скопски аеродром – Kurir.mk

Пристигнување на првиот авион на „Norwegian“ на скопскиот аеродром

Тале Кристо — Fri, 23 Jun 2023 05:52:25 +0000

Првиот авион на „Норвежијан“ од Осло се очекува денеска да пристигне на Меѓународниот Аеродром Скопје во 09:40 часот. На настанот по повод првиот лет од Осло најавено е присуство на министерот за транспорт и врски Благој Бочварски и генералниот директор на ТАВ Македонија, Неџат Курт. ТАВ Македонија организира и церемонија за добредојде за првите патници кои од Осло ќе пристигнат во Скопје.

На скопскиот аеродром слета првиот авион на „Луфтханза“ од Франкфурт

Тале Кристо — Sun, 23 Apr 2023 13:04:51 +0000

На Меѓународниот aеродром Скопје слета првиот авион на „Луфтханза“ од Франкфурт. Со настан организиран од ТАВ Македонија на скопскиот аеродром, по повод отворањето на новата авиолинија Франкфурт - Скопје со германската авиокомпанија „Луфтханза“, се означи влезот на авиокомпанијата на македонскиот пазар. На Меѓународниот aеродром Скопје, првиот авион од Франкфурт го пречекаа министерот за транспорт и врски Благој Боварски, германската амбасадорка во земјава Петра Дрекслер, генералниот директор на ТАВ Македонија Метин Батак и регионалниот директор на групацијата „Луфтханза“ Петер Пулем. Новата авиолинија - од Скопје до Франкфурт се реализира со субвенции од Владата. „Луфтханза“ од денеска ќе лета од Скопје до Франкфурт десет пати неделно. Преку Франкфурт, патниците од земјава ќе имаат можност да се поврзат со повеќе од 200 дестинации во повеќе држави во Европа и светот.

Лажни се дојавите за бомби во училиштата и скопскиот аеродром

Ивона Петрова — Mon, 20 Feb 2023 11:57:06 +0000

Лажни се дојавите за бомби кои пристигнале во 12 училишта и на скопскиот аеродром. МВР информира дека се направени сите потребни проверки во врска со денешните пријави со закани од 10 училишта и аеродромот во Скопје, како и четири во Прилеп и утврдено е дека станува збор за лажни пријави. -Веднаш по добиените пријави, од полициски службеници се преземени соодветни мерки и активности, извршени се потребните проверки од тимови за антитерористички проверки и утврдено е дека станува збор за лажни пријави, велат од МВР. -Меѓународниот Аеродром Скопје денеска преку електронска пошта доби закана за поставена експлозивна направа и случајот веднаш го пријавивме во Министерството за внатрешни работи. Единици на МВР еднаш ги презедоа сите неопходни мерки и проверки, и утврдија дека заканата е лажна, соопштуваат од ТАВ Македонија.

Лажна дојава за бомба во Уставниот суд и скопскиот аеродром

Ивона Петрова — Thu, 05 Jan 2023 14:04:04 +0000

Министерството за внатрешни работи информира дека лажни се пријавите за наводно поставена експлозивна направа во Уставниот суд и аеродромот во Скопје. -МВР ја известува јавноста дека се направени сите потребни проверки во врска со денешните пријави по добиена порака на електронска адреса со закана за поставена експлозивна направа во Уставен суд и аеродромот во Скопје, и утврдено е дека станува збор за лажни пријави, информира МВР. Од страна на полициските службеници веднаш се преземени соодветни мерки и извршени се детални проверки од тимови за антитерористички проверки и утврдено е дека станува збор за лажни пријави.

