скопје-тетово – Kurir.mk

Од понеделник ќе се поставува заштитна звучна ограда на делницата Скопје-Тетово

Ивана Ефремовски — Sat, 06 May 2023 16:25:04 +0000

Од АМСМ информираат дека в понеделник (08.5.2023) ќе се започне со градежни активности за поставување на заштитна звучна ограда на автопатот А2, делница Скопје -Тетово. На трасата на која ќе се изведуваат градежните работи ќе има времен режим на сообраќај. Фирма изведувач е ДГПТУ Битем Дооел Скопје, а почетокот на градежните активности, соопштија од АМСМ, се согласно склучениот договор помеѓу договорниот орган Јавно претпријатие за државни патишта и фирмата изведувач ДГПТУ Битем Дооел Скопје.

Тешка сообраќајна несреќа вечерва на автопатот Скопје – Тетово, има повредени

Тале Кристо — Thu, 24 Mar 2022 19:42:42 +0000

Вечерва во 19.45 часот во СВР Скопје било пријавено дека на автопатот Скопје - Тетово кај клучката Матка се случила сообраќајна несреќа помеѓу две патнички возила, велат од МВР за Курир. Според првичните информации на МВР, повредени се две лица и истите се пренесени на Комплексот клиники Мајка Тереза. Екипи на МВР вршат увид на местото на несреќата. Според извори на Курир, двете амбулатни возила кои ги пренесувале повредените кон Клинички биле со полициска придружба.

Познат идентитетот на починатиот и повредените во сообраќајката на автопатот Скопје-Тетово

Ивана Ефремовски — Tue, 19 Oct 2021 18:24:09 +0000

Жител на Тетово на 45 годинишна возраст, со иницијали Ф.Р, е мажот кој го загуби животот во сообраќајната несреќа попладнево на автопатот Скопје-Тетово во близина на натпатникот за Требош. При увидот на СВР Тетово утврден е и идентитетот на двете повредени лица, машко и женско лице од Тетово. -На местото на несреќата животот го загуби Ф.Р (45) од Тетово. Повредени се Е.К (22) од Тетово кој имал тешка телесна повреда-скршеница на нога како Е.Љ (31) исто од градот, која добила потрес на мозок и е задржана за опсервација во тетовската клиничка болница. Увид на местото извршија стручна екипа на СВР Тетово и Јавен обвинител. По наредба на обвинителот ќе се изврши обдукција кај починатото лице, информира портпаролот на СВР Тетово, Марјан Јосифоски. Полицијата утврди дека во сообраќајката учествувале три патнички возила, опел, пежо и голф како и товарно возило мерцедес. Започната е истрага за да се утврдат причините поради кои дошло до сообраќајната несреќа. (МИА)

ФОТО: Тешка сообраќајна несреќа се случила ноќеска на автопатот Скопје- Тетово, имало повредени

Тале Кристо — Sat, 24 Jul 2021 08:40:20 +0000

Тешка сообраќајна несреќа се случила ноќеска на автопатот Скопје- Тетово, објави порталот 24 Инфо. Според првичните неофицијални информации, сообраќајната несреќа се случила во близина на патарината. Како што пренесува порталот, во несреќата има повредени, а повеќе детали од Министерството за внатрешни работи (МВР) се очекуваат во текот на денот. Фотографија: 24 Инфо

На автопатот Скопје-Тетово санкционирани 83 возачи за брзо возење

Магдалена Андонова — Tue, 26 Jan 2021 09:03:14 +0000

Мобилната единица за безбедност во сообраќајот при Министерството за внатрешни работи вчера (25.01.2021) спроведе засилена акциска контрола во областа на сообраќајот на автопатот Скопје-Тетово, при што санкционирани се 83 возачи кои возеле со брзина поголема од дозволената. Двајца возачи возеле дури над 70 километри на час над дозволеното, 27 возачи со над 50 километри на час над дозволеното... Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот.

