скопје сити мол – Kurir.mk

Најнови детали од МВР за дојавата за бомба во Скопје Сити Мол

Катерина Бојаџиева — Wed, 29 Jan 2020 20:50:31 +0000

Од МВР вечерва соопштија дека денеска во 12:04 часот лицето Љ.Л. која рaботи како мониторинг во Скопје Сити Мол пријавил оти на одговорниот на обезбедувањето на објектот С.Д. на мобилен му стигнала порака „Напуштете го молот веднаш има бомба“ испратена од „глобфоне.ком“. На лице место биле испратени полициајци од ПС Карпош, тимови Алфа, униформирани полициски службеници од БПС, Антитероризам. По преземени оперативно тактички мерки од страна на Единицата за насилен криминал – Одделение за крвни и сексуални деликти при СВР-Скопје утврдена е IP адресата од WI-FI рутерот на кој бил поврзан мобилниот телефон од кој што е пратена пораката, по што е утврден и телефонот како и лицето кое ја пратило пораката. Од страна на полициски службеници од Одделението за крвни и сексуални деликти при СВР-Скопје од слобода се лишени лицата П.Ц. роден 2000 година, со живеалиште во Ѓорче Петров и А.Д. роден 2000 година со живеалиште с.Волково, Скопје и двајцата вработени во агенцијата за обезбедување „ОСА“ како обезбедување во ТЦ „Сити Мол“. Од истите одземени се мобилни телефони кои ќе бидат предадени за вештачење.

Познат идентитетот на лицата кои лажеа за бомбата во Скопје Сити Мол

Катерина Бојаџиева — Wed, 29 Jan 2020 17:06:52 +0000

Полициски службеници од Бирото за јавна безбедност при МВР денеска приведоа две лица во врска со лажната дојава за бомба во трговскиот центар Скопје Сити Мол. МВР соопшти дека се приведени се П.Ц. (19) и А.Д. (19) и по документирање на случајот ќе биде поднесена соодветна пријава. Инаку, попладнево беше извршена евакуација во Трговскиот центар „Скопје сити мол“ во населбата Карпош, поради дојава за бомба.

Приведени две лица за лажната дојава за бомба во Скопје Сити Мол

Катерина Бојаџиева — Wed, 29 Jan 2020 16:54:14 +0000

Приведени се две лица за лажната дојава за бомба во Скопје Сити Мол, дознава „Слободен печат“. Според информациите, станува збор лица родени во 2000 година и вработени во приватна агенција за обезбедување. Против нив ќе бидат поднесени кривични пријави.

Се огласија од Скопје Сити Мол: Еве што велат од трговскиот центар по дојавата за бомба

Катерина Бојаџиева — Wed, 29 Jan 2020 15:45:40 +0000

Од Скопје Сити Мол преку известување до јавноста информираат дека дојавата е лажна, а молот е повторно во нормална функција. -Со ова известување би сакале да ја информираме јавноста дека денешната дојава за подметната експлозивна направа во просториите на трговски центар – Скопје Сити Мол, е ЛАЖНА. Оваа лажна дојава денес беше причина нашиот објект да биде затворен на неколку часа, додека не се применат сите светски стандарди за безбедност на трговски центри од затворен карактер. Како трговски центар им благодариме на сите кои се дел од нашите служби со чија помош успеавме безбедно да ги евакуираме сите посетители како и вработените во продажните места. Скопје Сити Мол во текот на годината организира претходно најавени вежби за евакуација, независно дали станува збор за вежби од карактер на подметнати направи, пожар или укажување на прва помош, кои се покажуват како реална потреба во одредени ситуации. Исто така сакаме да се заблагодариме на припадниците на МВР – Скопје, Противпожарните Служби на Град Скопје и Прва помош кои учествува во евакуацијата како и за решавње на целата ситуација. Истрагата е завршена, уште еднаш потврдуваме дека станува збор за лажна дојава и Скопје Сити Мол продолжува да работи со нормално работно време, стои во известувањето од Скопје Сити Мол.

Дојавата за бомба била лажна: „Скопје сити мол“ детално пребаран, се трага по пријавувачот

Ивана Ефремовски — Wed, 29 Jan 2020 15:30:08 +0000

Лажна била дојавата за бомба, поради која денеска неколку часа беше затворен трговскиот центар „Скопје сити мол“. Од Министерството за внатрешни работи за МИА потврдија дека дојавата била лажна, но оти се уште се трага по лицето кое пријавило дека има бомба во трговскиот центар. Поладнево беше извршена евакуација во Трговскиот центар „Скопје сити мол“ во населбата Карпош, поради дојава за бомба. Како што јави репортерот на МИА, полициски екипи со кучиња трагачи повеќе од три часа детално ги пребаруваа сите простории. Претходно, од МВР за МИА изјавија дека до нив е пристигната информација за дојава за поставена бомба по што на терен беа испратени екипи од полицијата. (МИА)