатос, Грција, овие денови беше забележан еден таков, според многумина – непромислен потфат од страна на група туристи кои се сликаа под авион што полетува на само неколку метри над нивните глави. Ниското полетување и слетување на овој остров е стара и веќе позната туристичка атракција, но овојпат британскиот авион леташе особено ниско, што дополнително ја зголеми опасноста да бидат повредени егзибиционистите. (МИА)

ВНИМАВАЈТЕ: Доколку го земете овој сувенир од Скијатос, ќе платите 1.000 евра казна

Матеја Петровски — Wed, 22 Aug 2018 14:35:22 +0000

Каменче од плажа како сувенир може да ве чини 1.000 евра. Доколу се туристите се одлучат од прекрасната плажа Лаларија на грчкиот остров Скијатос да понесат каменче како сувенир, може да платат и до 1.000 евра казна. Геолозите предупредиле дека континуираното земање на овие камчиња би можело трајно да ја загрози плажата, па поради тоа долж плажата се поставени предупредувања дека нивното земање е казниво. Властите на островот Скијатос сакале со високите казни да го сочуваат она што природата го чувала со векови. Туристите ги земаат каменчињата во џебовите и на тој начин сериозно го нарушуваат изгледот на плажата позната токму по тој бел чакал кој го заплискува бистрото сино море. Сајтовите за љубителите на патувањата и туристичките водичи напоменуваат дека казната за оние кои ја игнорираат забраната да земаат чакали како сувенири изнесува од 400 до 1.000 евра. Меѓутоа не само туристите се криви за овој проблем, многу Грци од Скијатос ги користеле каменчињата на своите домови или за мозаиците во дворовите. На Лакарија може да и се пријде само од морето, а во светот е позната по блескавиот бел камен, бистрата тиркизна вода и спектакуларните лакови на карпите кои ја опкружуваат.