скок – Kurir.mk

По нападот на Хамас, нагол скок на цената на нафтата

Катерина Бојаџиева — Mon, 09 Oct 2023 20:46:26 +0000

Неочекуваниот и силен напад на милитантната организација Хамас врз Израел доведе до силен скок на цената на суровата нафта на светските берзи. Главната референтна цена на Брент порасна за приближно 3,5 долари за барел сурова нафта и се приближува до нивото од 89 долари за барел. Цената се стабилизираше на повисоко ниво, а нејзиниот понатамошен раст ќе зависи од тоа дали ситуацијата ќе ескалира. Израел и палестинските територии не се производители на нафта, но Блискиот Исток сочинува речиси една третина од глобалното снабдување. Доколку очекуваната израелска контраофанзива на Појасот Газа доведе до дипломатска криза, земјите со мнозинско муслиманско население во областа би можеле да побараат повлекување на израелската армија. Пазарите внимателно следат како ќе се развива ситуацијата бидејќи големите производители на нафта како Саудиска Арабија би можеле да го намалат производството на сурова нафта со цел да извршат економски притисок врз земјите кои го поддржуваат Израел и да ја прекинат опсадата на Газа. Во зависност од тоа како земјите производители на нафта ќе реагираат на најавената опсада на Газа, може да настане нова нафтена криза. Уште пред ненадејниот напад на Хамас, многу аналитичари предвидуваа дека до крајот на годината цената на нафтата би можела да порасне до 100 долари за барел, што би ги искомплицирало напорите на САД и ЕУ во борбата против инфлацијата. Намалувањето на производството од Русија и Саудиска Арабија ја турна цената над 97 долари за барел кон крајот на септември, но минатата недела цените паднаа за 11 отсто поради загриженоста во однос на забавување на економиите во Кина, САД и ЕУ. Новата ескалација на палестинско-израелскиот конфликт може да ги поткопа напорите на Израел од една страна и на Саудиска Арабија и другите земји од Персискиот Залив (Кувајт, Бахреин, Катар, Обединетите Арапски Емирати) од друга страна за нормализирање на дипломатските односи, пишува Индекс. Посредник во тие преговори се САД, а во замена за нормализација на односите со Израел, Саудиска Арабија побара поддршка во развојот на цивилна нуклеарна програма, намалување на ограничувањата за продажба на американско оружје и обезбедување безбедносни гаранции. Во 2020 година, Обединетите Арапски Емирати и Бахреин го признаа Израел и воспоставија дипломатски односи. Беше потпишан т.н „Абрахамски договор“, со посредство на САД. Обидите за уништување на Израел се историска константа од основањето на таа држава во 1948 година. Всушност, тоа е голем и повеќедецениски арапско-израелски конфликт, кој трае повеќе од 75 години со прекини. Во него, нафтата често се користеше како оружје, со цел да се одвратат САД и земјите од Европа да му помогнат на Израел под закана од намалување на производството на нафта и последователно зголемување на цената на таа енергија. Директната причина за глобалната нафтена криза која започна во 1973 година беше војната меѓу Израел и арапските држави предводени од Египет и Сирија, наречена војна Јом Кипур по еврејскиот празник, кога Египет и Сирија ненадејно го нападнаа Израел. Неколку дена по почетокот на војната, Саудиска Арабија, Иран, Ирак, Кувајт и Катар најавија намалување на производството на сурова нафта, а извозот во САД беше целосно забранет. Производството се намалуваше од месец во месец, до декември 1973 година, на само една четвртина во однос на нивото од септември. Ова доведе до драстично зголемување на цената на нафтата и светска економска криза. До крајот на ембаргото во март 1974 година, цената на суровата нафта се зголеми за четири пати, од 3 на речиси 12 долари за барел. Економиите на САД и земјите од Западна Европа беа многу погодени, но кризата не беше изолирана само на нив, туку се прошири на поголемиот дел од светот.

