скопска црна гора – Kurir.mk

Тијана Милентијевиќ во Скопска Црна Гора дочекана како вистинска „жена од султана“

Ивана Ефремовски — Mon, 15 Aug 2022 12:14:59 +0000

Вчеравечер, 14. август 2022 година (недела) се одржа завршната вечер на која се одигра големото финале, на кое беа прогласени победниците и доделени наградите на најдобрите на шестнаесетиот по ред Меморијален турнир во мал фудбал „Љубомир Рајчевски – Рајче“ во с. Глуво, на падините на Скопска Црна Гора. Настанот кој е е под генерално покровителство на општината Чучер Сандево, како и на граѓаните на село Глуво и овој пат беше настан за локалното население, но и за многумина кои дојдоа да уживаат во фудбалските мајстории и естрадно-музичкиот дел на програмата, па не само трибините на фудбалското игралиште, туку и целиот околен простор беше преполн со публика. Имено, покрај спортскиот, оваа манифестација традиционално има и културно-естраден карактар, така што секој турнир завршува со естрадно-музички настан, односно концертен настап на познати естрадни ѕвезди од регионот. Така, годинава по завршувањето на спортскиот дел на финалната вечер, специјална гостинка беше уште една мегапопуларна српска и регионална фолк ѕвезда, атактивната пејачка Тијана Милентијевиќ попозната како „Жена од султана“, која го увеличи големото финале и повеќе од два часа ја забавува публиката со својот концертен настап. Организаторот и мештаните и овој пат се покажаа како повеќе од добри домаќини, а и атрактивната гостинка не само што им возврати со одличен настап, туку со полно срце покажа дека има и глас и стас, ама и широка душа! Целата вест прочитајте ја на ВИСТИНА

Пожар на непристапен терен на Скопска Црна Гора

Ивона Петрова — Fri, 10 Apr 2020 06:43:34 +0000

Се е уште е активен шумскиот пожар што вчера попладне избувна на Скопска Црна Гора, помеѓу селата Блаце и Горно Блаце, информира за МИА Владимир Симоновски, командант на скопската Противпожарна бригада. Симоновски информира дека пожарот, во којшто е зафатена мешана шума, во моментов го гаснат 18 вработени во шумското стопанство „Караџица“. -Пожарот е на многу непристапен терен. Ќе се следи ситуцијата. Доколку има потреба во текот на денот ќе се вклучиме и ние и евентуално хелихоптери за негово гаснење, рече Симоновски. Во текот на вчерашниот ден екипи на Противпожарната бригада биле на терен и учествувале во гаснење на пожарот. Засега нема информација која е причината за избувнување на пожето. Се претпоставува дека шумата ја имаат запалено дрвокрадци.

Непристапниот терен и ветерот ја отежнуваат работата: Гори Скопска Црна Гора (ФОТО)

Катерина Бојаџиева — Thu, 05 Sep 2019 19:14:39 +0000

Голем пожар избувна денеска на планината Скопска Црна Гора. -Пожарот во делот на Скопска Црна Гора поточно с.Страчинци непристапниот терен и ветерот ни ја отежнуваат работата, но сепак бидете спокојни и во оваа Борба со огнената стихија ќе победиме, велат од Пожарна Скопје.

Гори Скопска Црна Гора (ФОТО)

Катерина Бојаџиева — Thu, 05 Sep 2019 17:44:36 +0000

Денеска избувна пожар помеѓу Брњанци и Страчинци на планината Скопска Црна Гора. Екипите на ДЗС се на терен и го гаснат пожарот со канадери, пренесува 24 Инфо. Од МВР сеуште нема официјална информација за пожарот.

Дирекцијата за заштита и спасување со два авиони и денеска активна во гаснењето пожари на Скопска Црна Гора

Катерина Бојаџиева — Tue, 19 Mar 2019 18:45:49 +0000

Пожарите на Скопска Црна Гора и денеска се активни. Од Дирекцијата за заштита и спасување информираат дека од утрово интервенираат со два авиона и во 14 налети исфрлени се 35 тони вода. -Воздухопловите и пилотите на ДЗС и денес направија се што е во нивна моќ и надлежност, стои во соопштението во кое од Дирекцијата апелираат до сите инспекциски и земски надлежни служби (противпожарна, шумска полиција) агилно да се ангажираат и извршуваат своите задачи, да вршат редовни контроли и превенција, за да не се создаваат нови вакви пожари. Апелираат и до населението посовесно да се однесува на отворен простор, да не палат отпадоци и стрништа, бидејќи и најмала искра може да доведе до пожари од големи размери.

