скопје-велес – Kurir.mk

ЦУК ПРЕДУПРЕДУВА: Опасност од карпа што повеќе од 18 дена виси над автопатот Скопје-Велес по првиот тунел

Ивона Петрова — Fri, 30 Jun 2023 10:35:39 +0000

Oд Центарот за управување со кризи (ЦУК) беше испратено известување за опасност од карпа што виси над автопатот Скопје-Велес, на делот после патарината пред Велес, а после првиот тунел, до Јавното Претпријатие (ЈП) за одржување и заштита на магистрални и регионални патишта и до Јавното претпријатие (ЈП) за државни патишта. За истата опасна карпа, на бројот за итни случаи 112 во ЦУК, има повеќе јавувања - пријави од граѓани. -Ситуацијата со опасната карпа и можен одрон на дополнителен материјал од високиот масив покрај автопатот, при нејзино паѓање, налага превентивно е дека корисно во најбрз можен рок да биде извршена санација и отстранување на наведената карпа, како превенција да не дојде до загрозување на човечки живот и на уништување на материјални добра, велат од ЦУК. Конкретно, известувањето од ЦУК, до јавните претпријатија, е ургенција за преземање на мерки и активности во надлежност на јавните претпријатија за санација - отстранување на карпа што виси над автопатот Скопје-Велес, на делот после патарината пред Велес, а после првиот тунел. Имено, повеќе од 18 денови карпата е одвоена од основниот масив високо над патот и паѓаат парчиња од карпа и камења на автопатот со што директно се загрозени учесниците во сообраќајот, односно постои директна опасност по животот на луѓето и материјални добра на учесниците на сообраќајот. -Утрово од тим на ЦУК беа поминати и разгледани повеќе критични точки за можни одрони и нестабилни карпи на автопатот Скопје - Велес, при што беа забележани на повеќе локации мали карпи и камења коишто, иако се заштитени со мрежи, е можно истите да се стркалаат на брзата сообраќајна лента. По нашето неодамнешно укажување за опасност јавните претпријатија за државни патишта и за одржување и заштита и магистрални патишта препорачливо е да направат стручен надзор и да ја санираат и обезбедат состојбатата на критичните места за одрони, велат од ЦУК.

Возовите на релација Скопје – Велес нема да сообраќаат од 26 јуни до 10 јули

Тале Кристо — Fri, 23 Jun 2023 08:17:34 +0000

Патничките возови 601 на релација Скопје - Велес и 2080 на релација Велес - Скопје нема да сообраќаат во периодот од 26 јуни до 10 јули, освен во недела кога ќе сообраќаат според возниот ред, информираат од ЈП ЖРСМ Инфраструктура. Причината е, како што посочуваат, извршување на работни задачи на одржување на пругата, со цел зголемување на брзината на движењето на возовите.

ФРЧАТ КАЗНИ: За брзо возење на автопатот Скопје-Велес санкционирани 64 возачи

Тале Кристо — Sun, 27 Jun 2021 18:30:03 +0000

Денеска (27.06.) од 09 до 14 часот Мобилната единица за безбедност во сообраќајот спроведе засилена акциска контрола за санкционирање на возачи кои управуваaт возило со брзина поголема од пропишаната, на автопатот Скопје-Велес, при што санкционирани се 64 возачи. 24 возачи возеле со брзина од над 50 километри на час над пропишаната, а четворица за дури над 70 километри на час над дозволената. Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

За седум часа казнети 83 возачи на автопатот Скопје-Велес

Тале Кристо — Fri, 18 Jun 2021 18:01:16 +0000

Денеска (18.06.) од 09 до 16 часот Мобилната единица за безбедност во сообраќајот спроведе засилена акциска контрола за санкционирање на возачи кои управуваaт возило со брзина поголема од пропишаната, на автопатот Скопје-Велес, при што санкционирани се 83 возачи. 40 возачи возеле со брзина од над 50 километри на час над пропишаната, а шестмина за дури над 70 километри на час над дозволената. Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

МВР: 44 казни за брзо возење на автопат Скопје – Велес

Ивона Петрова — Mon, 10 May 2021 08:36:44 +0000

Во текот на вчерашниот ден (09.05.2021) Мобилната единица за безбедност на сообраќајот на патиштата спроведе зајакната акциска контрола на автопатот Скопје - Велес за санкционирање на возила кои се движат со брзина поголема од дозволената, при што санкционирани се 44 возила. Од нив, 12 возила се движеле со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволената брзина. -Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, информира МВР.

Во прекин сообраќајот на автопатот Велес-Скопје поради сообраќајна незгода

Магдалена Андонова — Sun, 10 Jan 2021 11:00:06 +0000

Од АМСМ информираат дека од 10:45 часот во прекин е сообраќајот на автопатот Велес – Скопје. Имено, прекинот е поради случена сообраќајна незгода пред тунелот во Катланово.

Детали за сообраќајката на автопатот Скопје-Велес

Ивона Петрова — Mon, 07 Dec 2020 09:39:08 +0000

Две лица се полесно повредени во сообраќајна несреќа која вчера се случи на излез од Скопје, на автопатот Скопје-Велес. Од МВР информираат дека околу 10:45 часот дошло до излетување од коловозот на автомобил „Форд фокус“ со скопски регистерски ознаки, по што возилото удрило во столб и се превртело. -Возачот И.В. (34) и сопатникот З.В. (58), двајцата од Скопје, во несреќата се здобиле со телесни повреди, велат од МВР. На местото на настанот бил извршен увид.

Сообраќајот на патот Скопје-Велес по една коловозна лента

Ивона Петрова — Thu, 12 Dec 2019 11:04:39 +0000

Сообраќајот на автопатот Скопје-Велес, на потегот Катланово – Велес се одвива по една коловозна лента поради одрон. Екипите на „Македонија пат“ се излезени на терен и работат на расчистување на одронот.

ФОТО: Внимавајте, одрон на патот Скопје-Велес

Ивона Петрова — Thu, 12 Dec 2019 10:36:11 +0000

Информација за одрон на автопатот Скопје-Велес се појави на социјалните мрежи. Корисниците апелираат внимателно да се вози, бидејќи одронот не е расчистен.

Внимавајте: Одрон на патот Скопје-Велес кај Сопот

Ивона Петрова — Mon, 05 Nov 2018 07:32:50 +0000

На патниот правец Скопје – Велес пред наплатна станица Сопот поради одрон сообраќајот се одвива по една сообраќајна лента во должина од 200 метри, информира Автомотосојузот на Македонија во утринскиот извештај за состојбата на патиштата. Поставена е соодветна сообраќајна сигнализација и се работи на расчистување на одронот и нормализација на сообраќајот. Сообраќајот на државните патишта се одвива по суви коловози