скопска обиколница – Kurir.mk

Започна да се отстранува превртената цистерна на скопската обиколница – сообраќајот се уште се пренасочува (ФОТО)

Дарко Андоновски — Fri, 18 Mar 2022 14:36:09 +0000

Започна да се отстранува цистерната која се преврти на скопската обиколница во близина на исклучокот за Мирковци. Насоката во правец кон Тетово е целосно затворена, а сообраќајот се пренасочува. Во моментов цистерната се отстранува со помош на кран, а засега не е познато кога би започнало да се одвива во нормални услови повторно сообраќајот.

Камион излета од скопската обиколница, возачот итно пренесен во болница

Дарко Андоновски — Tue, 22 Dec 2020 12:53:28 +0000

Камион вчера излетал од патот на скопската обиколница, во близина на клучката Радишани, соопшти МВР. Во незгодата возачот се здобил со тешки телесни повреди, констатирани во Градската општа болница „Св.Наум Охридски“. Извршен бил увид на местото на настанот од увидна екипа од СВР Скопје.

Пешак прегазен на скопска обилколница

Ивона Петрова — Fri, 25 Sep 2020 09:04:50 +0000

На 24.09.2020 околу 09.00 часот на скопската oбиколница, кај клучка Смилковци, товарно возило „фиат дукато“, со скопски регистарски ознаки, управувано од А.М.(59) од с.Петровец, скопско, удрило во пешак Д.М.(59) од истото село. -Во незгодата со тешки телесни повреди се здобил Д.М., констатирани во Комплекс клиники „Мајка Тереза“, каде бил пренесен за укажување на лекарска помош, информира МВР. Увид на местото на незгодата извршила екипа од СВР Скопје.

Рано утрово загубил контрола над возилото и на скопската обиколница предизвикал вистински хаос- еве ги деталите!

Дарко Андоновски — Sat, 14 Dec 2019 10:55:02 +0000

На 14 декември 2019 во 02:20 часот на обиколницата на град Скопје во близина на клучка „Стајковци“ се случила сообраќајна незгода во која патничко моторно возило„опел корса“ со тетовски регистарски ознаки, управувано од М.С.(34) од с.Долно Палчиште, тетовско, изгубило контрола и удрило во металната ограда и канделабра. Од ударот канделабрата паднала на коловозот од обиколницата од спротивната насока и во тој момент патничко моторно возило„мерцедес МЛ320“ со гостиварски регистарски ознаки управувано од П.Т.(49) од с.Врапчиште,гостиварско и патничко моторно возило„фолксваген поло“ со скопски регистарски ознаки управувано од Р.Ј.(48) од Скопје удриле во металната канделабра. По незгодата, М.С. била пренесена во Комплекс клиники „Мајка Тереза“ каде и биле констатирани тешки телесни повреди. Увид на местото на настанот извршила екипа од СВР Скопје, информираат од МВР.

Со „фолксваген голф“ излетал од патот на скопската обиколница- со тешки повреди веднаш бил пренесен во болница

Дарко Андоновски — Sun, 24 Nov 2019 09:18:08 +0000

На 23.11.2019 во 15,20 часот на автопатот „Мајка Тереза“, на обиколница Скопје, патничко моторно возило„фолксваген голф“ со кумановски регистарски ознаки, управувано од Р.С.(41) од Куманово, излетало од коловозот. Во незгодата со тешки телсени повреди се здобила сопатничката Р.С.(41) од Куманово која била пренесена во Комплекс клиники „Мајка Тереза“. Увид на местото на настанот извршила екипа од СВР Скопје, информираат од МВР.

Возило превртено на скопската обиколница, возете внимателно! (ФОТО)

Ивана Ефремовски — Sat, 27 Jul 2019 10:31:41 +0000

Кај скопската обиколница е случена сообраќајна несреќа. Автомобил стои превртен на патот што води кон Смилковското езеро. КУРИР побара детали од МВР и истите ќе ги објавиме веднаш по нивниот одговор. Како што дознава КУРИР, увидот уште е во тек, а возилото ќе биде отстрането по завршување на потребните процедури. До тогаш, возете внимателно во овој дел од градот.

ВИДЕО: Патничко возило целосно изгоре на скопската обиколница кај Радишани

Дарко Андоновски — Tue, 02 Jul 2019 10:03:58 +0000

На скопската обиколница на клучката кај Радишани, нашиот репортер ни испрати видео во кое може да се забележи целосно опожарено патничко возило фиат, објавува 1 ТВ. Како што јавија од местото на настанот противпожарната екипа немаше можност навремено да интервенира, бидејќи во рок од неколку минути возилото изгоре целосно. Не се знае дали има жртви. Инаку, за само две недели ова е втор случај како се пали и целосно гори возило на скопската обиколница.

Гори возило кај скопската обиколница (ВИДЕО)

Предраг Кукиќ — Fri, 21 Jun 2019 14:45:31 +0000

Моментално на обиколницата кај Скопје север забележано е опожарено возило, објави Слободен Печат. Возилото моментално гори, а засега не се познати повеќе детали, погледнете го видеото ТУКА. ФОТО: СЛОБОДЕН ПЕЧАТ

ТРАГЕДИЈА НА СКОПСКАТА ОБИКОЛНИЦА: Едно лице загина, двајца повредени- еве ги деталите

Катерина Бојаџиева — Tue, 11 Jun 2019 09:41:39 +0000

Еден загинат и двајца повредени е билансот од сообраќајната несреќа што се случи рано утринава на скопската обиколница во правец од Тетово кон Велес, во близина на клучката Радишани.

Министерството за внатрешни работи информираше дека несреќата се случила во 03:40 часот кога патничко возило „опел астра“ со скопски таблички изгубило контрола и се превртело.

Во несреќата на самото место загинал возачот М.А. (40), а двајцата сопатници се повредени и пренесени на скопските клиники. Потешко е повреден А.С. (29) кој е пренесен на комплексот клиники „Мајка Тереза“, а со телесни повреди се здобил и вториот сопатник Б.Н. (42) кој е пренесен во Градската општина болница „8 Септември“.

На местото на настанот е извршен увид од страна на екипа на СВР Скопје.

Нормализиран сообраќајот на скопската обиколница

Дарко Андоновски — Tue, 11 Jun 2019 08:16:46 +0000

Сообраќајот на скопската обиколница кај клучката Радишани, во правец од Волково кон Смилковци е нормализиран, информираат од АМСМ. Сообраќајот беше во прекин поради сообраќајна несреќа што се случи изутринава.