скопје 2014 – Kurir.mk

ВМРО-ДПМНЕ: Ковачевски прави и говори како што ќе му кажат неговите ментори, видовме како се радувал на Скопје 2014, а сега го тераат да зборува против

Ивона Петрова — Mon, 02 May 2022 07:27:35 +0000

Ковачевски не само што е нелегитимен премиер, туку покажа дека е човек без интегритет кој прави и говори тоа што ќе му кажат неговите политички ментори. Во тоа јавноста се увери по објавеното видео во кое се гледа дека Ковачевски иако не бил никогаш член на ВМРО-ДПМНЕ, бил најрадосен и во првите редови на отворање на проектите од проектот Скопје 2014, истиот проект за кој сега е принуден да зборува против, велат од ВМРО-ДПМНЕ. Ковачевски сега може да зборува против колку сака против и да чита текстови напишани од неговите ментори, но видеото јасно покажува дека е еден од најсреќните ликови кој аплаудира на отворањето на објектите од проектот Скопје 2014, сметаат од партијата. Од ВМРО-ДПМНЕ велат дека на овој начин не само што се покажува лицемерието, туку се покажува и дека Ковачевски нема храброст пред своите ментори да каже што му се допаѓа, нема храброст да даде лично мислење, туку е принуден во јавноста да го изнесе тоа што ќе му наредат. -Повеќе од очигледно е дека и партијата и владата ја водат истите лица кои него го наместија како марионета и фигура да глуми дека е претседател на партијата, односно премиер на државата. Тоа можеби е добро за неговата партија или за неговите ментори, но е штетно за државата. Затоа и националната катастрофа која ја приреди СДСМ на Македонија и македонските граѓани станува уште потешка. Се распродаваат националните интереси, а граѓаните од ден на ден тонат во сиромаштија со се поголеми давачки за основни потреби. Во Македонија никогаш не било полошо, а човек како Ковачевски кој нема интегритет, а уште помалку легитимитет, нема способност да најде решение за кризата. Токму затоа на Македонија и се потребни промени. Затоа Ковачевски треба да се охрабри и да прифати предвремени парламентарни избори. Тоа ќе му биде најдоброто нешто што може да го направи за државата. Затоа што со само предвремени парламентарни избори државата ќе може да ја избавиме од кризите и катастрофата во кои не втурна СДСМ, се наведува во партиското соопштние.

Шилегов е подготвен да го руши „Скопје 2014“: Не ни пречи да го отстраниме споменикот Мајка Тереза

Ивана Ефремовски — Fri, 28 May 2021 09:41:47 +0000

Подготвеност да се донесе посебен закон со кој ќе се урне проектот „Скопје 2014“ искажа синоќа скопскиот градоначалник Петре Шилегов. Во настапот на телевизија Телма тој рече дека само личниот страв на министерката за култура попречува да почне уривањето на постаментот за споменик на Мајка Тереза. -Нас во моментов ништо, освен можеби личен страв кај министерката за култура и градоначалникот на Центар, не ни смета да го отстраниме споменикот Мајка Тереза. Јас мислам дека е личен страв, затоа што има страв од носење на одлука, одлуката некој треба да ја потпише. Јас сум спремен да донесеме закон за рушење на „Скопје 2014“. Јас на крај на министерката и градоначалникот им реков дајте ми јас ќе го срушам. Не дека „Скопје 2014“ мене ми е каприц и не ми се допаѓа, туку тоа за мене нема никаква уметничка вредност. Тоа не е автентично Скопје – рече Шилегов во интервју. Тој додаде дека македонското општество е сериозно поделено општество и тоа многу му пречи.

За историчарот Асани поставените ознаки на спомениците од проектот Скопје 2014 се историска измислица

Дарко Андоновски — Thu, 15 Aug 2019 20:30:19 +0000

Историчарот Скендер Асани во изјава за ТВ21 смета дека поставувањето на ознаките на спомениците во Скопје, како дел од обврските од Преспанскиот договор, ќе ги подобри односите со соседната земја, но ќе ги наруши во земјата затоа што се изобличуваат историските факти. „Античка Македонија била во тракиско-илириски состав. Ова го сведочат многу историчари. Убеден сум дека многу брзо политикатаа на актуелната Влада ќе биде демантирана. Со поставувањето на овие ознаки се сквернави историјата. Апелирам до Владата овие ознаки да се отстранат. Ова е историска измислица. Бегајќи од еден проблем се отвора друг проблем во државата“, изјави Адеми, директор на Институтот за духовно и културно наследство на Албанците. „Во чест на Александар Велики, историска фигура која припаѓа на античката Хеленска историја и цивилизација и на светското културно и историско наследство. Овде е претставен како воин на коњ“, стои од денеска на ознаката на споменикот „Воин на коњ“ на централниот плоштад во Скопје.