Голем скок на Волстрит

Ристе Здравков — Wed, 14 Jun 2023 07:41:40 +0000

На Волстрит цените на акциите пораснаа бидејќи новите податоци покажаа дека инфлацијата во САД дополнително се намали, па инвеститорите веруваат дека лидерите на ФЕД нема да ги зголемат каматните стапки во тековната седница. Dow Jones зајакна 0,43 отсто, на 34.212 поени, додека S&P 500 порасна за 0,69 отсто, на 4.369 поени, а индексот Nasdaq 0,83 отсто, на 13.573 поени. Инвеститорите беа воодушевени од податоците кои покажуваат дека инфлацијата во САД дополнително се намали. Во мај потрошувачките цени се зголемени за 4 отсто во однос на истиот месец лани, што е значително помал раст во однос на 4,9 отсто еден месец претходно. Ова е и најниската стапка на инфлација во повеќе од две години, па инвеститорите се убедени дека челниците на американската централна банка нема да ги зголемат каматните стапки на дводневната седница, која завршува денеска. Аналитичари: ФЕД повторно ќе ги зголеми каматните стапки в лето Неколку функционери на ФЕД во последните недели изјавија дека можеби ќе треба да се одморат од постојаното зголемување на каматните стапки што трае од почетокот на минатата година, додека не се види колку претходните зголемувања влијаеле на инфлацијата и економијата. Пазарот на пари во моментов проценува дека има повеќе од 90 отсто шанси претставниците на ФЕД да ги остават каматните стапки непроменети на оваа седница, во опсег од 5 до 5,25 отсто. Но, бидејќи основната стапка на инфлација, која не ги вклучува цените на храната и енергијата, сè уште е многу висока, повеќето аналитичари веруваат дека ФЕД уште еднаш ќе ги зголеми каматните стапки во јули, по паузата во јуни. На пазарот на пари се проценува дека има повеќе од 60 проценти шанси за ова. „Можете да ги погледнете овие бројки на инфлација на различни начини. Ако сте оптимист, ќе кажете дека инфлацијата е повеќе од 50 проценти под својот врв. И ако сте песимист, ќе кажете дека инфлацијата е сепак двојно поголема високо како целните нивоа на ФЕД“, вели Лиз Јанг, директорка на одделот за стратегија во SoFi. Цените на акциите пораснаа и на европските берзи Благодарение на растот на цените на акциите на технолошките гиганти, подобрата од очекуваната корпоративна заработка и надежите на инвеститорите дека централната банка на САД се приближува кон крајот на затегнувањето на монетарната политика, S&P 500 порасна за повеќе од 20 отсто од октомври, кога падна на најниско ниво во изминатата година.година. Цените на акциите вчера пораснаа и на европските берзи. Лондонски FTSE индекс зајакна 0,32 отсто, на 7.594 поени, додека франкфуртски DAX порасна за 0,82 отсто, на 16.230 поени, а париски CAC за 0,56 отсто, на 7.290 поени.

Цената на нафтата минатата недела поскапе за над 10 проценти

Ивона Петрова — Mon, 10 Oct 2022 06:45:01 +0000

Цената на нафтата на светските берзи минатата седмица се покачи за повеќе од десет проценти достигнувајќи го највисокото ниво за последните пет недели, откако ОПЕК и партнерите на картелот најавија значително намалување на производството од ноември. Цената на барелот на лондонскиот пазар минатата недела се покачи за 11,3 отсто, на 97,92 долари, додека на американскиот пазар барелот порасна за 16,5 отсто, на 92,64 долари. Наглиот скок на цената на нафтата е последица на одлуката на Организацијата на земјите извознички на нафта (ОПЕК) и нејзините сојузници, вклучително и Русија, од ноември да го намалат дневното производство за два милиони барели. Неколку членки на „ОПЕК +“ се обидуваат да ги исполнат договорените производствени квоти обременети од недоволни инвестиции или од санкции. Картелот заостануваше со производството за околу 3,6 милиони барели дневно зад целите предвидени за август. „Снабдувањето всушност ќе се намали за милион до 1,1 милион барели дневно, со учество на Саудиска Арабија од 500 илјади барели дневно“, рече саудискиот министер за енергетика Абдулазиз бин Салман. Само еден месец подоцна, Европската унија ќе воведе ембарго на руската нафта што се испорачува со бродови, со што ќе се намали понудата на и онака значајно стеснетиот пазар. „Една од клучните последици од најновите намалувања на ОПЕК (производството) најверојатно ќе биде враќањето на цената на нафтата над нивото од сто долари. Но, растот на цените веројатно ќе биде ограничен од сè понеповолните трендови во економијата“, изјави Стивен Бренок од „PVM“. Најавата на ОПЕК за намалување на производството досега ги надмина стравувањата на трговците од можна рецесија и падот на побарувачката за нафта. Имено, поради високата инфлација, централните банки на западните земји последниве месеци набрзина ги зголемуваат каматните стапки, што ќе го забави растот на економиите, при што растат ризиците од рецесија. Се очекува дека американската ФЕД и Европската централна банка повторно ќе ги зголемат клучните каматни стапки за агресивни 0,75 процентни поени. Цените на нафтата се оддалечија од најниските нивоа забележани во јануари, но и натаму се далеку пониски отколку во март, во почетната фаза од руската инвазија врз Украина, кога достигнаа до 147 долари за барел што е највисоко ниво откако почна со нафтата да се тргува преку термински договори. „Со оглед на тоа што цената на барелот во Лондон сега е стабилизирана меѓу 90 и сто долари, ’ОПЕК +’ веројатно ќе биде задоволен од исходот и покрај сè уште мошне неизвесните изгледи за економијата“, рече Крег Ерлам од компанијата „ОАНДА“.