Локализиран пожарот на Скопска Црна Гора

Ивана Ефремовски — Tue, 19 Mar 2019 09:13:36 +0000

Пожарот што вчера попладнето избувна на Скопска Црна Гора, кај местото викано Влаин гроб, во село Матејче, утринава е локализиран, соопшти Министерството за внатрешни работи. Со пожарот беше зафатена нискотеблеста шума и сува трева, а бил локализиран од екипи на Територијалната противпожарна единица Куманово и ЈП „Македонски шуми“. Пожарот вчера вечерта почна да се шири кон селата Никуштак, Виштица и кон Матејче во горниот дел од планинскиот превој, а гаснењето беше отежнато поради ветрот и непристапниот терен. -На 18.03.2019 во 14.30 часот во Полициското одделение Матејче било пријавено дека на место викано „Влаи Гроб“, атар на село Матејче, Скопска Црна Гора настанал пожар во кој горела нискотеблеста шума и сува трева. На 19.03.2019 во 08.00 часот пожарот бил локализиран од екипи на Територијалната противпожарна единица Куманово и ЈП „Македонски шуми“, информираат од МВР.

ВИДЕО: Пламените јазици брзо се шират- „беснее“ пожарот на Скопска Црна Гора

Предраг Кукиќ — Mon, 18 Mar 2019 20:40:52 +0000

Се шири пожарот на Скопска Црна Гора. Како што јавува репортерот на ТВ21, моментално зафатена е поголема површина од страната на Куманово, кај местот викано Влајингроб и полека се шири кон с. Никуштак, с.Виштица и кон с. Матејче во горниот дел од планинскиот превој. Гори ниска мешана шума и бор, а Противпожарната бригада на Град Скопје добиле дојава за пожарот денеска околу 10 часот, по што веднаш испратиле екипи на терен. Во меѓувреме, Дирекцијата за заштита и спасување поради зачестените полски и шумски пожари апелира до граѓаните да не палат оган на отворен простор и да не фрлаат отпушоци од цигари и догорчиња.

Пламените јазици брзо се шират – голем пожар на Скопска Црна Гора Пламените јазици брзо се шират – голем пожар на Скопска Црна Гора Gepostet von TV21 am Montag, 18. März 2019

Детали за пожарот кај Скопска Црна Гора (ФОТО)

Катерина Бојаџиева — Mon, 18 Mar 2019 18:48:00 +0000

Пожарот на Скопска Црна Гора што избувна денеска околу 13 часот се уште е активен. Гори ниска мешана шума на околу 1.400 метри надморска височина. Поради силен ветер пожарот се шири од кумановска кон скопска страна и вечерва е видлив од Скопје. Противпожарните екипи се на терен, а во текот на денот беше интервенирано и со авиони. Командант на противпожарна бригада на Град Скопје Владимир Симоновски, за МИА изјави дека акцијата продолжува утре со авијација, бидејќи авионите немаат опрема за ноќно летање. -Пожарот е активен денеска од 13:15 часот на делот на кумановска страна и сега има ветер што го носи накај Скопје. Гореше ниска мешана шума на околу 1.400 метри надморска височина. Има дежурни екипи во координација со екипи на општина Гази Баба на страна на селата Раштак и Арачиново и се прати пожарот да не дојде до населено место. Авионите беа на располагање до 17:40 часот, изјави за МИА Симоновски. Пожарот избувна на местото Црн камен, на потегот Липково, Скопска Црна Гора и селото Матејче. ФОТО: КУРИР

ФОТО: Пожарот во Скопска Црна Гора беснее и вечерва

Предраг Кукиќ — Mon, 18 Mar 2019 18:18:31 +0000

Големиот пожар кој избувна попладнево во Скопска Црна Гора, беснее и вечерва. Црн чад и оган може да се забележат и вечерва од планината. Густите облаци чад се гледаат и од централното градско подрачје.

ФОТО: Голем пожар кај Скопска Црна Гора, полицијата на терен

Ивана Ефремовски — Mon, 18 Mar 2019 13:16:35 +0000

Облаци од чад можат да се забележат попладнево од зад планината Скопска Црна Гора. Густите облаци чад се гледаат и од централното градско подрачје. Неофицијалните информации говорат дека станува збор за голем пожар. Од МВР за КУРИР брифираат дека полициски службеници се упатени на терен. ОБНОВЕНО: Станува збор за пожар кој е забележан утрово околу 8 часот на местото викано Влаин гроб, а пожарот се движи кон кумановското село Матејче.