За брзо возење на автопатот Скопје-Тетово казнети 88 возачи

Тале Кристо — Sun, 24 Jan 2021 13:31:17 +0000

Мобилната единица за безбедност во сообраќајот при Министерството за внатрешни работи вчера (23.01.2021) спроведе засилена акциска контрола во областа на сообраќајот на автопатот Скопје-Тетово, при што санкционирани се 88 возачи кои возеле со брзина поголема од дозволената, соопшти денеска портпаролот на МВР Тони Ангеловски на прес конференција во Тетово. -Засилените контроли продолжуваат и денеска и во наредните денови и евидентно е дека имаме намалување на бројот на сообраќајни незгоди во периодот кога овие контроли се спроведуваат. Во ноември 2020 споредено со ноември 2019 имавме намалување од 21 отсто, а кога ќе ги споредиме декември 2020 со декември 2019 имаме намалување од 23 отсто на бројот на сообраќајни незгоди. Како резултат на преземените активности, 2020 година е со најниска бројка на жртви во сообраќајот во историјата на државата. Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот, рече Ангеловски.

Двајца повредени во сообраќајката кај Ласкарци сè уште се во критична состојба

Ивана Ефремовски — Mon, 25 Feb 2019 10:21:33 +0000

Двајца повредени во сообраќајката кај Ласкарци сè уште во критична состојба. Седуммина од повредените се хоспитализирани во „ГОБ 8-ми септември“. Четворица се хоспитализирани на Ургентен, од нив тројца се во добра состојба, додека еден пациент е на КАРИЛ во критична состојба. Од Министерството за здравство за „Алфа“ велат дека се очекува поголем број од полесно повредените, во текот на денов да бидат пуштени на домашно лекување.

Автобусот на смртта бил осигуран: Оштета од 9.000 евра за семејствата на загинатите, по 4.500 евра за повредените

Ивана Ефремовски — Mon, 18 Feb 2019 20:03:41 +0000

Повредените и семејствата на жртвите во несреќата од 13 февруари кај село Ласкарци треба да ги обезбедат потребните документи и да ги достават во осигурителната компанија Еуросиг за да добијат оштета. Овој повик го упати директорот на компанијата Еуросиг. Тој изрази сочувство до семејствата на настраданите, објави телевизија 21. „Упатив апел до семејствата да достават документација што поскоро. По три дена компанијата ќе изврши исплата. Им посакувам што поскоро закрепнување“, изјави Кадри Моринај. За повредените ќе се исплатат од 4.500 евра, а за семејствата на настраданите до 9.000 евра. „Оштетата ќе се врши според возраста и случаите, така како што предвидува законот. Вкупната сума изнесува 675 милиони евра“, додава Моринај. Автобусот на компанијата Дурмо Турс имал осигурување и според законот, во случај на несреќа, на патниците им следува оштета.

ФОТО: Познат идентитетот на девет од загинатите, нека почиваат во мир

Ивана Ефремовски — Thu, 14 Feb 2019 13:18:49 +0000

Познати се имињата на девет од загинатите во вчерашната трагедија на патот Скопје-Тетово. ПОЧИВАЈТЕ ВО МИР: Ајден Исмаили Зоран Давидовски Раметула Абдурахими Јовица Трпевски Онур Садику Бесим Камбери Бобан Аврамовски Есад Емрули Павле Костоски

Идентификувани осум жртви: Почивајте во мир Ајден, Зоран, Раметула, Јовица, Онур, Бесим, Бобан и Есад

Ивана Ефремовски — Thu, 14 Feb 2019 13:06:35 +0000

Идентификувани се осум жртви кои ги загубија своите животи во трагичната автобуска несреќа на патот Скопје-Тетово. ПОЧИВАЈТЕ ВО МИР: Ајден Исмаили Зоран Давидовски Раметула Абдурахими Јовица Трпевски Онур Садику Бесим Камбери Бобан Аврамовски Есад Емрули