Нема откажани летови од 9 наутро, еве каква ќе биде ситуацијата со летовите на скопскиот аеродром

Ивона Петрова — Tue, 03 Jan 2023 12:57:33 +0000

Од 20 часот на втори јануари до 9 часот наутро денеска на трети јануари 2023 година, авиокомпаниите откажаа 10 лета, а пренасочија 3 лета, поради намалена видливост како резултат на густата магла во скопската котлина, информираат од ТАВ Македонија. Согласно правилата на авиопревозниците за вакви ситуации, тие им организираат превоз и хотелско сместување на патниците. Од компанијата за сите натамошни информации во врска стекнување на патничките права, ги упатуваат патниците да се обратат кај својата авиокомпанија, со чии услови и правила на користење се согласиле кога ги купиле авионските карти. Доколку патниците имаат потреба дополнително да ги бараат своите патнички права да се обратат до Агенцијата за цивилно воздухопловство, на чија веб-страница се пропишани правилата и условите за нивно остварување: https://www.caa.gov.mk/ Од 9 часот наваму нема откажани летови на Меѓународниот Аеродром Скопје. -Во моментов не очекуваме нарушувања, но видливоста е променлива и зависи од временските неприлики во кои се наоѓа скопската котлина веќе неколку дена. Ги упатуваме патниците да ја следат нашата веб-страница: www.skp.airports.com.mk , во делот Летови (Заминувања/Пристигнувања). Таму, евентуалните промени во редовниот распоред на летови се ажурираат во реално време, како што ги добиваме информациите во нашите системи, велат од ТАВ Македонија.

Полетуваат авионите од скопскиот аеродром, одложено слетувањето на авионот од Истанбул

Ивона Петрова — Tue, 03 Jan 2023 08:12:29 +0000

Од Меѓународниот аеродром Скопје и покрај маглата утрово полетаа шест авиони, дел со мало задоцнување, додека патниците од Истанбул со авионот што требаше да слета во 7:55 се очекува да пристигнат со еден час задоцнување. На веб страната на аеродромот пристигнувањето на авионот од Истанбул е најавено со еден час задоцнување. Следното слетување на аеродромот е после 11 часот. Изутринава магла имаше во повеќе места во земјата, како и на неколку патни правци. Во Скопје претпладнево има појава на магла и ниска облачност. Попладне и кон крајот на денот ќе дува слаб до умерен ветер од северозападен правец што ќе предизвика делумно намалување на маглата. Минималната температура ќе се спушти до 0, а максималната ќе достигне до 9 степени. Поради намалена видливост како резултат на густата магла во скопската котлина, на Скопскиот аеродром од 20 часот завчера до девет часот изутрината вчера беа откажани девет лета, а четири пренасочени.

Многу убави вести за нашинците од Германија – во новата 2023 година оваа авио компанија влегува во Македонија