Поранешен падобранец цели кон рекорд во скок без падобран

Тале Кристо — Thu, 29 Oct 2020 08:06:48 +0000

Поранешниот падобранец Џон Брим (34), кого го нарекуваат и „Летечка риба“, се обиде да постави нов светски рекорд во скок од хеликоптер во море, без падобран. Брим скокна од висина од околу 40 метри во водите на Ла Манш, близу Хемпшир, југоисточна Англија. Член на тимот нуркачи кои го чекаа во водата изјави дека веднаш откако паднал, Брим за кусо ја изгубил свеста и дека е пренесен в болница поради претпазливост. Подоцна, тој ја вратил свеста и разговарал со лекарите. Претставник на „Гинисовите светски рекорди“ изјави оти сѐ уште се разгледуваат доказите за официјализирање на новиот рекорд. Негова основна цел беше собирање пари за британските хуманитарни организации и луѓето кои се грижат за менталното здравје.

Голем скок на бројот на новоинфицирани во Србија

Тале Кристо — Wed, 14 Oct 2020 16:52:37 +0000

Во последните 24 часа, во Србија тестирани се 6.428 лица за коронавирус, а од нив 245 биле позитивни, додека едно лице починало. Како што јави дописникот на МИА од Белград, вчера во Србија беа откриени 152 новоинфицирани лица, што е скок за 100 лица за само еден ден. Според последните податоци на Министерството за здравство и Институтот „Бастут“, во болниците низ Србија на реаспиратор се наоѓаат 22 пациенти, а уште 80 лица се хоспитализирани, што е најголема бројка од 2 септември. Епидемиологот и член на кризниот штаб, д-р Предраг Кон, за РТС изјави дека коронавирусот покажува дека го зголемува својот потенцијал, но дека „бројот на нови случаи се израмнува на повисоко ниво“. Тој посочи дека е неблагодарно да се лицитира со бројот на нови случаи, како и дека е важно да се забави ширењето на инфекцијата за да опстане здравствениот систем.

Рекорден скок на акциите на Apple за над 4 проценти

Ристе Здравков — Mon, 03 Aug 2020 19:30:05 +0000

Страдање, солзи и болка се составен дел на секоја разделба. Секако, не е лесно да се преболи личноста со која сте поминале доста време, но не ви е од корист да се затворите во четири ѕида и да страдате до изнемоштеност. Она што ви треба е модерна и ефикасна метода која ги брише сеќавањата на поранешните партнери. Станува збор за секс со друг или „одмазднички секс“ кој помага да ги залекува раните кои настанале со раскинувањето. До овие резултати дошле научниците кои истражувале најефикасни начини да се залечат раните и да се преболи разделбата. Се испоставило дека сексот со друг, е најдобра терапија и за кратко време ги елиминира духовите од минатото. Една третина од испитанциите ја пробале оваа метода и биле презадоволни од резултатите. Кон заздравувачки секс биле склони оние партнери кои биле изневерени и оставени, а се со цел на побрзо заборавање и преболување на разделбата. Но, научниците напоменуваат дека човекот треба да знае кога е доста бидејќи доколку сексот продолжи и половина година од разделбата, тоа може да биде знак дека личноста не е способна да продолжи понатаму.

Луд скок на уште полуд Русин: Она што го направи ниту научниците не го препорачуваат (ВИДЕО)

Матеја Петровски — Fri, 12 Jan 2018 20:02:34 +0000

Русин преживеа опасен скок од тераса на зграда со отворен падобран. На видеото кое е поставено на сајтот „Ivanovonevs.ru“ во четвртокот, се гледа човек кој од балкон спушта отворен падобран пред да се качи на оградата и да скокне. -Идиот, се слуша како вика авторот на видеото додека го прикажува успешното слетување на адреналинскиот зависник. Висината од која скокнал не е објавена. Научниците велат дека 30 метри е најмалата висина од која може да се скокне со падобран и преживее.