Охрид го бара споменикот на Цар Самоил: Заев е запознаен со барањето, се чека ревизија

Ивана Ефремовски — Thu, 24 May 2018 17:22:17 +0000

Општина Охрид сака дел од спомениците од „Скопје 2014“ да се префрлат во Охрид. Градоначалникот Јован Стојановски вели дека за почеток бараат да биде дислоциран споменикот на Цар Самоил, за кој вели дека местото му е во Охрид. Но, ќе почекаат да заврши целата ревизија на проектот која ја води комисија во рамките на Министерството за култура. -Нашиот став е дека местото на Цар Самоил е во Охрид и затоа имаме намера во понатамошниот дел, до завршувањето на ревизијата, да побараме тој споменик да биде дислоциран во Охрид. Да почекаме и очекуваме во скоро време позитивен исход, рече Стојановски. Стојановски вели дека досега имале разговори и со премиерот и со Министерството за култура по однос на ова прашање. Вели дека размислуваат и за можна локација каде споменикот би бил поставен. Неодамна и од здружението Богојавление од Охрид испратиле барање до локалната самоуправа да се заложи споменикот на Христо Узунов кој исто така е дел од проектот „Скопје 2014“ да биде донесен во Охрид.

Толовски за настапот на Оџаклиевска на Златна Бубамара

Курир — Sun, 25 Feb 2018 11:01:51 +0000

(ФБ статус на Мартин Толовски) Маја Оџаклиевска за барокот во Скопје: Имам трауми од она што го видов! Толовски за настапот на Оџаклиевска на Златна Бубамара: Имам трауми од она што го слушнав! Инаку, Маја Оџаклиевска деновиве престојуваше во Скопје. Причина за нејзината посета беше манифестацијата Златна бубамара на популарноста. Оџаклиевска во изјава за владините медиуми цели дека во родниот град не била подолг период, но се уште имала трауми од она што го видела пред пет години, „променетиот изглед на Скопје, лажниот барок и изобилството од споменици“. -Во текот на оваа посета не успеав да видам ништо во Скопје поради обврски. Но, околу моите импресии од ,,баркот’’ и новиот изглед на градот, ќе ви кажам дека се уште носам трауми од она што ми остана во сеќавање пред пет години, вели Оџаклиевска.

Пред девет месеци Заев ветуваше дека нема да руши споменици, денес истите се рушат

Ивона Петрова — Thu, 22 Feb 2018 14:58:15 +0000

Премиерот Зоран Заев, пред речиси девет месеци на почетокот на јуни, ветуваше дека нема да се рушат споменици од проектот „Скопје 2014“ години. Заев на дебатата со новинарите тогаш истакна дека немал намера да ги троши парите на граѓаните за уривање на спомениците од „Скопје 2014“, но сакал барем една фасада да „соблече“. Денес граѓаните се сведоци дека Заев повторно ги излажа бидејќи започна рушењето на спомениците. - Тоа се само желби на човек, но немам намера да трошам пари за уривање и за дислоцирање на споменици, за отстранување на врбите. Го ветив бројчаникот кој ќе врти при секоја украдена пара и тој ќе биде поставен кога ќе ја има првата правосилна пресуда дека се потрошени пари на криминален начин пари, изјави пред речиси девет месеци Заев. На прашањето, која ќе биде судбината на „Мерцедесот“, Заев рече дека нема намера тој да се вози во него, ниту пак, кој и да е министер. - Набавната цена на „мерецедесот“ е 580.00 евра, ако го продадеме, нема да му земеме повеќе од 440.000 евра. Најверојатно ќе го користиме само за високи, меѓународни делегации. Тој е оставен во гаража, уништен, изгребан од мачки. Се надевам дека наскоро министерот за внатрешни работи ќе ги повика новинарите и ќе им покаже во каква состојба се наоѓаоваа прескапо возило, рече премиерот. На прашањето, што ќе испорача новата Влада во првите сто дена, Заев рече дека ќе испорачаат слобода и олеснување на семејниот буџет.

Грчев се понуди да плати за дислокација на споменикот на Александар Македонски

Ивана Ефремовски — Fri, 16 Feb 2018 14:30:35 +0000

Мирослав Грчев кој е член на Комисијата која го проверува проектот Скопје 2014, се понуди да плати за дислокација на споменикот на Александар Македонски од плоштадот во Скопје. Според Грчев на споменикот „Воин на коњ“ не му преостанува ништо друго освен рушење, а „Скопје 2014“ мора да се третира како природна непогода, како општествено политичка катастрофа. Тој вели: „Ништо не кошта да се тргне Воинот на коњ од плоштад. Потребно е само камион со кран и четворица работници да го отштрафат, да го стават во камион и да го одвезат вон градот. Еве јас ќе го платам тоа, нека биде и моја донација за заздравување на македонското општство, за трасирање на патот од општество на кретени во демократско општество“. Ова не е ни прва ни последна скандалозна изјава на Мирослав Грчев. Тој е познат по своите анти-македонски и анти-државни ставови, за него македонската држава, нација и култура се измислени во рамките на поранешна Југославија.