Дарко Андоновски — Wed, 21 Dec 2022 10:42:57 +0000

Од 23 април 2023 година германскиот авиопревозник „Луфтханза“ влегува на македонскиот авијациски пазар со почнување летови на линијата Франкфурт – Скопје, соопшти „ТАВ Македонија“ откога авиокомпанијата ги закажа летовите помеѓу двата града. „Луфтханза“ ќе ги поврзе македонскиот главен град со главниот аеродром во Франкфурт нудејќи летови од Меѓународниот аеродром ‘Скопје’ секој ден во неделата, а во некои денови ќе има по два лета неделно со авиони од видот: Airbus A319, Airbus A320 и Airbus A321. Германскиот авиопревозник „Луфтханза“, влегува на македонскиот авијациски пазар со отпочнување на летови на линијата Франкфурт – Скопје, од 23-ти април 2023 година, соопшти ТАВ Македонија, откако авиокомпанијата ги закажа летовите помеѓу двата града. „Луфтханза“ ќе ги поврзе македонскиот главен град со главниот аеродром во Франкфурт нудејќи летови од Меѓународниот Аеродром Скопје секој ден во неделата, а во некои денови ќе лета по два лета неделно, со авиони од видот: „ербас 319“, „ербас A320“ и „ербас A321“. „Среќни сме што „Луфтханза“ одлучи да влезе на македонскиот пазар, со отпочнување на летови на релација Франкфурт – Скопје. Ова значи дека Меѓународниот Аеродром Скопје од април следната година ќе биде поврзан со аеродромот во Франкфурт, кој е главното германско авијациско седиште и еден од најважните трансфер-аеродроми во Европа. Дополнително, високата честота на летовите – авиокомпанијата ќе лета секој ден во неделата, а во некои денови и по два пати дневно, дава одлична флексибилност за нашите патници кои патуваат за Германија и оние што се поврзуваат со Европа и Северна Америка. Оваа нова конекција е особено важна за патниците кои патуваат за бизнис-цели и ќе понуди нови опции за авионскиот карго-превоз кон Германија, која е главен трговски партнер на Северна Македонија. Влезот на групацијата Луфтханза е резултат на континуираните маркетиншки активности на ТАВ, се со цел да привлече нови авиокомпании и да ги убеди да отворат нови дестинации од македонските аеродроми. Одлично е што нашата мрежа на авиолинии ќе се прошири и веруваме дека Луфтханза ќе додаде на вредноста на услугите што им ги нудиме на нашите патници од Меѓународниот Аеродром Скопје“, изјави Метин Батак, генерален директор на ТАВ Македонија. Како што велат од Луфтханза, летовите на релација Франкфурт-Скопје се планирани да бидат привлечни и за деловните патници и за туристите. Германскиот авиопревозник го додава Скопје во својата мрежа на линии од летната сезона во 2023 година со цел да ја зајакне својата позиција во Источна Европа. Продажбата на авиобилетите е веќе почната. Сите информации за цени и резервации на авионските карти се достапни на веб-страницата на Луфтханза: https://www.lufthansa.com/, како и кај лиценцираните туристички агенции кои вршат продажба на авиобилети. ТАВ Македонија ги заврши 11-те месеци од 2022 година со 2,2 милиона (2.190.352) патници на двата македонски аеродроми, Меѓународниот Аеродром Скопје и Аеродромот Св.апостол Павле Охрид, што е зголемување за 74 отсто во споредба со истиот период лани, но сепак за 12 отсто помалку споредбено со 2019 година, која се смета за референтна година во авијацијата пред појавувањето на кризата со Ковид-19.

Скопски аеродром: Летовите не се откажани, но сообраќајот е моментално запрен

Ивона Петрова — Fri, 16 Dec 2022 10:19:33 +0000

ТАВ Македонија се огласи откако од МВР потврдија дека утринава добиена е пријава за поставена бомба на скопскиот аеродром. -Меѓународниот Аеродром Скопје утрово преку електронска пошта прими закана за поставенa експлозивнa направa. Информацијата веднаш беше пријавена до Министерството за внатрешни работи, a истовремено целиот персонал и сите патници и/или минувачи кои беа затекнати на аеродромот беа безбедно евакуирани, додека единици на Министерството за внатрешни работи прават проверка на објектите на аеродромот. Летовите не се откажани, но сообраќајот е моментално запрен, сé додека не добиеме известување од МВР дека е безбедно операциите на аеродромот да продолжат по редовниот распоред, велат од ТАВ Македонија. Денеска дојави за бомби добиле десет училишта во Скопје и пет во Битола, ФФМ, хотел Александар Палас, хотел Мериот, трговски центар Ист Гејт, спортска сала Борис Трајковски.

Поради дојава за бомба: Откажани сите летови од скопскиот аеродром

Ивана Ефремовски — Fri, 16 Dec 2022 08:38:30 +0000

И денес има низа дојави за поставени бомби во Скопје. Освен во трговски центри, хотел, спортски центар, дојава за бомба има стигнато и на скопскиот аеродром. Поради тоа, сите летови се откажани. Во тек е итна евакуација на вработените и патниците.

Tурчин уапсен на скопскиот аеродром

Тале Кристо — Wed, 27 Jul 2022 11:13:34 +0000

На 27.07.2022 во 01.10 часот на Граничниот премин „Меѓународен аеродром Скопје“, при проверка било констатирано дека Б.У.(33) од Република Турција е во службената евиденција со мерка „апси“ по барање на Националниот центар за безбедност –Германија. Тој бил лишен од слобода и предаден на полициски службеници од СВР Скопје за понатамошна постапка.